Перпендикуляр түзулер 7 сынып сабақ жоспары

Сабақтың тақырыбы: Перпендикуляр түзулер

Мектеп: Мойнақ ауылындағы МДШО бар №23 орта мектеп КММ

Күні:

Мұғалімнің аты-жөні, тегі: Класхан К

Сынып: 7

Қатысқандар саны:

Қатыспағандар саны:

Сабақтың оқу мақсаттары:

7.3.2.8 Перпендикуляр түзулер және көлбеу проекциялары туралы ұғымды меңгеру;

7.3.2.9 Нүктеден түзуге түсірілген перпендикулярдың біреу ғана болуы туралы теореманы дәлеледеу және қолдану;

7.3.2.10 Перпендикуляр түзулердің қасиеттерін білу және қолдану.

Бағалау критерийлері:

Перпендикуляр түзулер және көлбеу проекциялары туралы ұғымды меңгерді;

Нүктеден түзуге түсірілген перпендикулярдың біреу ғана болуы туралы теореманы дәлеледеп, қолданды;

Перпендикуляр түзулердің қасиеттерін біледі және қолданады.

Құндылықтарға баулу

«Мәңгілік Ел» жалпы ұлттық идеясының құндылықтарының, жалпыға бірдей еңбек қоғамы- еңбек өнімділігін арттыру - өнеркәсіпте, ауыл шаруашылығында, мемлекеттік және корпоративтік басқару жұмысына еңбекке баулу.

Пәнаралық байланыс:

География,физика,математика,сызу

Тілдік мақсаттар:

Оқушылар:

- теоремаларды дәлелдеу мен есеп шығаруды түсіндіреді;

- бөлімнің терминдері мен ұғымдарына сүйенеді;

- сызбадағы берілгендерді суреттейді.

Пәнге тән лексика мен терминология:

- параллель, қиылысатын, перпендикуляр түзулер;

- қиюшы;

- ішкі айқыш бұрыштар, ішкі тұстас бұрыштар, сәйкес бұрыштар;

- үшбұрыштың сыртқы бұрышы;

- үшбұрыш теңсіздігі;

- перпендикуляр, көлбеу, проекция.

Диалог пен жазу үшін пайдалы сөздер мен тіркестер:

- екі параллель түзулерді қиюшы арқылы қиғанда ... пайда болады;

- егер ішкі айқыш бұрыштар ... ;

- егер ішкі тұстас бұрыштардың қосындысы ... ;

- егер сәйкес бұрыштар ... ;

- берілген бұрыш үшбұрыштың ... төбесіндегі сыртқы бұрышы болып табылады, өйткені ... ;

- үшбұрыштың берілген бұрышы ... қарсы жатқандықтан, үшбұрыштың ең үлкен бұрышы болады;

- үшбұрыштың сырты бұрышы өзімен сыбайлас емес ... қосындысына тең болады;

- үшбұрыштың сүйір бұрыштарының қосындысы ...;

- 30⁰ - тық бұрышқа қарсы жатқан катетті табу үшін ... ;

Негізгі терминдер мен сөз тіркестері: перпендикуляр, көлбеу, проекция

Тапсырмалар

• топтық жұмыс;

• СТО

• Деңгейлік тапсырмалар;

• Рефлексия.

Ресурстар

• Сызу құралдары;

• Тапсырмалар;

• А3, А4 парақтар;

• Бағалау парағы;

• Оқулық;

• Жапсырмалар;

• Стикер

Сабақ барысы

Сабақ кезеңдері

Мұғалімнің іс-әрекеті

Оқушының іс- әрекеті

Бағалау

Сабақтың басы(10 мин)

1.Ұйымдастыру: сәлемдесу, түгендеу,топқа бөлу, бағалау парағы таратылады

Оқушыларды түгендеу, сабаққа әзірлігін тексеру.

Сыныпты топқа бөлу

«Қағаз қиындылары» арқылы: бірнеше формула жазылған қағаздардың әрқайсысын топ құрамындағы оқушылар саны бойынша кесіп, оларды араластырып, оқушыларға таратып беремін. Оқушылар қиықтардан формула құрастырып, сол бойынша топ құрайды.

