«Компьютер және мен достығымыз жарасымды, бірақ денсаулық пен жанұя маңызды»

Салауатты өмір салтына арналған қойылым.

Мақсаты: балаларды компьютер ұғымымен таныстыру. Компьютердің пайдасы мен зияны

туралы, оны қалай тасымалдау керектін толығымен түсіндіру. Компьютермен ұзақ жұмыс

істеудің денсаулыққа зиянды екендігін түсіндіру.

Музыка әуені ойналады (Простоквашино. Залдың іші мультфильм бойынша жабдықталған пеш, орындық, шымылдық, үстел т.б). Кейіпкерлер таңертең тұрады, әтештің дауысы естіледі.

Матроскин: (тұрып радиоға барады, қажетті толқынға қояды). Фёдор аға! Шарик тұрыңдар таңғы жаттығуды жасайық (музыка әуенімен таңғы жаттығуды жасайды).

Есікті біреу қағады: Тоқ-тоқ

Бәрі бірге: Бұл кім?

Печкин: - Бәрі мені таниды,

Хатқа толы қапшығым,

Хат тасушы Печкинмін.

Фёдор аға: -Сәлеметсіз бе! Қош келдіңіз!

Шарик: - Печкин жай жүрмейді.

Матроскин: - Дұрыс айтасың, Шарик. Оның қолында бізге деген сәлемдеме бар.

Печкин: -Дұрыс айтасыңдар бірақ бұл сәлемдемені сендерге бере алмаймын. Бұл сәлемдеме, Фёдор ағаға арналған. Құйрықты, сабалақ жануарларға беруге болмайды.

Матроскин: -Кәнеки әкел оны, ол біздікі.

Шарик: -Біздікі, біздікі әкел оны бізге.

Фёдор аға: -Тыныш!Тыныш! Ұрысудың қажеті жоқ, одан да Печкинге бір сыйлық жасайық.

Печкин: - Қандай сыйлық?

Матроскин: - Саған жаяу жүру оңай емес.

Шарик: -Сөмкең ауыр (сөмкені көтереді, көрсетеді ауыр екенін). Аяғың шаршайды.

Фёдор аға: - О, мен таптым оған велосипед сыйлайық.(велосипедті алып шығады).

Печкин: - Бұл, менің арманым! Қандай тамаша! (Печкин велосипедтің жан-жағына қарап, таңырқайды).

Шарик: - Велосипед денсаулыққа пайдалы.

Матроскин:

Велосипедке мініп,

Таза ауа жұтып.

Жел мен жарысып,

Хат тасимын тездетіп.

Фёдор аға: - Және аяқ буыңдарыңа жақсы болады.

Печкин: - Рахмет, саған Фёдор. Мына сәлемдемені саған берейін (сәлемдемені береді, велосипедке мініп кетеді).Бәрі бірге сәлемдемені ашады, Фёдор таң қалады.

Фёдор аға: - Алақай! Алақай! Маған ата-анам компьютер жіберіпті. Қандай керемет! (Фёдор компьютерді алады, үстелдің үстіне қояды, содан соң отырады).

Матроскин:- Қойшы сол компьютерді одан қандай пайда?

Фёдор аға: - Компьютердің пайдасы көп, одан ақпарат алуға, мультфильм көруге, ойын ойнауға, ән тыңдауға, ауа райы туралы мәлімет алуға, сурет салуға, хат жазуға, скайып арқылы достарыңмен сөйлесуге болады.

Матроскин: - Компьютер саған ұнаса, маған ұнамайды. Менің сиырымнан артығы жоқ. Ол сүт береді. Ол бәріне пайдалы. Мен оданша сиырымды сауып келейін. (Матроскин сиырды саууға кетеді).

Шарик: - (құлағын қағып) маған да ұнап тұрған жоқ Фёдор аға, одан да орманға барайық, таза ауа жұтайық. Аңдарды суретке түсірейік.

Фёдор аға: - Жоқ, Шарик , мен бармаймын компьютерде ойнаймын.

Шарик: - Фотоаппараты алады, орманға кетеді. (Музыка әуені) Аңдар биі. Орындайтын: Алима, Нұрали, Камила, Айзат. (Қоян, Аю, Түлкі, Қасқыр) Шарик суретке түсіріп шығып кетеді.

