Қ ызылорда облысы

Жаңақорған ауданы

Құттықожа ауылы

№164 жалпы орта мектебінің

11-сынып оқушысы

Ерназар Алпамыс Оразалыұлы

Жетекшісі қазақ тілі мен әдебиеті

Курбаназарова Дариха Налибаевна

Отан отбасынан басталады

Эссе

Отан отбасынан басталады. Ал, отбасы неден басталады? Отбасы дегеніміз ол - әкең, анаң, бауырларың, жақын адамдарың. Шын мәнінде, әрбір отбасы өзінше бір Отан. Отбасы деген сөздің өзіне терең үңіліп көрейікші.

Ол- біздің жанымыз жабырқағанда, қуанышқа бөленгенде ішкі тебіреністерімізді бөлісетін және өзімізді ең еркін, жайлы сезінетін баспана, жылы ұямыз. Оның басшысы, отбасының қамқоршысы мен тіреуі – әкеміз. Әкем- отбасына қатысты бар мәселелерді шешіп, өз отбасының намысын қорғау жолында бар күш-жігерін салатын, намысын бірінші орынға қоятын жан. Бізді де солай тәрбиелеп келеді. Өтірік сөйлемеу, кісінің ала жібін аттамау сықылды қатал тәрбиені әкемізден алсақ, анамыздан мейірімділікті, қамқорлықты, бауырмалдықты, имандылықты бойымызға сіңіріп өсіп келеміз. Анам-мұғалім, ұстаз. Бізбен қатар елдің де баласын тәрбиелеп келеді. Сондай-ақ, отбасы мүшелерінің де өзіндік атқаратын міндеттері бар. Екі ағам өмірден өз жолдарын тауып еліне қызмет етіп жүрсе, інім екеуіміздің де алға қойған мақсатымыз бар. Баршамыздың осы ұядан ұшып шығатынымыз шындық. Отбасына деген сағыныштың жүрек түкпірінде мәңгілік сақталатыны, оның бізді ақ үрпек балапан шағымыздан жылы бауырына басатыны, бізді мәпелеп, өмірдің қатал заңына тәрбиелейтіні рас. Сондықтан отбасы мүшелері бір-бірі үшін жанын қиюға да даяр тұрады. Сол сияқты Отанды қорғау да әр азаматтың азаматтық парызы. Отанымыз алдындағы азаматтық борышымызды орындау мақсатында бар күш-жігерімізді салып аянбай еңбек етсек, бір-бірімізбен етене жақын болсақ, біріміз бәріміз үшін, бәріміз біріміз үшін дейтін тамаша бірлікті сақтай алсақ, онда біз бағындармайтын биік жоқ.«Бала тәрбиесі – басты байлығың, Кешіксең көретінің қайғы-мұң» деп қазақтың ұлы ақыны Абай атамыз өзінің 10-шы қарасөзінде айтып кеткен екен. Қай ата-ана да баласын жаман болсын демейді. Барлық ата-ана балам жақсы болып өссе екен, елінің қалаулы азаматы болса екен деп армандайды. Бала өскен сайын оның тәрбиесі де күрделеніп, оған қойылатын талаптар да күшейе түседі.Ұлы данамыз Ыбырай Алтынсарин «Балаға берілетін бірінші тәрбие ата-анасын, туған-туысын, жолдасын сыйлауға үйретуден басталады. Себебі ата-анасын сыйламайтын бала жолдасына да, қоғамға да пайда келтіре алмайды»деген екен.

Қазіргі кезде көп жастар шет елдерде оқып, сол елдерде қалып қойып жатыр.Бұдан Отанға деген ешқандай ізгі ниетті байқамаймыз, олар жеке басын күйттеп, өзінің болашағына балта шауып жатқанын білмейді. «Атаңа не істесең, алдыңа сол келеді» деген ертеңгі өз ұрпағы қандай тәрбиені бойына сіңіріп өседі, кім болып өседі, оны да ойлаған жөн. Сондықтан да отбасын қалай қадірлейміз, дәл солай Отанды да қадірлеп, қолдан келгенше аялауымыз керек!

Қызылорда облысы

Жаңақорған ауданы

Құттықожа ауылы

№164 жалпы орта мектебінің

11-сынып оқушысы

Ерназар Алпамыс