Қарттар күні

Тақырыбы: «Қарттарын қадірлеген ер ардақты»

Қариялар мен құрметті қонақтарды оқушылар сап түзеп қарсы алады

Жүргізуші:

Дүниеге ке­лер бір рет,
Да­рия ке­уде, тау мүсін.
Құрыштан құйған құдірет,

Қарттарым аман – саумысың

1-жүгізуші: 

Қош келіпсіздер, ақ жаулықты аналар,

Ақыл кенін арқалаған ақ сақалды аталар.

Мерекеңіз құтты болсын бүгінгі

Сіздер үшін айтылады баталар

Сіздерсіздер мақтанышым қариялар

Сіздер жайлы жыр шалқып, ән ұялар

Өткенменен жалғаған болашақты

Ақылы ұшан теңіз дариялар

2-жүгізуші:  

Армысыздар ардақты аталар, ақ жаулықты әжелер, қымбатты қонақтар! Бүгін бізде ерекше мейрам, барша баланың ең сүйікті де, ең жақсы көретін мейрімді аталарымыз бен әжелеріміздің мерейлі мерекесі.
Ардақты ата-әже қариялар
Елімнің шежіресі дариялар
Қуат алған нәр алған
Әр шаңырақ жанұялар- 
-құрметті қариялар бүгінгі «Қарттарын қадірлеген ер ардақты» атты мерекелік кешімізге қош келдіңіздер.

1-жүгізуші:

Қарты бар үйдің -қазынасы бар дейді, -халқымыз. Отбасының тірегі әрі ұйтқысы немерелеріңіздің қорғанышы, балаларыңыздың ақылшысы, асқар тауы да әрине сіздерсіздер. Ғұмырларыңыздың ең қызықты да жарқыраған жастық шағын еліміздің өркендеуіне, келер ұрпақтың игілігіне арнадыңыздар. Бүгінде қарттар күнін атап өту, оларға құрмет, қолдау көрсету дәстүрлі іс-шаралардың біріне айналды. Ардақты аталар, аяулы әжелер сіздерді бүгінгі мерекелеріңіз шын жүректен құттықтаймыз. Асқар таудай панамыз болып ортамызда аман-сау жүре беріңіздер.

1-жүгізуші: 

Құрметті қонақтар сіздерді бүгінгі мейрамдарыңызбен құтықтау үшін сөз кезегін мектеп директоры: Заманбекова А.А береміз.

Әдеби монтаж: Мектепалды даярлық тобы, 1 – сынып оқушылары

1-жүгізуші:

Құрметті аталар, әжелер, сіздердің бүгінгі мерекелеріңізге құттықтау лебіз ретінде биден шашу шашылмақ, қабыл алыңыздар.
Күй: «Еркесылқым»

2-жүгізуші:
Құзы терең, кең құлашты шалқардай,
Ғасырлардан сырлар шертіп, айтардай,
Отыратын үй төрінде қомданып,
Бұрынғының аңқылдаған қарттары-ай!

Көрініс : 6- сынып оқушылары

Жүргізуші:
Қазақстанның өсіп - өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Олардың өмір жолдары бүгінгі ұрпаққа таусылмас қазына.
Би. «Бипыл – бипыл» 4- сынып оқушылары

Жүргізуші:

Сәл еңкейген нұр жүзінен әл тайып,

Қуат кетіп бара жатыр қартайып.

Отбасында, бала – шаға қасында

Жетпістер мен сексендер жүр қалқайып.

Би: «Қара жорға» 9 - сынып оқушылары

1 - жүргізуші:

 Қарттарды құрметтеп, олардың алдындағы перзенттік парызымызды үлкен ынтамен орындап, әдептілік көрсету, біздің адами қасиетіміз және басты міндетіміз. 

Ән: «Сағындым әже» 2 - сынып

2-жүгізуші:

Бала ата-анасына қамқорлық жасап, құрмет көрсетсе, қариялар отбасының құтын қондырып, береке-бірлігін артырары сөссіз.

Көрініс 10 - сынып

1 - жүргізуші: 

Қадірлі аталар мен әжелер!Бұл мереке аға ұрпақтың қоғам өміріне қосқан үлесіне шынайы ризашылық білдіретін және ардагерлерге қамқорлық көрсететін күн болып табылады.Қарттарға қамқорлық – біздің халқымыздың санасына терең сіңген қасиет. Сіздердің балаларыңыз бен немерелеріңізге, тәлімді тәрбие, сапалы білім беріп, өмірдің небір қиындықтарын қайыспай жеңе білуге және жеңістерге шаттана білуге үйреткендеріңіз үшін алғысымызды білдіріп, басымызды иеміз.