"Сіз әлеуметтік желіні тиімді пайдаланып жүрсіз бе?"

Сіз әлеуметтік желіні тиімді пайдаланып жүрсіз бе?

21 ғасыр жаңа ақпараттық технологияның дамыған заманы. Осы заманда әлеуметтік желі адамдардың ажырамас бөлшегіне айналды. Әлеуметтік желі адам жасын талғамайды, егде тартқан ата-апаларымыз, орта буын аға-апайларымыз, жастарымыз, тіпті бүлдіршіндерімізде осы әлеуметтік желі қызметін пайдаланады. Әрине әр адам өзіне есеп бере отырып, әлеуметтік желінің тиімді түрде пайдаланып жүргені дұрыс. Менің сіздерге айтайын деп отырғаным, өзіме осы әлеуметтік желінің қандай пайдасы болды? Бірде Facebooк парақшасынан конкурс деген сөзді шалып қалды. Қарасам конкурс шарты ешқандай қиын емес. Бір автордың кітабын оқып шығып, оны бірнеше адамға таныстырып, есеп жіберсем, кітап алу мүмкіндігіне ие болады екенмін. Мен конкурска қатысатыным туралы менеджерге жаздым. Менеджер Мадина кітаптың электронды версиясын жіберді. Кітаптың атауы «Күміс кітап», авторы Бақытжан Бұқарбай журналистика саласында еңбек еткен, қазақ тілін дамытуға бағытталған бірнеше жобалардың авторы, Forbes Kazakhstan журналының қазақша нұсқасының бас редакторы, бірнеше кітаптың авторы. Мен өзім кітапты оқып шықтым, шағын кітабында Бақытжан енді қалыптасып келе жатқан оқырмандарға кітап оқуға дағдыланудың түрлі тәсілдерін үйретеді, өзінің кітап оқу тәжірибесімен бөліседі. Кітаппен танысқаннан кейін мен өзімнің сыныбым 6 а сынып оқушыларына конференция ұйымдастырып, кітап мазмұнымен таныстырдым. Осы таныстырылымнан кейін Б. Бұқарбай барлық оқырмандармен онлайн конференция ұйымдастырып, оқырмандармен осы кітап жайлы пікір алмасты. Ең қуаныштысы өзінің «Күміс кітабының» 5 данасын мектебімізге сыйлыққа тартты. Кітап заманауи түрде басып шығарылған, алдыңғы, артқы мұқабасының ішкі жағында көптеген мақал-мәтелдер, қанатты, нақыл сөздер жазылған. Кітап – рухани қазына. Міне әлеуметтік желіні тиімді пайдаланудың бір мысалы. Әлеуметтік желі тек қатынас құралы ғана емес, адамның өзіндік келбетін қалыптастыру, өзін өзгелерге таныту және жұртпен білетінін бөлісу алаңы.

Ал сізше, әлеуметтік желіні қандай мақсаттарда қолданып жүрсіз?

Курманбаева Акбейл Жумагалиевна

Қарашоқы орта мектебінің информатика пәнінің мұғалімі

7 а сынып жетекшісі

“Күміс кітапты” кітаппен достығын енді бастаған жандар оқыса, пайдаға кенеледі деп ойлаймын. Өйткені автор осы бір аз ғұмырда ең маңызды кітаптарды қалай іріктеп оқудың тәсілін айтады. Біраз кеңестерін дәптеріме түртіп алдым. 

7 сынып оқушысы Бимұханбет Азаматтың

кітапты оқығаннан кейінгі ой түйіні