Сабақтың мақсаты: Білімнің адам өмірінде маңыздылығын түсіндіре отырып, дұрыс әрекет құндылығының мәнін ашу.

Сабақтың міндеттері:

• Білімнің арқасында аты әлемге танылған тұлғаларды таныстыра отырып, еңбектену арқылы білімнің жемісі жетістік екенін түсіндіру.

• Білім алуда ізденпаз болуға баулу:

• Оқушыларды жауапкершілікке тәрбиелеу.

Ресурстар: оқулық, дәптер,

(аудио, видео жазбалар, плакатқа салынған сурет, кубик)

Сабақ барысы:

І. Ұйымдастыру кезеңі

Сәлемдесу. Оқу құралдарына назар аудару.5 Т ережесі

ІІ. Тыныштық сәті

"Қайырлы таң"

Біз, тағы да өзіміздің кең және жарық сыныбымызда отырмыз. бұл жерде отыруларыңның құпиясын білемін. себебі, сендерге білім алу ұнайды. білім арқылы өзіңді, адамдарды, айнала қоршаған ортаны, ғарышты, әлемді танисыңдар, өз табыстарыңды, жетістіктеріңді көрсете аласыңдар, қоғамға қызмет етесіңдер. Бүгінгі сабағымызда білім, білімнің адам өмірінде мәні туралы әңгімелесеміз.

Сабақ барысын талдау

ІІІ. Үй тапсырмасын сұрау

• 5-сабақ, 18- бет.Ел аузынан Қазына .

• Сұрақ:

• Бұқар жырау неліктен «Қазына білімдінің басында»

• деп айтты?

• Білімді адамда қандай қасиеттер болғанда

• қазынаға айналады?

• Өмірде біліміңді пайдаланып дұрыс жол тапқан

• кездеріңді айтып беріңдер?

ІV. Дәйек сөз

Білім- өмір шырағы.

Халық даналығы

• Ұлдар 2 рет, қыздар 2 рет

• Барлығы қосылып 1 рет айтады.

• Дәйексөзден түсінгеніміз.

V. Мұғалімнің сыйы

«Табанды бала» (Аңыз әңгіме)

Мәтінді оқушыларға таныстырамын.

• Бала өз мақсатына қалай жетті?

• Баланың ғалым болуына қандай қасиеттері көмектесті?

• Қазақ халқының қандай ғұлама ғалымдарын білесіңдер?

VІ. Шығармашылық жұмыс (жеке)

• Кітаптың жыры өлеңін оқушыларға таныстыру.

Өлеңді оқып мағынасын ашу. (Кітаппен жұмыс)

Деме:

"Оңай үйренем".

Ақыл айтсам-

Егеспе.

Оқу деген - "Инемен құдық қазу" емес пе?

Менің әрбір жолымда -

Өмірдегі үлесің.

Мен отырсам қолыңда,

Білмегенді білесің.

Көп пайдадан құр қалма,

Жалқауланып отырып.

Қолдан келіп тұрғанда:

"Кел, балалар, оқылық!"

VІІ. Топпен ән айту. "Бақытты балалық шақ"

Сөзін жазған: Ж.Тұрбеков

Әні:Ә.Еспаев

VІІІ. Үйге тапсырма

• 6-сабақ, 20- бет. " Бізге сабақ болған бата...»

Жазира Жайлаубекқызының әңгімесі

Бүгінгі сабаққа белсене қатысқан оқушыларға алғыс айтамын!

Ж инаған -дар санына қарай марапаттаймын!

Соңғы тыныштық сәті

• Тыныштық... Тыныштық бар жерде... Тыныштық бүкіл әлемде...

• Рахмет балалар, сау болыңыздар!