Бұл мақалада шетел тілін оқытудың әр түрлі кезеңдерінде интернет ресурстарды қолданудың ерекшеліктері қарастырылады. Ақпараттық- коммуникациялық технологиялардың дамуымен бірге тіл үйрету үдерісінде жаңа әдіс-тәсілдер пайда болып, оқушылардың қызығушылығы мен мотивациясын арттыру мүмкіндігі кеңейді. Зерттеу барысында шетел тілін меңгертудің негізгі кезеңдері (бастапқы, қалыптастырушы, жетілдіру және үздіксіз қолдану) талданып, әр кезеңге сәйкес тиімді интернет ресурстарды пайдалану жолдары сипатталады. Интернет құралдарының көмегімен оқушылардың тілдік дағдыларын (тыңдалым, айтылым, жазылым, оқылым) дамыту, сондай-ақ олардың дербес жұмыс жасау қабілетін жетілдірудің маңызы атап көрсетіледі. Сонымен қатар, онлайн оқыту үдерісінде туындайтын қиындықтар мен оларды шешу жолдары ұсынылған.