Оқу білімінің қара шаңырағы Қазақ ұлттық университеті жайлы мақала жазуды жөн көрдім.Еліміздегі ең беделді оқу орындарының бірі Әл-Фараби атындағы Қазақ Ұлттық Университеті 90 жылдық тарихында жеткен жетістіктері мен еліміздің дамуына қосқан үлестері орасан зор. Бүгінде ҚазҰУ халықаралық ғылым және білім беру кеңістігінде өзінің лайықты орнын алып, жоғары білім саласындағы әлемдік көшбасшы университеттің біріне айналды. Қасиетті оқу ордасы сапалы білім беруді мәдени белсенді өмірмен ұштастырады. Басқа елден келген ұлт өкілдері де, осы білім ордасында білім алып отыр.Осылайша ұлт болашағы үшін білімді әрі ұлтжанды ұрпақ тәрбиелеуді алғашқы орынға қойып келеді. Университетімізде 16 факультет, 67 кафедра, 32 ғылыми-зерттеу институты мен орталықтар, технопарк қызмет атқарады: 2000-нан астам профессор, докторлар, ғылым кандидаттары мен философия докторлары, 100-ден астам академиялардың академиктері, 30-ға жақын Қазақстан Республикасына еңбек сіңірген қайраткерлері бар. Осындай университеттің,журналистика факультетінде оқу маған бұйырыпты. Келе сала жылы қарсалған жаңа достарым,группаластарым қазір өзіме жақын адамдар. Білікті, білімді мамандардың сабағынан көп тәлім тәрбие, білім, сонымен қатар естен кетпес сабақтарын өткізді. Біліммен қатар қызықты студенттік өмір, белсенді орта сыйлай білді. Сонымен қатар, университеттің қалашығындағы халықаралық жағдай мәдени алмасудың керемет палитрасын жасайды. Әлемнің түкпір-түкпірінен келген студенттер осында бірігіп, олар өздерінің білімдерімен, өз елінің мәдениеті, ұлттық санасымен бөліседі. Біз тек оқытушылардан ғана емес, бір-бірімізден де үйренеміз, өз интеллектімізді мәдени жағынан байытамыз. Әл-Фараби атындағы Қазақ ұлттық университетіндегі менің студенттік өмірім-бұл жай ғана оқу емес, бұл шабыт, бұл шындықты іздеу және мұндағы әрбір сәт жаңа биіктерге қадам екенін түсіну. Бұл университет тек білім беріп қана қоймай, болашаққа сенімділікті арттыратын, дайын тұлғаны қалыптастырады. Менің студенттік тарихымның осы таңғажайып оқу орнымен байланысты екенін мақтан тұтамын.

Автор: Сайдилдаева.С.Н

Жетекші:Игиликова.С.И