Үйірме жұмысы бойынша

Сабақ №4

Өткізген:Жусамбаева Қ.М.

Өткізу мерзімі: 29.12.2021ж.

Топтың жас ерекшелігі: №12 ересек топ

Тақырыбы: «Суықторғай»

Мақсаты: Тұзды қамырмен дұрыс жұмыс жасай білуге, есу,үзу арқылы мүсіндей алуға үйрету

Міндеттері:

БМ: Құстың бөлшектерін дайындап, бөлшектерді бір-бірімен біріктіре алуды үйрету, саусақтың ұсақ бұлшық еттерінің қозғалысын жетілдіру.

ДМ: Ой –қиялды және шығармашылық амалдарын көрсету ниетін дамыту.

ТМ: Балаларды құстарға қамқорлық жасауға, мейірімділікке, еңбекке баулуға тәрбиелеу.

Жабдықтар: суықторғайдың суреті,тұзды қамыр, үлгі жұмыс,сүлгі, тақтайша.

Сөздік жұмыс: мүсін,жемсалғыш
Сабақтың барысы: Ұйымдастыру кезеңі.

Ғажайып сәт

Балалар терезеден бұтаққа қонып тұрған суықторғайды көреді.

Сабақтың негізгі бөлігі

Тәрбиеші:Балалар, бұтақта қандай құс қонып отыр?

(Балалардың жауаптары)

Тәрбиеші:Балалар, суықторғай қандай құстар қатарына жатады.

Олар қыста немен қоректенед?

(Балалардың жауаптары)

Тәрбиеші: Мен сендерді тұзды қамырдың қасиеттерімен таныстырамын.

Тұзды қамырды алақанның ортасына салып есуге, илеуге, үзіп алып, мүсіндер жасауға болады. Ол жұмсақ болады. Тұзды қамырды ауызға салуға болмайды.

Балалар, осы тұзды қамырмен біз бүгін суықторғайды жасап үйренеміз.

Сендер торғай туралы қандай тақпақ білесіңдер?

Балалар:Торғай, торғай тоқылдақ.

Жерден бидай шоқып алып,

Бөтекесі бүлкілдеп,

Отыр талда шықылдап.

Суреттерге назарларын аударады.

Тәрбиеші:Қыстап қалатын құстар туралы білімдерін еске түсіреді.

Суықторғай туралы мәлімет беріледі. Оның дене құрылысына талдау жасалады.

– Балалар, біз бүгін тұзды қамырдан суықторғайдың мүсінін жасаймыз.

Тәрбиеші:Қауіпсіздік ережесімен таныстырады.

Тұзды қамырмен жұмыс жасағаннан кейін қолдарын сүлгімен сүртуді ұмытпауларын естеріне салады. Тұзды қамыр таратылып беріледі.

Жұмысты орындау реті

Суықторғайды жасау үшін қамырды жұмыртқа тәріздес етіп дайындап аламыз. Кішкентай домалақтау бөлшекке бөліп, құстың басын келтіреміз. Екі саусақпен қысып құйрығын шығарып, құйрығының ұшын жалпақтап,

созыңқыраймыз. Торғайдың шымшып тұмсығын келтіреміз,қанаттарын жасаймыз. Ұсақ бөлшектермен толықтырамыз. Дайын құсты гуашпен бояймыз және ағаштың бір бұтағына орналастырамыз.

Саусақтық гимнастика

Жалғыз саусақ тіпті де,

Ұстай алмас жіпті де.

Екі саусақ бірікті,

Ине қолға ілікті.

Үш саусағым орамды,

Жүгіртеді қаламды.

Орамды екен он саусақ,

Ұя салсақ, жол салсақ.

Балалардың өзіндік жұмысы.

Жұмыс барысында тәрбиеші жеке-дара көмек көрсетеді.

Рефлексия:

Балалар, барлықтарыңыз жарайсыңдар. Барлықтарың тырыстыңдар. Енді осы суықторғайларға қыста жайлы болу үшін, біз әкелерімізге жемсалғыш жасап берулерін сұрайық.

Балалардың жұмыстарын бағалау.