Отбасы -бақыт мекені

Педагогтің

аты-жөні:

Аденова В.К.

Күні:

Сынып:

Қатысушылар саны: 24

Қатыспағандар саны: 0

Сабақтың тақырыбы:

«Отбасы – бақыт мекенім»

Сабақ мақсаты:

Білім алушылардың отбасы құндылығы туралы түсініктерін кеңейту, оны сүйе білуге, отбасы игілігі үшін талмай еңбек етуге үйрету, үлкенге құрмет, кішіге ізет көрсетуге, отбасы мүшелеріне қамқор, бауырмал болуға тәрбиелеу.

Сабақтың түрі:

Сынып сағаты

Сабақтың барысы:

Сабақтың кезеңі

Педагогтің әркеті

Оқушының әрекеті

Бағалау

Ресурстар

Сабақтың басы:

1 минут

Негізгі бөлім:

8 минут

Ортасы: 15минут

Соңы: 15 минут

Ұйымдастыру кезеңі:

Сынып оқушыларымен сәлемдесу.

Қызығушылықты ояту.

Сәлеметсіңдер ме, балалар! Бүгінгі сынып сағатымыздың тақырыбы: Отбасы – Бақыт мекенім.

Тақырыппен таныстыру. Отбасы ошақтың үш тағаны сияқты, олар- әке, ана, бала. Үшеуінің бірлігі отбасының бірлігі. Қоғамдағы әр шаңырақтың босағасы берік, мерейі үстем болмай , мем- лекетіміз мықты болуы мүмкін емес. Бала- ата-ананың игі істерін жалғастырушы болашағы. Атамыз қазақ «Бала-адамның бауыр еті», «Балалы үй базар» дейді. Өйткені, бала өмірдің жалғасы, отбасының жеміс берер гүлі. Отбасы - бұл қоғамның негізі. Баланың болашақта жақсы азамат болып өсуі, жан-жақты тәрбиелі болуы отбасында берілетін тәрбиеге тікелей байланысты. Әр бала-дара тұлға. Бала тәрбиесінде жаман қылықтар көрсетуден аулақ бо-лып, балаға үлгі бола алсақ- жан-жақты дамыған, шығармашылық қызығуы бар ұрпақ тәрбиелей аламыз. «Әкеге қарап ұл өсер, шешеге қарап қыз өсер» дегендей жақсы тәрбие беру ата-ананың парызы.

Қорытынды: Әке - асқар тауымыз. Ол әр уақытта биіктен көрінсе, ағып жатқан бұлақ, сарқылмайтын қазына болса, сол бұлақтың жағасында әр кезде жап-жасыл құрақтар өсіп тұрса, табиғатымыз отбасымыз, әсем болмай ма? Сыйластық пен мейірімділік орын алған отбасы ешқашанда шайқалмайды. Біз бүгін өзімізге ең жақын, ең қымбат анамыз, қамқор әкеміз, қайырымды ата - әжеміз, аға - әпкеміз, іні - қарындасымыз туралы айттық. Отбасы – ол ең жақын адамдардың ошағы. Әрқашан отбасы мүшелерін сыйлап, құрметтеу керек. Бәріміздің отбасымыз берік, бауырымыз бүтін болсын. Отбасы мүшелері аман – сау болсын!

1-тапсырма: «Ойланайық, пікірлесейік» әдісі. ЖЖ. «Отбасы» сөзіне ассоциация құрғызу. «Отбасы», «отау», «отағасы», «отау иесі» деген ұғымдарды қалай түсінесіз? Отбасы негізі неде деп ойлайсыз? Отбасының берекелі болуы кімге байланысты деп ойлаймыз? Отбасын құру үшін ата-ананың келісімі керек пе? Отбасын құру үшін адамдар қанша уақыт бірін-бірі білуі керек деп ойлайсыз? Дескриптор:

-«Отбасы» сөзіне ассоциация құрады;

-ойларын дәлелдеп жеткізеді;

2-тапсырма:

Шығармашылық жұмыс. Оқушыларды үш топқа бөлу. Әр топ «Бақытты отбасы» модулін салады, оны қорғайды. Модульде: Әке мен шеше, ата мен әже, аға мен әпке - біз жақсы көретін ең жақын адамдар. «Ата - бәйтерек, бала -жапырақ», «Әкеден - ақыл,анадан- мейір», «Ағасы бардың- жағасы бар,інісі бардың - тынысы бар»,-дейді халық. Осындай ынтымағы бір, тілегі бір отбасында өмір сүріп жатқан біз-бақыттымын.

Дескриптор:

- «Бақытты отбасы» модулін салады;

-жұмыстарын қорғайды;

3-тапсырма: Ситуациялық көрініс. ТЖ.

Әр топ жағдаят дайындап көрсетеді.

Апа, Апа, маған ұялы телефон (сотка) алып берші!,- деп анасын мазалайды . Анасы әртүрлі сылтау айтып, көңіл бөлмейді. -Кейін алып берермін. -Не қажеті бар? Осы ситуацияны үлгілі отбасына талқылауға беру. Осындай жағдайда сіз не істер едіңіз?

Дескриптор:

- әр топ жағдаят дайындап көрсетеді; - ситуацияны талқылайды;

4-тапсырма: Отбасына қатысты мақал жарысы. ЖЖ.

Дескриптор:

-мақал-мәтел айтады;

Бас бармақ бағамдары арқылы бағалау

Стикерлер арқылы бағалау.

Бағдаршам арқылы өзіндік бағалау

«Екі жұлдыз, бір тілек» әдісі арқылы бағалау

Сабақтың соңы:

Сабақты қорытындылау.

1.Отбасындағы әкенің орны.

2.Отбасындағы ананың орны. Әр оқушы өз пікірін білдіреді.

Кері байланыс:

«Табыс ағашы» әдісі арқылы кері байланыс ұсынады.