С.Мұқанов "Сұлушаш" поэмасы 11 сынып

Батыс Қазақстан облысы

Орал қаласы

А.Байтұрсынов атындағы №10 ЖОББМ

қазақ тілі мен әдебиеті пәні мұғалімі

Отаргалиева Камарслу Серикболатовна

Қазақ әдебиеті 11 ^а – сынып

Сабақтың тақырыбы: Сәбит Мұқанов «Сұлушаш» поэмасы

1. Білімділік: «Сұлушаш» поэмасының мазмұнымен танысу, кейіпкерлер жүйесіне талдау жасау.

2. Дамытушылық: «Сұлушаш» поэмасының идеясы әлеуметтік теңсіздікке қарсы күрес екенін оқушыларға іздендіру жұмыстары арқылы ұғындыру.

3.Тәрбиелік: Поэманың мазмұнын игерте отырып, оқушыларды адамгершілік қасиеттерге, тілін, тарихын, әдебиетін құрметтеуге баулу

Сабақтың түрі: жаңа білім беру сабағы

Сабақтың әдісі: СТО стратегиялары, «Жуан – жіңішке сұрақтар», «Интервью» әдісі, Топтастыру, «Бес жолды өлең», сұрақ – жауап, ізденіс- шығармашылық, мәнерлеп оқу.

Сабақтың көрнекілігі: слайд – презентация, аудио - жазба, флипчарт, маркерлер, Сәбит Мұқановтың «Сұлушаш» поэмасы жазылған ресурстар.

Сабақтың барысы:

І. Ұйымдастыру: 1. Амандасу

2. Түгендеу

3. Оқушыларды топқа бөлу

4. Әр топ өздерінің топ басшыларын сайлайды

5. Топ басшыларына бағалау парағы үлестіріледі

ІІ. Үй тапсырмасын тексеру:

Үйге Сәбит Мұқановтың өмірі мен шығармашылығы туралы берілген болатын. «Жуан – жіңішке» сұрақтар арқылы үй тапсырмасы тексеріледі.

«Жуан – жіңішке» сұрақтар

1. С.Мұқанов кім ?

2. С.Мұқанов қай жерде, қашан дүниеге келді ?

3. Өлең – жырға әуес Сәбитті ауылдастары қалай атады ?

4. С.Мұқановтың алғашқы өлеңдерін ата.

5. Сәбиттің қандай шығармалары бар ?

6. Сәбит қандай тақырыптарға қалам тартты ?

7. «Ботагөз» романының алғашқы атауы?

8. «Сұлушаш» поэмасы осыған дейін танысқан қандай шығармаларға ұқсас деп ойлайсыңдар?

ІІІ. Жаңа сабақ:

1. Қызығушылықты ояту

Оқушылар, сендер осы уақытқа дейін Сәбит Мұқановтың қандай туындыларымен таныстыңыздар ? («Балуан Шолақ» хикаяты, «Өмір мектебі» романынан алынған «Лашын», «Саятшы Ораз», «Есіл бойында» әңгімелерімен таныстық) Бүгін біз Сәбит Мұқановтың «Сұлушаш» поэмасымен танысамыз.

2. Мағынаны тану

Слайд – презентация арқылы С. Мұқановтың өмірі мен шығармашылығы туралы мағлұмат беріледі. Аудио – жазбадан С. Мұқановтың «Сұлушаш» поэмасы тыңдатылады.

«Даналық ойдан дән ізде»

«Қазақ әдебиетінің аға жазушысы Сәбиттің аты – қазақ оқушысының мол қауымына өте даңқты, анық қымбат аттың бірі.»

М. Әуезов.

«Жазушы Сәбит Мұқановтың қаламынан туған еңбектер өз алдына бір энциклопедия.»

Ғ. Мүсірепов.

«Сәбит Мұқанов толық мағынасында халық жазушысы еді.»

М. Қаратаев.

Топтық жұмыс:

І топ: С.Мұқановтың «Сұлушаш» поэмасы жазылған ресурс үлестіріледі.

Оқып шығып, «Интервью» әдісі арқылы 1 оқушы «Тілші» болып,

«Сұлушаш» поэмасы туралы сұрақ қояды. Қалған оқушылар тілшінің сұрағына жауап береді.

Поэманың композициялық құрылымына қарай талдау жасайды.

ІІ топ: «Сұлушаш» поэмасының мазмұны жазылған ресурсты оқып,

І, ІІ бөлімдерінің мазмұны туралы топтастырып, постер қорғайды.

ІІІ топ: «Сұлушаш» поэмасының мазмұны жазылған ресурсты оқып,

ІІІ, ІҮ бөлімдерінің мазмұны туралы топтастырып, постер қорғайды.

Мәтінмен жеке жұмыс

1.С.Мұқанов «Сұлушаш» поэмасында Алтайдың дүниеге келуін қалай бейнелейді?

2. Поэмадағы Сұлушаштың портреті.

3. Жолбарыстан қорыққан Сұлушаш бейнесі қалай суреттелген?

3. Ой толғаныс

Сыр - толғау

Топтық жұмыс:

І топ: Авторға тікелей тіл қату.

ІІ топ: Алтай рухымен сырласу.

ІІІ топ: «Бес жолды өлең» жазу.

Сұлушашқа арнау өлең (1 – 2 шумақ өлең шығару)

«Бес жолды өлең» жазу

1. Сұлушаш

2. Ақылды, шыдамды

3. Кездесті, үміттенді, күтті

4. Сұлушаш – Тілеуберді байдың қызы.

5. Сұлу

1. Сұлушаш

2. Адал, көрікті

3. Пікірлесті, қарсыласты, шақырды.

4. Алтай Сұлушашты шын сүйді.

5. Байдың қызы

4. Бағалау: Топ мүшелері бағалау парағы арқылы бағаланады.

5. Үйге тапсырма: С.Мұқановтың «Сұлушаш» поэмасынан әділдік іздеген қаһарманның арманы бейнеленген үзіндіні жаттау.