Тақырыбы: Қош бол, білім бастауы-бастауышым!

Мақсаты: Білімнің сара жолы мектептен басталатынын, білімнің кең дүниеде өмірге есік ашатынын сезіндіру. Білімге деген құштарлығын арттыру. Мектепте, яғни, білім ордасын, ұстаздарын құрметтеп, еңбекті ағалай білуге тәрбиелеу. Ата-анасының, Отанының адал ұл-қызы болуға жетелеу, тәрбиелеу. Ақылдарын, ой-өрістерін дамыту. Бастауыш сыныбымен, білім есігін ашқан ұстаздарымен қоштастыра отырып, жоғары сынып мұғалімдеріне әр баланы өз ерекшелігімен таныстыра отырып, сәт сапар тілеп табыстау.

Мұғалім: Көрінетін биіктен асқақ іспен
Баулитұғын білімге жас кішіден.
4 жыл бойы біліммен сусындатқан
Қоштасқалы күн келді бастауышпен.
Бастауышты халық та дәріптеген
«Білім көзі» деген сөз анық деген.
Өйткені бастауышта балаң шыбық
Ең алғаш танысады әріппенен.
- Кеше ғана тұлымдары желбіреп, жүректері лүпілдеп, мектеп табалдырығын имене аттаған ұл-қыздарымыз ойлары толып, бойлары өсіп, бастауыш сатысымен қоштасқалы отыр. Олай болса, 4-сыныптың «Қош бол, білім бастауы-бастауышым!" атты бастауышпен қоштасу салтанатына қош келдіңіздер!

Мереке 2 бөлімнен тұрады.

1бөлім «Білім бастауы- бастауыш»(пәндерден алған білімдерін ортаға салады)

2бөлім «Бастауыш саған мың алғыс» (мекереклік іс-шара)

Толқимыз, толқып тұрсыз баршаңыз да,
Мұнда күй болған сірә қаншаңыз да?
Қол соғып, қошеметтеп шақырайық,
4 «А» сыныбын ортамызға.
(Оқушылар ортаға сахнаға шығады)
Мен үшін бәрің бірдей қарақтарым,
Орындалсын арман-тілек, талаптарың.
Айзере: Бала шаққа болашақты  жырлатып,

Шәкірттерге ой түзеткен сымбатты .

Күн нұрындай сәуле құйған көңілге,

Армысыздар , ұстаздарым қымбатты!

Қайсар:

 Армысыздар, әжелер мен аналар,

Ұрпағыңыз күнде өзіңнен бата алар.

Ел дәстүрін мәңгі сыйлап оқы деп,

Үйреткен ғой Абай, Ыбырай бабалар

Бағлан: Армысыздар өр тұлғалы әкелер!

Қыран құстай балапанын мәпелер.

Бүгін міне бастауышпен қоштасады,

Азамат боп , кешегі сәби- еркелер!

Хормен: Ұлылықты аруақ тұтар үнемі

Алтын ұя ақ босаға киелі

Қанат қаққан білім алып өзіңнен,

Күллі шәкірт саған басын иеді.

Құттықтау сөз кезегі мектеп директоры: Мауленова Базар апайға беріледі.

Айзере:Білім деген қауыздан гүл ашылған
Оған керек таусылмайтын көп шыдам.
Бар білімнің, бар ілімнің атасы
Бастау алар бастауыш сатысынан

Бағлан:Енді міне, сағымдай боп өте шықты,
4 жыл уақыт аз ба екен, кім біліпті.
Ұстаз – ана жасады мына бізден,
Ел таңғалар азамат бір-бір мықты.

Қайсар:Білім бар білім десең баста піскен
Қолда оқулық бәрі де тасқа түскен.
4 жыл бойы саялы мекен еткен
Қоштасайық енді біз бастауышпен.

1бөлім «Білім бастауы- бастауыш»

Айзере:Анашымдай сыр шерткен,

Ақыл- білім үйреткен.

Ана тілін оқыдық ,

Ерекше зор құрметпен.

Ана тілін сүйеміз,

Құрметпен бас иеміз.

 Бағлан: Қазақ тілі пәнінен,

Білім алды балалар.

Сөйлемді, сөз таптарын,

Етістіктің шақтарын,

Жалғаулар мен жұрнақтар.

Ережесін жаттадым.

Қайсар: Ойланып есеп шығартып,

Төрт таңбаны білдірген.

Ғылымдардың патшасы,

Математика данасы

 Айзере: Ой жіберсең бәріне ,

Дүниетану пәніне.

Өмір сырын үйретер,

Пәннің жақсы бірі де.

Жер байлығы көп екен,

Игеруді қалайды.

Осының бәрін білдірген ,

Дүниетану сабағы.

 Қайсар:Үйренеміз жалықпай,

Орыс,ағылшын тілідерін шарықтай.

2бөлім «Бастауыш саған мың алғыс» (мекереклік іс-шара)
1 - жүргізуші:
«Ақырын жүріп, анық бас,
Еңбегің кетпес далаға.
Ұстаздық еткен жалықпас
Үйретуден балаға», - деп Абай атамыз айтқандай, ұстазымыз білім нәрімен сусындатып, көп нәрсені үйретті. Сондықтан Рита, Гульмира ұстаздарымызға
Хормен: «Мың алғыс!»

Ән: Ұстаз-Ана

Читать и писать на русском

Нас научила она

Это наша царица

Думан Хайсовна

Би: Галинка

Ән: Алғашқы ұстаз

Бану апайға біз сендік,

Шетел тілін үйрендік

Ағылшынша жазып та ,

Біз сөйлеуді үйрендік.

Ән:Ардақты ұстаз

Жылы сөзбен қарсы алып

Бізді баурап алдыңыз,

Үйреткен өзін-өзі тануды

Ақтоты апай сізге рахмет.

Ән: Алғашқы ұстазым

Алтын ұя мектеп рухын

Даралап тағзым етеміз,

Білімді әрі жалғастырып

Арманға біздер жетеміз.

Ән:Мектебім, аяулы мектебім

Би:Қара жорға

Ән: Ұстазға мың тағызым!

Барлық оқушылар қосылып:

Сүйікті біздің ұстазымыз...

Айтамыз біз рахмет

Денсаулық тілеп, бақ тілеп,

Аброй, атақ, бәр жақсыны

Тілейді Сізге, жас түлек.

Бәрі:

• Орта буын қатарына қосыла отырып, салтанатты түрде ант етеміз!

Қайсар:

• Тақта алдында бірде-бір сұрақты қалт жібермей, үздік қақпашыдай тұруға;

Айзере:

• Жылдам да ширақ болуға, бірақ дәліздегі жылдамдықты 60км/ сағаттан асырмауға;

Бағлан:

• Білім теңізінде түбіне дейін сүңги отырып, тек жақсы жүзуге;

Бәрі:

• Ұстазымның сеніміне лайық болуға;

Бәрі: Ант етеміз! Ант етеміз! Ант етеміз!

Музыкалық салем. Хор «Ақ тілек»