"Спортсмендердің фрустрация күйін қарым-қатынас арқылы реттеу ерекшелігі"

Әл-Фараби атындағы Қазақ ұлттық университетінің психология мамандығы бойынша білім алу – ғылымға деген үлкен қадам және студенттерге тұлғалық, әлеуметтік, кәсіби тұрғыдан даму мүмкіндігін береді. Университетімізде психология мамандығы ерекше назарға ие, себебі қазіргі қоғамның өзгермелі сұраныстарына жауап бере алатын, қоғамның психикалық денсаулығын жақсартуға қабілетті мамандарды даярлау міндеті қойылған. Психология ғылымы күннен-күнге дамып, адамның ой-санасы мен мінез-құлқына қатысты маңызды сұрақтарға жауап беріп, қоғамның әлеуметтік және рухани саулығына ықпал етеді.

Психология факультетінде студенттерге теориялық білім мен практикалық дағдылардың үйлесімі ұсынылады. Оқытудың әр кезеңінде студенттер адамның психикалық процестері мен мінез-құлық ерекшеліктерін түсінуді тереңдетуге мүмкіндік алады. Мысалы, «Ғылыми-психологиялық зерттеулерді ұйымдастыру әдістері» атты пән студенттерді ғылыми зерттеулерді жүйелі ұйымдастыруға және ғылыми ақпаратты талдауға қажетті біліммен қаруландырады. Бұл пән студенттерді зерттеу жүргізу барысында әдістемелік тұрғыда дұрыс қадамдарды таңдауға, алынған деректерді талдап, жүйелеп, қорытынды жасауға үйретеді.

Менің дипломдық жұмысымның тақырыбы – "Спортсмендердің фрустрация күйін қарым-қатынас арқылы реттеу ерекшелігі" – спортсмендердің эмоциялық жағдайын тиімді басқару мәселелеріне арналып, психологиялық қолдаудың маңыздылығын ашып көрсетеді. Спорттық белсенділік кезіндегі фрустрация, яғни мақсатқа жете алмау салдарынан туындайтын күйзеліс, тек спортсменнің өзіне ғана емес, оның жалпы нәтижесіне де айтарлықтай әсер етуі мүмкін. Осы ретте қарым-қатынас маңызды рөл атқарады. Жан-жақты қарым-қатынас, эмоциялық қолдау көрсету және команда ішінде сенімді қарым-қатынас орнату спортсменнің фрустрация жағдайындағы психикалық тұрақтылығын сақтауға, жағымсыз эмоцияларды жеңуге, сонымен қатар бүкіл ұжымның рухына, жарыстарда жетістікке жету ықтималдығына әсер етеді.

Зерттеу барысында мен спортшылар арасында кездесетін фрустрациялық күйдің түрлі аспектілерін талдап, оны жеңудің тиімді жолдарын қарым-қатынас тұрғысынан қарастырудамын. Бұл зерттеу, бір жағынан, спорттық психология саласын жетілдіруде өзекті, екінші жағынан, болашақта спортсмендермен жұмыс істеуде пайдалы болуы мүмкін. Фрустрациялық күйді тиімді басқару – спортсмендердің ішкі жағдайына оң әсер етіп, жалпы өнімділігін арттыруға көмектеседі.

Жалпы, әл-Фараби атындағы Қазақ ұлттық университетінде психология мамандығында оқи отырып, алған білімімді практикалық зерттеулер арқылы дамытудамын. Университетіміздің заманауи ғылыми және практикалық зерттеулерді қолдауы және психологиялық зерттеу әдістеріне бағдарлануы мені болашақ маман ретінде толық қалыптастыруға көмектеседі. Психология саласындағы білімнің заманауи технологиялармен, зерттеу әдістерімен үйлесуі Әл-Фараби атындағы ҚазҰУ студенттеріне жаңа көкжиектер ашып, сапалы білім алуға және қоғамның дамуында маңызды рөл атқаруға мүмкіндік береді. "Спортсмендердің фрустрация күйін қарым-қатынас арқылы реттеу ерекшелігі" атты дипломдық жұмысымның өзектілігі де дәл осы себептен маңызды – ол қоғамның денсаулығын нығайтуға, спортсмендердің психологиялық жайлылығын арттыруға және жалпы мәдениетіміздің өркендеуіне үлес қосу арқылы жүзеге асады.

Нұрғыдыр Мақпал

4 курс студенті,

Оқытушы: Болтаева А.М.

Әл-Фараби атындағы ҚазҰУ