«Сән мен сымбат әлемі»

Запорожье орта мектебі

Сыныптан тыс іс-шара

(7-8-9 сынып )

Өткізген технология пәнінің мұғалімі : Жакенова Б.Ә

2014-2015 о.ж

Сынып: 7-8-9

Сабақтың тақырыбы: «Сән мен сымбат әлемі»

Сабақтың мақсаты:

Білімділік: оқушылардың мамандық таңдау барысындағы ойларын нығайту,кәсіптік білімнің маңыздылығы,шығармашылық еңбекке араласуы арқылы өмірге өзіндік таңдау жасау.

Дамытушылық: ой-өрісін, ынта-ықыласын, бейімі мен қабілетін анықтап,еңбекке деген қызығушылығын арттыру.

Тәрбиелік мақсаты: адамгершілікке, еңбексүйгіштікке, эстетикалық талғамға, бүгінгі өмір талабына сай кәсіпке тәрбиелеу.

Сабақтың әдісі: сайыс

Сабақтың барысы:

І. Ұйымдастыру бөлімі:

- сайыстың тақырыбымен таныстыру,

- сайысқа қатысушы топтармен таныстыру,

- әділқазы алқаларымен таныстыру.

- сайыстың шарттарымен таныстыру

ІІ. Негізгі бөлім:

• «Сәлем сөздің атасы» ( әр топ атымен, ұранымен эмблемасымен таныстырады)

• «Өз ойыным» (сұрақтарға жауап беру)

• «Асу» »  (матамен жұмыс)

• «Үздік дизайнер» ( «Күз -2014» тақырыбына үлгілерін көрсетеді)

• «Белес» (ермексазбен жұмыс)

• «Бұрымды қыз» (шаш дизайнері)

• «Он саусағы майысқан шебер болар ұрпақпыз» (көрме ұйымдастыру)

• « Тіл өнері» («Шеберлікке шек жоқ» тақырыбына өз ойынан тақпақ шығару)

ІІІ. Қорытынды бөлім

-Сайыстың қорытындысын шығару.

-Топтарды марапаттау.

Жүргізуші: Армысыздар қадірменді көрермен қауым! «Сән мен сымбат әлемі» сайысқа қош келдіңіздер. ( слайд 1)

Бұл сайысқа 7-8-9 сыныптардың «Шеберлі қыздар», «Алтын оймақ», «Өнерлі қыздар», топтары өз өнерлерін көрсетуге келіп отыр. 3 топтың қыздарын ортаға шақырамыз.

Сонымен қадірменді көрермен қауым, ақылына көркі сай қыздарымыздың өнері мен өнегесін, білімі мен парасатын тамашалауға баршаңызда қош келдіңіздер дейміз.

(слайд 2) Біз технология пәнінен алған білімді, іс-әрекетімізді қорытындылай келе, қыздарымыздың қандай кәсіпке икемділігі бар екенін анықтау мақсатында сайысымызды бастаймыз.Бұл сайыста қыздар , киім пішу және тігу, үлгілеуді, сәнді киінуді және шашты әсемдеу, экономикалық есеп жүргізу сияқты өнерлерін көрсетеді және жасаған, тіккен бұйымдарын жарнамалайды, әрине бұл жарыс бір-бірімен бәсекелесетіндей ой жылдамдығы мен тапқырлық, икемділікті қажет етеді.

Бүгінгі сабағымыздың ұстанымы: ( слайд 3 )

Ұйымдасып істеген,

Әр істің бір сәні бар.

Әр қимылдың өзінше,

Ырғағы бар, әні бар.

Енді бүгінгі сайысымыздың шарттарымен таныстырып өтейін. ( сдайд 4 )

Жүргізуші: -Алдымен бүгінгі кештің төрелерін сайлап алайық.

Әділдікті ең алға мақсат еткен

Өнер білім өнеге тұнған дарын,

Өнерліге өз басым таңқаламын.

