СТО тәсілдерін сабақта қолдану

ШҚО Бесқарағай ауданы Жетіар ауылы «Семияр орта мектебі» КММ

Аудан көлемінде өткізілген коучинг –сессияның жоспары

Мұғалімдерді сын тұрғысынан ойлауға үйрету модулі туралы білімін терендете отырып ,іс-тәжірибесінде пайдалануға бағыттау.

Коуч: «Семияр орта мектебі» КММ орыс тілі мұғалімі:Камзина Г.Т , ағылшын тілі мұғалімі Шушпаева Г.Т

КОУЧИНГ «СТО тәсілдерін сабақта қолдану»

Мақсаты: жас ұстаздарды СТО әдісімен таныстыру

Міндеттері:

СТО туралы ой қалыптастыру;

СТО әдістерімен таныстыру, практикада қолданып үйрену

1. Психологиялық ахуал орнату

Сәлеметсіздер ме, ЕХРО-ға билет алғандар!

Сәлеметсіздер ме, олимпиадаларда жұлдызы жанып тұрғандар! -Амансыңдар ма, бойдақтар!

Сәлем, армандай білетіндер!

Есенбісіз, қыста туғандар,

Қош келдіңдер, ұстаздық жұмысына шығармашылықпен қарайтындар!

Әр сабақ жақсы көңіл күйден басталуы шарт- коллаборативті орта құру

дейміз. Бала сабақта еркін сезіне білуі керек. Ұстаз ережесі!!!

1 тапсырма:

Берілген заттарды (алма, алмұрт, апельсин, тоқаш, кәмпит):

А)Сын есімдерді қолданып сипаттау: формасы, түсі, дәмі

Б) Өзіңіздің мінезіңізге қатысты сөздің астын сызу;

Барлық жауап дұрыс. Білімді ой елегінен өткізу қажет.

Оқушының сыни ойлау қабілетін, өз бетімен іздену дағдыларын дамыту

–жаңартылған бағдарлама, деңгейлік бағдарлама осыған негізделген.

СТО барлық пәнде қолдануға болады. СТО-ой бөлісу.

Маңызды: ақпаратты біліп қана қоймай, оны түсіне, қолдана, бағалай

білу. СТО жұптық, топтық ДИАЛОГТА дамиды.

СТО – ақпаратты логикалы талдау, ойын дәлелдей білу, нәтижесін кез

келген жағдайда қолдана білу, ұтымды шешімін тауып, жағдайдан

шығу.(ситуация) (айналмалы цикл)

I.-қызығушылығын ояту    ( «көпір жасау»,  ой қозғау)

II.- мағынаны таныту        ( мағынаны ажырату)

III.- ой-толғаныс                ( рефлексия, жаңа білім құрастырылады)

Т

1412312181

1167124223

1 кезең —-қызығушылығын ояту    ( «көпір жасау»,  ой қозғау)

а) «МИға шабуыл» арыстан мен иттің суреті

-Суретте не бейнеленген?

- мәтіннің тақырыбын анықта.

-арыстан туралы сіздің ойыңыз

- ит туралы не айтасыз?

- Әңгіме не туралы болуы мүмкін?

-Әңгіме моралі бар әңгіме ме әлде күлкілі ме?

ә) «Кластер» құрастыру

1. Ит

2. Арыстан

б) «Сенесің бе?»

• Оқиға зоопаркте өтеді?

• Арыстан итті талап тастайды?

• Арыстан итпен достасады?

• Екеуі бірге тату тұрды?

• - Ит- жеті қазынаның бірі

2 кезең -мағынаны таныту  ( мағынаны ажырату)

а) «Тоқтап оқу»

  Баяғыда аң патшасы арыстан   барлық аңдарды жинапты.  Арыстан патша әлемде ең қайратты, ең ақылды  әрі ең епті кім екенін білгісі келіпті. Арыстанның сөзін естіп болған соң , Түлкі алға шығып:

 -0,  әлемде теңдесі жоқ патшам! Бұл өмірде сізден қайратты, сізден ақылды , сізден епті жан жоқ.  Сондықтан да біз сізді патша етіп сайлағанбыз.  Сіздің  қайырымыңыз  шексіз,- депті....

Мақтау сөзге мәз болған Арыстан  бір бұрышта құлағы салбырап , өзі маужырап жатқан итті байқайды.  Дереу гүрілдеп итке төне түседі.

  – Сен мыналардың не айтып жатқанын  естідің бе өзі?     Неге үн қатпайсың?- дейді.

-Әрі қарай не болады?

- Арыстанның итке деген көзқарасы қандай?

  Ит салмақты қалпын  бұзбастан:

- Ә, сен бе едің ... Сонша неге орманды басыңа көтересің?           Мен үшін    дүниеде  ең қайратты  әрі ең ақылды, ол- тек адам!- дейді.

Арыстан  жолбарысқа қарап:

Ит сатқындық жасап, адамды мадақтады.  Біздің арамызда  оған бұдан  былай орын болмауы тиіс.      Дереу арамыздан  аластатыңдар! – депті күндей күркіреп.

Бұл сөзден соң  Иттің мүлде көңілі қалып, олардың арасынан бір жола құйрық үзіп  кете барған екен.  Содан бері ит  адамның досы,  көмекшісі болыпты. Бертін келе  «Ит- жеті қазынаның  бірі» деген  қанатты сөз қалыптасты.

• Арыстан туралы қандай пікір қалыптасты?

• Итке деген көзқарастарын өзгерді ме?

ә) «Жіңішке және жуан сұрақтар»

Жабық сұрақ- ия, жоқ, ойландырмайтын, бір жауабы бар сұрақтар

Ашық сұрақ- проблемалы сұрақтар

Прием «Тонкие и толстые вопросы» каждой группе даю задание

3 кезең - Ой толғау.

а) «Мәтінді жинау»

ә) «Синквейн»

Бірінші жол – синквейн тақырыбы, талқыланатын нысан мен заттың атауы бір сөзден тұратын (зат есім немесе есімдік). Екінші жол – екі сөз (көбіне сын есім), тақырыпта талқылайтын нысан мен затты сипаттайтын болуы керек. Үшінші жол – үш етістіктен тұратын, автордың тақырыпқа өз көзқарасын көрсететін фраза. Төртінші жол – төрт сөзден тұратын, автордың тақырыпқа өз көзқарасын көрсететін фраза. Бесінші жол – тақырыптағы зат, нысанның мәнін сипаттайтын бір сөз. Синквейн ережелерінің қатаң сақталуы қажеттілік етпейді. Мысалы, төртінші жолда мәтінді жақсарту үшін үш, бес сөз қолдануға болады.

Кері байланыс