Сурет салу

ТАҚЫРЫБЫ: Жаңажылдық керемет (ұжымдық жоба, қалыпты емес сурет салу тәсілдері)

Мектеп/МДҰ:

Күні:

Педагогтің аты-жөні:

Сынып/топ:

Қатысқандар саны:

Қатыспағандар саны:

ҰОҚ оқытылу мақсаттары

0.1.4.1 Көркем материалдар және құралдар түрлерімен, қолмен/саусақпен және т.б. көмегімен қарапайым жұмыс техникасын қолдана отырып, заттардың текстурасын бейнелеу 0.2.1.5 Сурет сюжетіне, композициясына, өлшеміне, түсіне қарай көркем материал мен құралдарды таңдау

Күтілетін нәтиже

Барлық тәрбиеленушілер:

• Жаңа жылдық шырша әшекейлерінің текстурасын бейнелейді, қарапайым дәстүрлі емес сурет салу техникасын қолданады

• Қажетті көркем материалдарды таңдайды

Көпшілік тәрбиеленушілер:

• Суретті түрлі дәстүрлі емес техникалармен орындайды • Командамен жұмыс жасау іскерлігін пайдаланып, түпкі ойды жүзеге асырады

• Бейненің түсін таңдайды, оның көлемін басқа суреттермен салыстырады.

Кейбір тәрбиеленушілер:

• Шағын топта жұмысты ұйымдастырады

• Суретке дербес ерекшелік береді

Тілдік мақсат

Дағдыларды дамыту.

Тәрбиеленушілер келесі іскерліктерін дамытады: Бар білімді талдайды, оларды практикада қолданады

Жалпы түпкі ойды анықтайды

Шағын топта келіссөздер жүргізеді

Топтың жұмыс жасау тәсілін таңдайды

Тапсырмаларды орындау барысында тыңдау және сөйлеу дағдыларын бекітеді Көптілділік: Жаңа жыл-Новый год-New Year

Негізгі терминдер мен сөз тіркестері:

Жаңа жыл, мерекелік көңіл-күй, шырша ойыншықтары, командада жұмыс жасау

Талқылауға арналған сұрақтар:

Жаңа жылды тойлау туралы не айта аласыңдар?

Жаңа жылға қатысты қандай дәстүрлер бар?

Шыршаны немен безендіреді?

Бастапқы білім

Ұжымдық жұмысты ұйымдастыру дағдылары, дәстүрлі емес сурет салу тәсілдері туралы білім

Жоспар

Жоспарланған уақыт

Жоспарланған іс-әрекет

Ресурстар

I.Оң көңіл күй қалыптастыру.