Өнерді әділдікпен бағалайтын,

Таныстырайын әділқазы алқаларын.

1. Оқу ісінің меңгерушісі Кабылдина Гүлбану Енбекшілқызы

2. Тәрбие жұмысының меңгерушісі Даниярова Құралай Айтқазықызы

Жүргізуші: Ал, енді қыздардың стилист, дизайнер, экономист, менеджер, тігінші, тілші, шаштаразшы т.б мамандықтар бойынша қандай кәсіпке бейімділігі бар екенін анықтайтын кез келді.

Талпынған өр шыңдарға жас таланттар,

Ақ орда аспанында ән қалықтар.

Күтіп тұр арман қуған өрендерді,

Ән жырмен ойға толы сын сағаттар,- дей келе сайысты бастауға рұқсат етіңіздер.

• Сайысымыздың 1-шарты бойынша өздерін таныстыру.

«Сәлем сөздің атасы» деп аталады, әр топ атымен, ұранымен эмблемасымен таныстырады.

Жүргізуші: Сайыс «Өз ойыным» ( сдайд)

Экрандағы кестеде тақырыптар және ұпай сандары көрсетілген. Әр топ кезекпен тақырыпты және оның бағасын таңдайды.

Бас киімдер
10 – Жаздық кең жиекті шляпа сабан немесе тығыз матадан әзірленеді. Атауы     
       Американың бір елімен байланысты   (Панама)
20 – Көлемі әр түрлі, дөңгелек пішімді ерлер мен әйелдер киімінің бөлігі 
       болып саналатын жұмсақ, жайпақ баскиім. ХV ғасырда барқыттан 
       дайындалып, кейінірек өнер өкілдерінің арасында кеңінен танымал, біздің 
       заманымызда да белгілі. (Берет)
30 – Қызды ұзатқанда киетін аса қымбат, бағалы, кәделі, әрі әсем бас киім
                                                                                          (Сәукеле)
40 – Конус тәрізді бас киім. Төрт қиықты  төменгі жағы кеңейтіле  киізден     
        тігілген. Төбесін шашақшамен безендірген. (Қалпақ)
50 – Биік шляпа ХV ғасырдан ерлер киімінің құрамдас бөлігі. Француз     
       революциясына дейін кұнделікті киім ретінде ағылшындар енгізген, 
      фракпен бірге киген.       (Цилиндр)
 «Елдер киімі» 
10 - Индияның ұлттық киімі      (Сари)
20 – Жазу немесе кестелі суреттері бар жапондық ұлттық киім (кимано)
30 – Жеңсіз көйлек – орыстың ұлттық киімінің элементі.  (сарафан)
40 – Ақш-тың батысында бақташылардың киетін киімі-ұзын жеңді, торлы 
        жейде.   (Ковбойка)
50 – Қыздардың қазақтың ұлттық киймі ( денесіне киетін) ( қамзол, шапан )

Құрал – жабдықтар:
10 – Ылғалды жылулық өңдеу жабдықтары.  (үтік, пресс, манекен)
20 – Ең алғаш рет тігін машинасының жобасын кім ұсынды ?
       (15 ғ. Леонардо да Винчи)
30 – Торлау тігісін орындайтын арнайы машина  ( «Оверлог»)
40 – Ине конструкциясы ең алғаш қай елде ойлап шығарылды ? (Америка)
50 – Жұқа және қалын маталарды қандай инемен тігеді?

(жіңішке инемен, яғни 70 - 80 - 90 нөмірлі инелермен тігеді, қалың маталарды жуан, 100 - 120 нөмірлі инелермен тігеді.)

