ІІ. Білімді
өзектендіру. Сабақ басында мұғалім
оқушыларға келесі ұғымдарды қайталауды ұсынады: процент, проценті
бойынша санды табу, берілген санның процентін
табу
ІІІ. Топтарға
бөлу.
Сынып тапсырмалар жазылған
карточкалар көмегімен топтарға бөлінеді. Оқушылар тапсырмаларды
орындап, жауаптарын салыстырады және жауаптары бірдей оқушылар топ
құрайды: 1және 3 топ – «Санның % - ін табыңыз», 2 және 4 топ –
«Бөлшекті процент түрінде жазыңыз».
ІV. «Домино» ойыны
(топтарда орындалады).
Проценттің негізгі ережелері
мен амалдары қарапайым есептерді ойын түрінде шығару арқылы
бекітіледі. Оқушылар топтарда есептер шығарып домино
жинақтайды.
V. Жұптардағы
жұмыс.
Оқушылар жұптарда есептер
шығарады (тапсырмалар жетістігі жоғары оқушылар ескеріліп,
артығымен алынған).
Жетістік
критериі:
-
10есептің кез келген 6 - ын
дұрыс орындау.
-
Немесе №7, №8, №9, №10 төрт
есепті дұрыс орындау.
Есептер жауаптары слайдқа
шығарылып, көрсетіледі. Мұғалім дайын жауаптарымен жұмыс барысында
оқушыларға нұсқау береді.
№1. 500 г қантты су
ерітіндісінде 100 г қант бар. Ерітіндінің концентрациясы неше
процент?
№2. Концентрациясы 25% 1 кг
тұзды су ерітіндісін дайындау үшін неше грамм тұз
керек?
№3. Жинақ кассасына 5% жылдық
өсіммен 120 мың теңге ақша салынды. Жинақ кассасына салынған ақша 1
жылдан соң неше теңге болады? Өсімі неше теңге
болады?
№4. Заттың бағасы 760 тг. Егер
заттың бағасы 20% - ке қымбаттаса, оның қымбаттатылған бағасы неше
теңге?
№5. Заттың бағасы 760 тг. Егер
заттың бағасы 30% - ке арзандатылса, оның арзандатылған бағасы неше
теңге?
№6. Тракторшы жыртуға тиісті
жердің 76% - ін жыртқанда, 8,4 га жер жыртылмай қалды. Тракторшы
барлығы неше гектар жерді жыртуға тиіс
еді?
№7. Фермер жерінің 4 гектарын
мал жайылымына қалдырды да, қалған 16 гектар жерге бақша өнімдерін
екті. Фермер барлық жердің неше процентіне бақша өнімдерін
екті?
№8. 300 г тұзды неше литр суға
қосқанда концентрациясы 15% тұзды су ерітіндісі
алынады?
№9. Жинақ кассасына жыл басында
8% - тік өсіммен салынған ақша жыл соңында 162 мың теңге болды.
Жинақ кассасына жыл басында неше теңге ақша
салынған?
№10. Мұнай қоймасындағы
мұнайдың бірінші күні 30% - і, екінші күні қалған мұнайдың 80% - і
сатуға жіберілді. Мұнай қоймасында алғашқы мұнайдың неше проценті
қалды?
11.
СҮТ
Наурыз айында сүттің бағасы
бірдей болды, бірақ «Лидер» дүкенінде сәуір айында сүт
40%-ға арзандады, ал «Гринвич»
дүкенінде алдымен 20%-ға арзандап, содан кейін сүттің бағасы тағы
да 25%-ға арзандады. Қай дүкенде сүттің бағасы
арзан?
А) екі дүкенде сүттің бағасы
бірдей.
В)
«Лидер» дүкенінде
арзан
C) «Гринвич» дүкенінде
арзан
D) мәлімет
жеткіліксіз
E) салыстыру мүмкін
емес
Математикалық
аймағы: сандық
Мәнмәтін:
әлеуметтік
Әрекет
түрі: салыстыру
Сұрақ
түрі: қарапайым, жауап таңдау
арқылы
Деңгей:
1
Жауабы:
А
|