Сыныптан тыс шара «Достығымыз жарасқан»

Тақырыбы:

Мақсаты: Оқушыларды тілін сүюге, оны қадірлеуге, құрметтеуге баулу. Тіл құдіретін, қасиетін білуге тәрбиелеу.

1 жүргізуші: Сәлем бердім халқыма,
Сәлем бердім жалпыға.
Сәлемдесу кіреді
Ата дәстүр салтына.
Құрметті қонақтар, «Достығымыз жарасқан» атты Қазақстан халықтарының достығы фестиваліне қош келдіңіздер!

2 жүргізуші: Кең байтақ жазиралы дархан өлкемде тұрып жатқан, көп ұлтты бауырластар, достар! Мәртебесі көкке жеткен еліміз көптеген жетістікке жетті. Жүзден астам ұлт өкілдері «Отаным - алтын ордам» дейді, өйткені біздің ел - татулықтың, достықтың, бірліктің киелі бесігі.
1 жүргізуші: Бір шаңырақтың астында қазақ, орыс, қырғыз, өзбек, татар, ұйғыр, әзірбайжан, башқұрт, неміс, украин, белорус, кәріс татулықта, сыйластықта өмір сүріп жатыр. Көп ғасырлар бойы олар бір - бірінің салт - дәстүрін құрметтеп, жерімізді бөлісіп отыр

1-Жүргізуші:
О, туған жер! Қасиетіңнен айналайын
Тамсанамын, қарап тұрып артыңа
Шыққан балаң, қазақ деген халықтан
Нәр аламын, жер - анадан алыптан.

2-Жүргізуші:   Еліміздің мемлекеттік тілі қазақ тілі екені барлығымызға аян.

Жүргізуші:
 Қазақ осы -айтатұғын елге сыр,

О ағайын,халық емес ол көл-көсір.

 Қазақ осы –аңғал- саңғал жабусыз,

Қазақ осы-ағыл тегіл,көл көсір.

Қазақ осы -дала дейтін,күн дейтін,

Қазақ осы -өнер алды тіл дейтін.

Қазақ осы -қарасың ба,ақсың ба,

Қоңырсың ба жатырқауды білмейтін,- 

деп жырлаған Қадыр Мырзалиев ағамыз. Сол айтқандай,ұлы қазақ даласында басқа ұлт өкілдерінің бір шаңырақтың астында татулықта, сыйластықта өмір сүріп жатқаны біздерге мәлім.

(Бейнеролик көрсетіледі.)

1-ж: Бүгінгі кешіміздің бет ашары -  қазақ ұлты.

« Нағыз қазақ,қазақ емес

Нағыз қазақ домбыра»,- деп Қадыр Мырзалиев атамыз жырлағандай алдарыңызда 4 «а» сынып оқушысы Кабиева Жайнаның орындауында «Балбырауын» күйін тамашалаңыздар

2- жүргізуші:
 Бейбітшілік әніміз.
Бауырласпыз бәріміз
Қазақстан даласында
Жарасады сәніміз
Ұлы Отан аясында
Жадырайды жанымыз

Алдарыңызда 4-сынып оқушыларының өлеңдеріне кезек береміз

1-оқушы :Достық екен өмірде ең керегі,
Достық болып дүние дөңгеледі.
Өзендегі толқындар дос боп ақты,
Қанатымыздай жүгіріп кеудедегі.


2-оқушы: Біз тілейміз бар бөбекке,
Бақытты өмір сүргенін.
Туған елге еркелеп,
Қуанғанын күлгенін.
Сусынымыз қанады,
Өнер – білім нәрімен
Әлемдегі баланың,
Дос боламыз бәрімен.

3-оқушы:

Мен – қазақ,
Қазақпын деп мақтанамын,
Ұранға алаш деген атты аламын.
Сүйгенім қазақ өмірі,
Өзім қазақ.
Мен неге қазақтықтан сақтанамын.

4-оқушы:

Тілі бөлек болғанымен тілек бір,
Ұлы достық мәпелеген жүрек гүл.
Қазақстан бар ұлысқа шаңырақ,
Шайқалмастан шаттығымыз тіреп тұр

1 – жүргізуші: Теңіздей тербетіліп көл бетінде,
Бишілер билеп кетті тербетіле.
2 – жүргізуші: Аққудай қалықтаған теңіздегі,
Бишілер өнерлерін көрсетуде,- алдарыңызда қазақ биі.

1-жүргізуші:

Нәсілдерге нәсіл болсын нұрлы күн,

Ынтымақтың шертсем деймін бір жырын.

Татулығын жырға қосам ұлттардың,

        Мақтан қылып ұлыстардың бірлігін.- 
дей отырып ортаға 1-сынып оқушыларының өлең жолдарын тыңдауға кезек береміз.