Мататану бөліміне арналған сұрақтар

10- Жануар талшықтарынан алынған матаның негізгі қасиеттері ( механикалық, гигиеналық, технологиялық)

20- Химиялық талшықтар түрлері. ( жасанды, синтетикалық)

30- Матаның механикалық қасиеттері . ( Мықтылығы, қыртысталуы)

40- Синтетикалық талшық ( капрон, лавсан, нитрон)

50-Мата үлгілері. ( баспа суретті мата, біртегіс боялған мата, түкті мата, беті тегіс мата, шұбар ала мата)

Машинатану бөліміне арналған тест сұрақтары.

10 - Тігін машиналардың түрлері ( қол, аяқ электр)

20 - Тігін машинасында жұмыс жасау кезінде қауіпсіздік ережелерін ата.

30-Машина тігісі ( торлау, жапсыра тігу, бекітіп тігу, бастыра тігу тігіс)

40- Тігін машинысының инесін жасайтын металл ( болат)

50- Тігін машинасының инесінің құрылысы: колба қысқа және ұзын сызық ойық сызықшалары – алмас көзі ұшы 

Жүргізуші : сайыс «Асу»  (матамен жұмыс). 

Шарты: 

Әр топ матадан ою ойып матаға жабыстырады.

( зооморфтық ою-өрнектер, өсімдік тектес, космогониялық ою-өрнектер)

Жүргізуші: Қандай жақсы майысып тұрғандарың,

Бойына жиғандай өнер бағын.

«Ана көрген тон пішер» деген бар ғой,

Ару қыздар көрсетсін бұйымдарын.

Келесі сайысымыз «Үздік дизайнер».

Әр топтан дизайнерлер шығып «Күз -2014» тақырыбына үлгілерін көрсетеді .

( қандай құрал-жабдықтар пайдаланғанын атап өту)

Жүргізуші: Келесі сайысымыз: «Белес». (ермексазбен жұмыс).

Күшіңе сенбе, ісіңе сен. 
Шарты : топтарға 5 минут уақыт беріледі. Осы уақыттың ішінде әр топ өзіне берілген тақырып бойынша жұмысты орындап шығу керек.
Ұсынылатын тақырыптар:

1.Қазақ ұлттын ыдыс-аяқтар.
2. Құмырадағы гүлдер
3. Ыдыстағы жеміс-жидектер.

Жүргізуші: Шаш дизайнері – «Бұрымды қыз».

Білектей арқасында өрген бұрым,

Шолпысы сылдыр қағып жүрсе ақырын,

Кәмшат бөрік, ақ тамақ, қара қасты,

Сұлу қызды көріп пе ең мұндай түрін – деп Абай атамыз жырлағандай, келесі кезекті шаш үлгісіне берейік.

Қыздардың шаш дизайнерлері шаштарын әсемдейді, әр топ өз арасынан бір сән үлгісінде киінген қызға шаштың сән үлгісін жасайды.

-Ендеше іске сәт, сайыскерлер!

Жүргізуші: Келесі кезекті «Он саусағы майысқан шебер болар ұрпақпыз» - деп аталатын сайысымыздың шарттарының бірі – қолөнер бұйымдарын көрсету, өнерлі қыздар көрсеткен бұйымдарын, өздері әзірлеген үй жұмыстарын әділқазыларға тапсырады.Тіккен бұйымдарын, өз жұмыстарын жарнамалау.

( сайыскерлер дайындалғанша , әділқазы көрмені бағалайды)

Жүргізуші: « Тіл өнері» , «Шеберлікке шек жоқ» тақырыбына өз ойынан тақпақ шығару үй жұмысы.

Жүргізуші: Қыз сұлу көрінеді қылығымен,

Жарыса төгілген қос бұрымымен.

Бұл күнде сұлулықтың үлесі осы,

Қыз сұлу көрінеді өнерімен.

Пір тұтқан әрбір халық асылдарын,

Қазақтың қара көзі аруларым

Тамамдайық осы сайысты әсем әнмен

Қарсалыңыздар Сейтмұхамбетова Жаннаны

Жүргізуші: -Әділқазылар алқасынан сайыстың көрсеткіш есебін сұраймыз.