Сабақ жоспары . Киім және сән

Қазақ тілі пәні бойынша 5-сынып оқушысының өзіндік жұмысының жоспары

I тоқсан

Сабақтың нөмірі: 10

Сабақтың тақырыбы: 2-бөлім: Киім. Сән.Талғам. §10.Киім түрлері және сән туралы түсінік

Сабақтың мақсаты: 5.1.2.1 - әлеуметтік-тұрмыстық, әлеуметтік-мәдени, тақырыптарға байланысты диалог, монологтердегі (ән мәтіні, жарнама) көтерілген мәселені түсіндіру;

5.3.6.1 -мәтіндегі орфографиялық қателерді сөздіктерге сүйене отырып, түзету және редакциялау.

Оқушы:

• мәтінде көтерілген мәселені түсіндіреді;

• сұрақтарға жауап береді;

• аралас буынды сөздерді анықтайды.

Қысқаша тезисті конспект

Киім және сән

Киім адамды қоршаған ортаның, табиғаттың түрлі әсерінен қорғайды. Сондықтан ежелгі дәуірдегі адамдар киімді суықтан, ыстықтан, жараланудан, сырып кетуден денені сақтау үшін киді. Ең алғашқы киімдерді адамдар шөптен, жан-жануарлардың терілерінен жасаған.

Қазіргі кезде кез келген адамның өз қалауынша сәнді киінуіне мүмкіндік бар. Киім тігуге мал, аң терілері, өсімдік, ағаш, балық, құс өнімдері, жасанды материалдар пайдаланылады. Киім түрлеріне қарай баскиім, аяқкиім, сырткиім, ұлттық киімдер болып бөлінеді. Ұлттық киімдер арқылы адамның ұлтын білуге болады.

Сән – киім кию мәдениеті. Ол адамның талғамына байланысты. Сын қоғамға, заманға қарап өзгеріп отырады. Дизайнер – сәннің бағытын, кімге арналатынын, қандай матадан тігілетінін, үлгісін айқындайтын адам. Дизайнерлік киімдер жоғары сапасымен, биік талғамымен, өзіндік идеясымен ерекшеленеді. Сәнгер – көпшіліктің алдына шығып, жаңа киім үлгілерімен таныстыратын адам.

(http://sabaq.kz)

Әдеби тіл нормалары

Ресурстар: 5-сыныпқа арналған «Қазақ тілі» оқулығы, «Атамура» баспасы, 2017 ж., 24-25-беттер.

Оқушыға арналған тапсырмалар

1-тапсырма. Мәтінді оқып, нақты ақпарат табыңыз. Екі бөлімге бөліп, әрқайсысына ат қойыңыз.

2-тапсырма. Сұрақтарға жауап беріңіз.