Матроскин: (Кіреді қолында сүті бар) Фёдор аға, мен саған сүт әкелдім. Сүт іше ғой.

Фёдор аға: - Жоқ , мен сүт ішпеймін. Мен ғаламторда отырмын.

Матроскин: - Жаз бойы отырдың. Міне ,күз де келді (барады да күнтізбенің парағын жұлып алады).Фёдор аға қарамайды компьютер басында отырады. Көзілдірікті киеді.

Матроскин:

Фёдор аға, қарашы,

Жапырақтар айналып.

Би билейді таң қалып.

Гимнастикалық ленталармен би.

Шарик:

Біздің табиғат қандай тамаша!

Өрік, алма, шие, алша,

Жидек, жүзім пісіп тұр.

Астық пісіп, орақ түсіп,

Қырман дәнге толып тұр.

Матроскин: - Қаншама уақыт өтті. Фёдор аға компьютер басынан тұрмайды.

Шарик: - Енді не істейміз? Жаңа жылда келді (күнтізбенің парағын жұлып тастайды).

Матроскин: - Фёдор аға! Тұр! Тұр! Жаңа жылға дайындалайық, шыршаны орнатайық.

Фёдор аға мән бермей отырады.

Шарик: - Фёдор ағағамызға не болған?

Матроскин: - Бір амалын табу керек. Фёдор ағаны құтқару керек. Ата-анасына қоңырау соғайық (ұялы телефонды алып, нөмірлерді тереді).

Анасы: - Алло, сәлеметсіз бе? Бұл кім?

Шарик: - Алло, сәлеметсіз бе, мен Шарикпін.

Анасы: - Қалдарың қалай? Фёдордың қалы қалай?

Матроскин: - (ұялы телефонды Шариктен алады) Компьютер келгелі Фёдор ағаға не болғанын білмейміз? Көзілдірік киді, отырысы түзу емес, компьютерден басқа ешкімге назар аудармайды.

Анасы: - Түсінікті. Біз тездетіп сендерге жетейік.

Матроскин: - Фёдор ағаға қарасақ, шыршасыз қаламыз. Шарик, жүр шырша әкелейік.

Боран, желдің әуені естіледі. (Матроскин, Шарик екуі шыршамен залға кіреді Есікті қағады, ата-анасы, Печкин үшеуі шаңғы теуіп, аңдар бірге залға кіреді).

Матроскин, Шарик екеуі бірге: - Бұл кім?

Ата-аналары:- Бұл біз-біз.

Матроскин, Шарик екеуі бірге: - Алақай! Алақай! Фёдор аға! Тұр, тұр! Ата-аналарымыз келді.

Фёдор аға: - (Орнынан тұрып, созылып, керіліп , қуанып ата-анасын құшақтайды).

-Қаншама уақыт өтті. Ал мен болсам тек қана компьютер басында отырып, достарыма көңіл аудармаппым. Достарым мені кешіріңдер.

Анасы: - Фёдор, балам дұрыс айтасың компьютер басында көп отыруға болмайды. Компьютер пайдалы. Бірақ денсаулық , отбасы, достардан артық еш нәрсе жоқ. Матроскин, Шарик Фёдорды кешіресіңдер ме?

Матроскин, Шарик екеуі бірге: - Иә, біз оны кешіреміз.

Печкин:

Салауатты өмір салтын сақтаймыз,

Қиыншылықтан біз ешқашан қашпаймыз,

Әрдайым сақтанып біз жүреміз,

Ұзақ өмір сүреміз.

Мақсатымыз салауатты -өмір сүру,

Өмірдің мағынасын жетік білу.

Анасы:

Салауатты өмір салтын қолдайық,

Әдеттен жаман әрқашан аулақ болайық,

Өз өмірін өз қолында, ей балалар,

Су ішпеген гүлдей болып солмайық.

Әкесі:

Уа, халайық, назар аудар денсаулыққа,

Өмірде бақыттысың денің сауда

«Денсаулық-терең бақыт» деген сөзді,

Құр айтпаған даналар, бабалар да.

Бәрі бірге:

Бүгін, міне оң болып әр ісіміз,

Жоғары боп күш-жігер, намысымыз.

Осылайша қуанышпен думандатып,

Аяқталды, халайық, қойлымымыз.

Бастарын иіп, қоштасып кетеді.