Шығарма: "Нұрлы жол"

Қазақстан Республикасы өз тәуелсіздігін алғаннан кейін, жеке дербес ел ретінде дамудың даңғыл жолына түсті. Ел басқарушы қайраткерлерге зор міндеттер мен үлкен жауапкершілік жүгі жүктелгені белгілі. Ата-бабаларымыздың ғасырлар бойы аңсаған арманы тәуелсіз мемлекет құру жолында қаншама адамның қажыр –қайраты, еңбегі кетті, десеңізші?! Енді ғана дүние есігін ашқан сәбидей жас мемлекетке тәжірибе жинақтау болды. Сол себепті қоғам қайраткерлері және Үкімет бірігіп тұтастай ұлт болып ұйысқан қазақ елі бір жағадан бас, бір жеңнен қол шығарып ұйымшылдықпен жұмыла жұмыс жасау керек болды. Мемлекеттің өсіп-өркендеп дамуы қашанда экономикаға тәуелді екендігі белгілі. Осы орайда нақты мақсатты анықтап жаңа реформалар қабылдау қажет болды. Халықтың денсаулығы мен әлеуметтік-материалдық әл-ауқатын көтеріп білім мен ғылымды дамыту межесі тұрды. Бұл жылдары валютамыз төл теңгеміз айналымға енді.

Туған тіл- тұғырың,

Туған ел- қыдырың,-

Демекші өз ана тілімізді мемлекеттік тіл мәртебесіне көтеріп, мемлекеттік тіл ретінде жарияланды. Қазақстан - көпұлтты мемлекет болғаннан кейін барлық ұлт пен ұлыстардың басы қосылып, этносаралық татулықтың арқасында Қазақстан Халқы Ассамблеясы құрылды.

Мұндай жас мемлекеттің аяғынан нық тұруына елбасымыз Нұрсұлтан Әбішұлы Назарбаевтың қабылдаған реформаларының арқасында болды деп есептеймін. Тәуелсіз Қазақстан жолында әлемдегі ең жас астана елордамыз Астананы тұрғызды. «Жаңа әлемдегі - жаңа Қазақстан», « Қазақстанның Бірыңғай тұтастығы мен толеранттылығы», «Бір мақсат, бір мүдде, бір болашақ», «Қазақстанның үшінші жаңғыруы: жаһандық бәсекеге қабілеттілік» осылардың барлығы Қазақстанның дамушы мемлекеттер қатарына қосылып, халықаралық аренадағы беделінің артуына зор ықпал еткені сөзсіз.

Нұрлы жол - жарқын болашақ,

Қазаққа қонған алтын бақ,

Межелер жүзеге асса егер,

Мемлекет алға дамыр хақ.

Перзенттік парыз жолында,

Өтелген борыш тұр мұнда.

Қыруар іс тындырды,

Билік бар кезде қолында.

Жасасын қазақ халқымыз,

Сөнбесін шырақ, парқымыз.

Алпауыт елдерге қосылып,

Шарқ ұра берсін даңқымыз!!!

Егеменді, демократиялы ел болғанымызға отыз жылға жуықтағаны аян. Осынау Ұлы жолда береке мен бірліктің, ұйымшылдық пен татулықтың арқасында Қазақстан қуатты мемлекетке айналды.