"Қазақ тілі мен әдебиеті сабағында деңгейлік тапсырмалардың маңызы" мақаласы

Қазақ тілі мен әдебиеті сабағында деңгейлік тапсырмалардың маңызы.

«Қазақ тілі мен әдебиеті» пәні - білімалушыларды тілдік білім негіздерімен қаруландыратын, тіл арқылы қарым-қатынас жасау қызметінің барлық түрін меңгертетін және олардың ақыл-ойын дамытатын пән.

Қазіргі таңда біліммен жарысу үшін әрбір жеке тұлғаның жас ұрпақ кезеңінен қалыптасу деңгейінде сындарлы ойлау қабілеттері, логикалық ойлау қабілеттері неғұрлым терең және кең ауқымды қамтитын, бәсекеге қабілетті, құзырлы болуы шарт. Сонымен бірге өзге ұлт өкіліне қазақ тілін мемлекеттік тіл ретінде үйрету, оны өздерінің ана тілдерімен бір деңгейде дамыту, әрбір оқушының қызығушылығы мен мүмкіншіліктерін ескеру талабына сай болғаны абзал. Осы ретте менің жұмысымның өзектілігі де ойлау қабілеті қалыптасқан, сыни ойлай білетін, сонымен бірге сындарлы ойлау дағдысын қазақ тілінде ұсына білетін білім алушы тұлғасын тәрбиелеу.

Сол себепті де осы реттегі озық педагогикалық тәжірибемді қорытуда аталмыш сыни ойлау қабілеттерін дамытуға ресурс болып табылатын деңгейлік тапсырмалар мен логикалық жаттығулар кез келген буын оқушыларына таптырмас құрал ретінде ұсынудамын. Осы орайда мектебімдегі қазақ тіл імен әдебиеті бірлестігі мүшелерімен бірлесе отырып құрастырған жұмыстарым да менің әдістемелік тақырыбымдағы өзекті проблемаларды шешуге арналған таптырмас ресурс деп есептеймін. «Қазақ тілі мен әдебиеті пәнінен 5-сыныптарға арналған деңгейлік тапсырмалары» жинағы, құрастырылды.

Ұсынылып отырған бұл оқу- әдістемелік құрал жалпы білім беретін мектептің 5 сынып оқушыларына арналған. Қазақстан Республикасының білім беру Мемлекеттік стандарты негізінде және мектеп бағдарламасымен сәйкес құрастырылған. 5 сынып білімалушыларына арналған «Қазақ тілі мен әдебиеті» оқулығында берілген тапсырмаларды толықтырады, үндес келеді, барлық модульдері бойынша тақырыптарды қамтиды. Бүгінгі бала, ертеңгі азамат, мемлекетімізді ары қарай дамытушы тұлға. Сондықтан да білім негізі мектептен бастап қаланады.