Психологиялық сәт:

«Шаттық шеңбер» Мен оң қолымды жайып жүрегімнен қуаныш алып сендерге сыйлаймын. Жер бетіндегі ең ақылды, ең күшті кім? Әрине адам. Яғни сендер ақылды, күшті зерексеңдер. Ендеше біз өз білімімізге сеніп ерекше сабағымызды бастаймыз.

мадақтау

2. Миға шабуыл

І. Миға шабуыл

- Балалар, бір қарт кісі өз баласына мынадай хат қалдырыпты.

- Балам, менің саған қалдырған қазынамды алғың келсе үйден бақшаға дейін (жоғары қарай) 3 қадам, ал содан кейін оңға қарай 4 қадам жүрсең немесе үйден құдыққа дейін (оңға қарай) 4 қадам, ал содан кейін жоғары қарай 3 қадам жүрсең бір жерде түйісесің. Сол жерде менің саған қалдырған қазына байлығым жатыр, - деп хатын аяқтайды.

Ал бұл хат белгісіз себептермен басқа бір жігіттің қолына түседі де, жігіт қазынаны іздеуге кіріседі.

- Ал енді, балалар, қазынаны біз де бірге іздейік. Қазынаны іздеу үшін бізге қандай мәліметтер керек?

Перпендикуляр түзулер жүргізіп, қиылысу нүктесіне үйді орналастырайық. Вертикаль түзу бойына бақшаны, ал горизонталь түзу бойына құдықты бейнелейік. Енді бақшадан оңға қарай 3 қадам, ал құдықтан жоғары қарай 4 қадам жүрсек бір нүктеде тоғысамыз. Осы нүктені Қ деп белгілейік. Себебі бұл жерде қазына жатыр. Жігіт қазынаны тапты.

- Ал, балалар, қалай ойлайсыңдар? Жігіт қазынаны ала ма? Ал сен сол жігіттің орнында болсаң не істер едің? (Оқушылардың пікірін тыңдау).

- Балалар, жігіт қазынаны алмады, себебі бұл қазынаға менің еңбегім сіңген жоқ, - деп қазынаны көміп қояды.

Бұдан соң горизонталь түзу абсцисса осі, вертикаль түзу ордината осі, ал олардың қиылысу нүктелері, яғни бақшаның есігі координатаның бас нүктесі екенін айтып өту.

Қол шапалақ

3.Үй тапсырмасын өзара тексеру №1092

тапсырылады

Қатар отырған екі оқушы өзара тексереді (жұптық жұмыс) №1092

Шешуі:∠EDC=120°-90°=30°

∠ADE=90°-30°=60 ;

Жауабы: 30°, 60°

№1097 ∠COF=∠KOF-∠KOC=90°-50°=40°

∠FOB=∠COB-∠COF=90°-40°=50°

Жауабы:

Кері байланыс

Сабақтың ортасы(30 мин)

4. Математикалық диктант

Сұрақтарға жауап жазады және қатар отырған екі оқушы бір- бірін тексереді.

1. Сағат 9 болса, сағат тілі қандай бұрыш жасайды? Тік бұрыш

2. Төрт бұрышты столдың бір бұрышын кесіп тастаса неше бұрыш болады? Бес бұрыш

3. Бұл не?/сызба құралдары/

4. Екі түзу қиылысқанда пайда болған бұрыштың бірі 65° болса, қалған бұрыштары неге тең? 115°,65°,115°

5. Жазыңқы бұрыштың 1/6 -і неге тең? 30°

6. Перпендикуляр сөзі латынның қандай сөзінен алынған? Тік бағыт

7. Перпендикуляр түзулер жазықтықты қандай бұрыштарға бөледі?

Тік бұрыш.

5. Cұрақ -жауап.

Әр топқа сұрақ қойылады

Берілген сұрақтар бойынша әр топ А3 параққа жазып, не сызып жауап береді.