1-оқушы: ақпыз ,сары,қарамыз,
Бәріміз де баламыз.
Біз қалада тұрамыз,
Біз мектепке барамыз.

2-оқушы:Ақ, қара деп бөлмейміз,
Бір жыл туған төлдейміз.
Туысқанбыз, татумыз,
Биіктерге өрлейміз.

3- оқушы:Тілегі бір, жүрегі бір,
Достармен біз біргеміз.
Туыс барда құрыштан да,
Берік біздің іргеміз.

4-оқушы:Ақ қара деп алдымен,
Елім бөлмес адамды,
Дәстүр, өнер, салтымен
Таңқалдырған ғаламды.

1– жүргізуші: Десек те уақытпен жарыспайды,
Қиялға қиялменен қарыштайды.
2 – жүргізуші: Бишілер шын жүректен тебіреніп,
Өнерін сайыстарда тек шыңдайды!

Алдарыңызда орыс биі « Морячка » қарсы алыңыздар

Біздің халық өнерге мол, бай тегі,
Әнші деп те, биші деп те айт оны.
Әнге сенің қанша икемің бар екен,
Тыңдап алып жалғастырсаң қайтеді, - деп «Әрқашан күн сөнбесін »әніне кезек береміз.

1-жүргізуші:

  Ортақ бізге бір отан,

Ортақ жердің байлығы.

  Еңбек ортақ, жыр ортақ,

Ортақ бізге барлығы дей келе алдарыңызға 3-сынып оқушыларының өлең жолдарына кезек береміз

1-оқушы:Ағайын-туған – бар адам,
Адалдық үшін жаралған.
Бар қымбат туыстық,
Баянды болсын тыныштық!

2-оқушы: Мен қашанда жалғыз өзім жүрмеймін
Жалғыз жүріп, жалғыз өмір сүрмеймін
Жер жердегі достарымды санасам
Аспандағы жұлдызыңмен бірдеймін.

3-оқушы:Туған жердей жат елдің болмайтыны ақиқат
Оған көңіл толмайтыны ақиқат.
Алтын торда алтын құс өсірсең де,бұлбұл құс
Өскен бағы болмаса,қонбайтыны ақиқат!

4-оқушы: Қазақ жері достықтың гүлстаны 
Дархан өлкем мерейлі ырыс бағы
Күрестерде еңбекте,мерекеде
Мұнда сан ұлт қолдасып ту ұстады.

1-жүргізуші: Мың бұралып сахнада тамсанып,

Би билеңдер босатылып бар жүктен.

Көрермендер  өте ыстық қарсы алып,

Шапалақтап жібереді зал біткен.

2-жүргізуші: Байлықтың ең үлкені – ол халықтар достығы,- демекші ендігі кезекті өзбек ұлтының биін тамашалауға шақырамыз.

1-Жүргізуші:
Елім менің, жарқыраған, жайнаған,

Бақ біткенде бұлбұл құсы сайраған.

 Елім менің биіктігі шарайнам,

Қыран құсы көгінде мың самғаған

2-жүргізуші:

Жер – анамыз жасайды тарлық кімге,

Кетпеу үшін мәңгілік қалқып түнде.

  Қайталанып, жаңарып айтылады,

  Бейбітшілік деген сөз барлық тілде,- дей отырып 2-сынып оқушыларының өлең жолд1.Бізде берік ұлы достық,

Бірлік құрып, тілек қостық.

Ұлы мақсат биігінде,

Дос жолына жүрек тостық.

2.Достық -біздің тірегіміз,

Бірге соғар жүрегіміз.

Оттан ыстық бір-біріне

3.Жақсылыққа,бақытқа,

Талпынған әр уақытта.

Бала біткен дос-бауыр,

Болмасын еш тосқауыл. .

4.Елді бүгін қарасам,

Айналам бақыт кең жатыр.

Бірімен – бірі туысқан.

Қол ұстасқан ел жатыр

арына кезек береміз.

1-жүргіізуші: Теңіздей тербетіліп көл бетінде,
Бишілер билеп кетті тербетіле дей отырып ортаға қытай халқының биіне кезек береміз.

4-сынып оқушыларының өнерін қарсы аламыз

Шаңырақ:

Тілі бөлек болған менен тілек бір,

Ұлы достық мәпелеген жүрек гүл.

Қазақстан бар ұлысқа шаңырақ,

Шайқалмастан шаттығымыз тіреп тұр.

Ән: Жасылжайлау

Жүргізуші: 

Құрметті ұстаздар, кешіміздің қонақтары бүгінгі  өтіп отырған «Достығымыз жарасқан» атты мерекелік кешіміз аяқталуға  тәмәм, әр ұлт өкілдеріне көп, көп рахмет.