Студенттік өмір

Студенттік өмір мен үшін әрбір адамның өмірінің қызығы мен шыжығы, қуанышы мен қайғысы, базары мен ажары қатар жүретін ең бір қайталанбас ғажап сәттерінің бірі. Бұл кезеңді әркім әрқалай түсінеді, әрқалай бағалайды. Бірі қиын шақ деп қарастырса, енді бірі қыдыратын, қызық қуатын уақытымыздың жеткені деп санайды. Мінекей, көзді ашып-жұмғанша өзім де студент болдым. Ал мен осы бір тұщылығы мен ащылығы қатар келетін кезеңді қалай елестеттім?

Сол бір ұшқан ұямда жүргенімде, «тезірек студент болсам екен, мына мектеп қабырғасынан тезірек кетсем екен» деген ойлар маза бермейтін. Сол сәтте мен студенттік кезеңді қайғысыз ең жеңіл шақ деп қарастырыппын. Өзімнің Астана қаласында оқитын әпкем болатын. Соған қарап қатты қызығатынмын. Студент деген де бір үлкен тұлға елестеп, солай қарастыратынмын. Ал әпкем болса, асықпа, мектептегі балалық күндеріңді бағалай біл дейтін. Мен болсам ол сөзге аса мән бермеппін. Алайда, «басында тұз да қант болып көрінеді» деген сөздің қалай орынды айтылғанын яғни, бұл ойымның толықтай қате екенін студент болғаннан кейін түсінгендеймін.

Қазір мен-студентпін. Яғни, Халықаралық Ақпараттық Технологиялар университеті, Журналистика факультетінің 1-курс студентімін. Иә, мен болашақ журналистпін. Мені мұнда бала күнгі арманым жетелеп әкелді.Мен осы қалаға, осы университетке түскендегі сезімім ерекше болды. Журналистика мамандығын таңдағанда талай қиындықтарға толы мың белесті бағындыруым керек екенін түсіндім. Себебі журналист атану- халықтың сөзін жеткізу арқылы қоғамды өз пікіріңе назарын аударту сияқты қастерлі міндетті арқалаған қасиетті мамандық деп білемін. Осы алдағы 4 жылдықта басты мақсатым- осы мамандықты толық игеріп, сана-сезіміммен түйсініп ұғыну. Және осы жолда оқуға деген бар ізденісімді салып, ынтамды арттырамын деген сенімдемін.Сонымен қатар, жастық шағымды да ұмытпаймын. Осы жастық шағымның қызықты өтуіне бірден-бір себеп - оқу орным деп ойлаймын. Қара шаңыраағымда оқу кезеңі мен студенттік өмірім де қызыққа толы әрі белсенді кейіпте өтпек. Оған себеп- универдегі әртүрлі бірлестіктер мен клубтар. Осы бір қысқа уақытта конвергентті журналистика сабақтарының негізін, қыр-сырын, негізін түсініп, мамандығыма деген қызығушылым одан сайын арта түсті. Міне оқу орнымның маған тигізген мың пайдасының бірі.

Әркімді осы бңр арман қалаға жетеліп келегн студенттік кезең кімге де болса қымбат. Осы күндерді бағалай білейік. Сондай-ақ ізденуші екенімізді ұмытпай сабаққа ден қоюды ұмытпайық!