0–1 минут

II. Өмірлік тәжірибені жандандыру. Мақсатты тұжырымдау.

2–5 минут

ҰОҚ ортасы ІІІ. Тақырып бойынша жұмыс

6-25 минут

IV. ҰОҚ қорытындысы. Рефлексия. 26-30 минут

(Ұ) Сабақта оң эмоциялық көңіл-күй қалыптастыру Педагог: Мен бәріңді де сау, көңілді көргеніме қуаныштымын! Сендердің осы көңіл-күйлерің кешке дейін сақталғанын қалаймын! Ал бұл үшін біз көбірек күліп, бір-бірімізге көмектесуге тиіспіз! Қыс бізге әсем қар әкелді. Өздеріңе ұнаған қарды таңдаңдар. Балаларға әртүрлі түстегі қарларды (көк, көгілдір, ақ) таратады, оларды сабақтың соңына дейін сақтауды сұрайды. (Ұ) Педагог шырша ойыншықтары бар қорапты шығарады. Балаларға айтады: Мен шыршаның ойыншықтары мен әшекейлерін іріктеп отырып, олардың көпшілігінің жарамсыз екендігін: жыртылғанын, сынғанын анықтадым. Оларды лақтырып тастауға тура келді. Шыршаны немен безендіре аламыз? Не ойлап табуға болады? (сатып алу, өзіміз жасау, үйден әкелу). Қорапта бірнеше жақсы ойыншық пен әшекей қалыпты. Балалар қораптағы жаңа жылдық әшекейлер мен шырша ойыншықтарын қарайды. Онда бардың барлығын түгендейді. Ойыншықтардың арасында майшам жиынтығы да бар. Педагог шыршаны майшаммен безендіруді ұсынады. Балалар шыршаны майшаммен безендіруге болмайтындығын айтады. - Неліктен? Шыршаны басқа немен безендіруге болмайды? (істен шыққан гирлянда) - Шыршаның жанында тағы не істеуге болмайды және неліктен? (Бенгал оты, отшашу, шартылдақ, петарда жағу) Педагог қол сиқырын пайдаланып, шыршаны безендіруді ұсынады. Сиқырлы айналдыру көмегімен оған ойыншықтар салады. • (Ұ) Әліппе-альбомдағы иллюстративті материалмен жұмыс. Жаңа жылға балаларға кім асығады? (сыйлықтары бар Аяз Ата, Ақшақар, Аққала). Қуаныш пен Айсұлуға шыршадағы жұлдызшаға жетуге көмектесіңдер. (Ұ) Келесі бете балаларды Аққала күтеді, ол зейінге, сурет салу алдында қолды жаттықтыруға арналған тапсырма ұсынады. (Т) Педагог балаларға шырша ойыншықтарының шеберханаларына бөлініп, жұмысқа кірісуді ұсынады. Ол үшін өз қарларын (сабақ басында алынған) біріктіруі керек. Балаларға таныс дістүрлі емес сурет салу тәсілдерін талқылауды және таңдауды ұсынады. Әр шеберхана жұмыс жасау үшін өз тәсілі мен құралдарын таңдайды. • (Ұ) Қауіпсіз жұмыс техникасы Педагог жеке гигиена ережелерін еске түсіруді ұсынады. Балалардан қылқалдамды қолда қалай дұрыс ұстау керектігін көрсетуді сұрайды. Қылқаламмен қауіпсіз жұмыс жасайды. Партада отыру ережелерін еске салады. Тәрбиеленушілерді жұмыс орнын тазалықта ұстау қажеттілігіне ынталандырады. (Ұ) Жұмысты орындау технологиясы (Жұмысты сатылай орындау ретін түсіндіру). • Әліппе-альбоммен жұмыс. • Балаларға үш топқа бөлінуді ұсынады. • Сурет салу тәсілін анықтау үшін сорғыш, майшам мен қағаз парақшасының бейнесі бар карточкаларды ұсынады. Топтардан карточкалардың бірін таңдауды сұрайды. 1 топ. Сорғышпен бастыру тәсілімен сурет салады. Гуашьты сорғышқа тигізеді, қағаз бетінде таңба жасайды. 2 топ. Парафин майшам не балауыз бормен сурет салады, артынан суретті акварельмен бояйды. 3 топ. Суреттерді дымқыл қағазда орындайды. Педагог әр ойыншықты айқын, әдемі етіп істеуге тырысуды сұрайды. Жұмыс аяқталғаннан кейін балалар кескін бойынша ойыншықты кесіп алады, оны ватманда бейнеленген шыршаға жабыстырады. Немесе топтағы жасанды шыршаға орналастырады. • (Ұ, Ө) Балалар безендірілген шыршаны тамашалайды. Педагог сұрайды: Сендерге бүгін не істеген көбірек ұнады? Сабақтан кейінгі көңіл-күйлерің қалай? Қиын болды ма? Бірдеңе болмады ма? Балалар шеңбер құрып отырып сабақта не жасағандарын, әлі де қандай жұмыстар атқарулары керектігі туралы бір-біріне «қар кесегін» (қағаздан жасалған) бере отырып айтады.

Музыкалық сүйемелдеу (ғажайып музыка), Балалардың санына қарай бірдей бөлінген әртүрлі түстегі қарлар (көк, көгілдір, ақ)

Шырша әшекейлері бар қорап (шарлар, майшам жиынтығы), ватмандағы (не ойыншық) кішкентай шырша

Әліппе-альбом

Әліппе-альбом

Акварель, парафин майшамдар, балауыз борлар; Шағын текше түріндегі поролон сорғыштар, гуашь, палитра, түрлі көлемдегі қылқаламдар, суы бар төгілмейтін стақан, мақта майлықтар, қайшы, желім-қарындаш.

Балалардың жұмыстарын орналастыруға арналған шырша. Әліппе-альбом