1)Тік бұрышты сызғыш немесе транспортирді пайдаланып тік бұрыш сызып көрсетеді;

2)Перпендикуляр түзудің анықтамасын айтады, белгіленуі мен жазылуын көрсетеді ;

3)Түзудің бойында жатпайтын нүкте арқылы түзуге перпендикуляр түсіру алгоритмін пайдаланып, сызып көрсетеді;

1. Нүктеден түзуге дейінгі қашықтықты табуды көрсетеді.

2. Техникада, тұрмыста өзара тең төрт бұрыш жасап қиылысатын түзулерге мысалдар келтіреді./суреттер/

Стикер

Деңгейлік тапсырмалар

1-деңгей. Тапсырма 1.

№1087

AB⊥CD, ∠AOE=35°, ∠KOB=20°

Шешуі:

∠EOD=90°-35°=55°

∠KOC=90°-20°=70°

Жауабы: 55°,70°

2- деңгей. Тапсырма 2.

Қиылысқанда пайда болатын бұрыштардың бірі екіншісінен 4 есе артық. Пайда болған бұрыштардың әрқайсысының шамасын табыңдар

Жауабы:36°,144°

3-деңгей. Тапсырма 3. №1098

∠AOB=90°, ∠AOF=125°, CD⊥EF

Шешуі:

∠AOE=180°-125°=55°

∠FOB=180°-35°=145°

Жауабы: 55°,145°

«Стикер»

Қай топ 1-ші дұрыс шығарады , сол топ тақтаға есептің шешуін жазады.

8.Сергіту сәті

Оқушылар музыка ырғағымен бой жазады

9.Әр топқа тапсырма беріледі (топтық жұмыс) А3 параққа сызып көрсетеді

І топ. а түзуіне түзуден тыс жатқан В нүктесі арқылы перпендикуляр сыз.

ІІ топ. С нүктесінен в түзуіне дейінгі арақашықтықты тап.

ІІІ топ. Бұрыштардың шамасын тап

IV топ. Қандай түзулер перпендикуляр болады?

Стикер

Сабақтың соңы(5 мин)

Сабақты қорытындылау

Ассоциация

Әр топ бір біріне «екі жұлдыз, бір тілек айтады»

10.Оқуға арналған тапсырмалар

1. Тақырып бойынша қайталап оқу

2. № 1099

11. Кері байланыс

Тақтада көрсетілген сәйкес бағанға стикер жабыстырады (аттарын жазып, өздерінің сабақты қалай түсінгенін немесе көңіл-күй деңгейін білдіреді).

Стикер

Саралау:

Деңгейлік тапсырмалар беремін. Бірінші деңгейдегі тапсырма жаңа тақырыпты игеру соңында шығарған есепке ұқсас беріледі. Екінші деңгейдегі тапсырма өтіп кеткен материалды реттеуге және жүйелеуге берілген тапсырмалар түрінде болады.

Үшінші деңгейдегі тапсырма әртүрлі әдіс – тәсілдермен шешілетін есептер.

Үлгерімі жақсы оқушыларға бірден жауап беру талап етілсе, орташа оқитын оқушыларға ойлануға уақыт беріледі. Үлгерімі төмен оқушыларға жауап берудің үлгісі ұсынылады.

Бағалау:

Сабақ барысында қалыптастырушы бағалауды жүзеге асырамын. Ол үшін берілген әрбір тапсырмаға бағалау критериі мен дескрипторлар құрастырып, жинаған балдарын санаймын, оқушыларға смайликтер беріп отырамын.

1-4 – Ізденуің керек ..

5-7 – Толықтыр..

8-10 –Жарайсың !

Денсаулық және қауіпсіздік техникасын сақтау:

Сабақ барысында оқушылар қауіпсіздік техникасы ережелері мен тазалық-гигиеналық талаптарды сақтайды;

Жұмыс барысында олар жазатын (қаламсап) құралдарды пайдаланады;

Жұмысты тек мұғалімнің рұқсатымен бастайды;

Оқу-құралдарын тек қажетті жағдайда ғана пайдаланады.

Жалпы бағалау

Қандай екі нәрсе табысты болды (оқытуды да, оқуды да ескеріңіз)?

1:

2:

Қандай екі нәрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы менің келесі сабағымды жетілдіруге көмектесетін не білдім?