Шымкент қаласы білім басқармасының

«Есту қабілеті бұзылған балаларға арналған

№1 арнайы мектеп-интернаты»

коммуналдық мемлекеттік мекемесінің

мұғалімі Боранбай Лаура

Сабақтың тақырыбы: «Шалғын жануарлары». №3(4).

Сабақтың мақсаты: 1. Өткен сабақты пысықтау және жаңа

тақырыппен таныстыру. Шалғын жануарлары

туралы мәлімет беру.

2. Оқушылардың сөздік қорын молайту,

дыбыстардың дұрыс айтылуын қадағалау.

3. Шалғын жануарларын тануға, пәнге деген

қызығушылығын ояту.

Көрнекілігі: суреттер, қима-қағаздар.

Сабақтың түрі: сұрақ-жауап.

Меңгерілетін сөздер: табиғи мекен жайлар, шалғын өсімдіктері мен

жануарлары.

Сабақтың барысы:

1. Ұйымдастыру кезеңі.

а) диалог.

- Қабылдағышты киіңдер, аппаратты қосыңдар.

- [Па-Па-Па] Дыбыс бар ма?

- [..., сен қалай естисің?]

- [Қазір қандай сабақ?]

- Сабақты неден бастаймыз?

б) сөздік жаттығу.

Мақсаты: Сөздерді дұрыс бір екпінмен оқыту.

Табиғи мекен жайлар: шалғын, дала, шөлейт, орман, тау, егістік.

2. Өткен сабақты пысықтау.

1. Үй тапсырмасын тексеру.

• Өткен сабақтың тақырыбы қандай?

• (Өткен сабақтың тақырыбы «Шалғын өсімдіктері»)

• Үйге қандай тапсырма берілді?

• («Шалғын өсімдіктері» туралы оқу, сұрақтарға жауап беру).

• Дұрыс, енді сұрақтарға жауап береміз.

2. Сұрақтармен жұмыс.

• Шалғын дегеніміз не?

• (Шалғын дегеніміз ылғалы мол, гүлге ұқсас шөптер өсетін жер).

• Шалғын қандай жерлерде болады?

• (Шалғындар тау беткейлерінде, көл жағалауларында, орманның ашық алаңдарында болады).

• ..., толықтыр.

• (Шалғындар жазықта да, тауда да кездеседі).

• Шалғында өсетін өсімдіктерді ата.

• (Жоңышқа, қоңырбас, атқонақ, қоңыраубас, тышқанбұршақ).

3. Жаңа сабақ.

Тақырыптың аты: «Шалғын жануарлары». (бірге оқимыз)

Меңгерілетін сөздер.

• Бүгінгі сабақта кездесетін жаңа сөздермен танысамыз.

Ұқсас – бірдей.

Ұсақ қоңыз – майда қоңыз.

Алуан түрлі – әр түрлі.

Бүркіт, бөдене – құстың аты.

Шегіртке, көбелек – жәндіктің аты.

(бірге оқимыз)

• Сонымен, балалар, шалғын дегеніміз не?

• (Шалғын дегеніміз ылғалы мол, гүлге ұқсас шөптер өсетін жер).

• Мынау қандай жер? (суреттер)

• (Шалғынды жер).

• Неге олай ойлайсыңдар?

• (Шалғынды жерде шөптер, гүлдер өседі).

• Мына жерді шалғын деп атауға болады ма?

• (Жоқ).

• Неге?

• (Себебі, бұл жерде ағаштар өсіп тұр.)

• Дұрыс, енді шалғын жерде өмір сүретін жануарлармен танысамыз. (суретке қараңдар)

• Мынау шалғын жер. Шалғыннан нені көруге болады?

• Мынау не?

• (Көбелек, бал ара, шегіртке, құрт.) (бәрі бірге)

• Балалар, шегіртке, бал ара, көбелектен басқа тағы нені көріп тұрсыңдар?

• (Құс).

• Қандай құс екенін білесіңдер ме?

• (Бозторғай құсы). (бәрі бірге)

Бозторғай құсы жер бетіне шыққан құрттармен, қоңыздармен қоректенеді. Шалғынды жерде бозторғайдан басқа құстар да кездеседі. Олар: бүркіт, бөдене. (суреттен көрсету)

• Қандай құстарды көруге болады?

• Бүркіт, бөдене, құладын. (бәрі бірге)

• Бөдене неге ұқсайды?

• (Тауыққа ұқсайды).

• Шалғыннан тек құстарды ғана емес, сұртышқандар мен саршұнақтарды да кездестіруге болады. Олар қалың шөптен көрінбейді.

4. Сабақты бекіту.

а) оқулықпен жұмыс.

- Оқулықтың 102-ші бетін ашыңдар.

- Бүгінгі жаңа тақырыпты жәй дауыспен оқыңдар.

б) дәптермен жұмыс.

- Дәптерлеріңді ашыңдар. Жаңа сөздерді дәптерлеріңе жазыңдар.

в) «Баскетбол» ойыны

- Берілген суреттерді тиісті кәрзеңкеге салыңдар.

(Өсімдіктер мен жануарлардың суреттері және екі баскетбол кәрзеңкесі болады)

5. Үйге тапсырма.

Оқулықтың 102-ші бетін оқып келу. Сұрақтарға жауап беру.

6. Сабақты қорыту.

[- Бүгін біз сабақта не істедік?]

[- Бүгін біз сабақта не білдік?]

7. Оқушыларды бағалау.