Табиғаттағы сызықтар. Қарапайым пішіндерді салу.

Сабақтың тақырыбы:

Табиғаттағы сызықтар. Қарапайым пішіндерді салу.

Сабақтың мақсаты:

а) Білімділік Оқушылардың сызықтық және реңдік бейнелеуге бейімін

қалыптастыру, табиғаттағы сызықтардың ерекшелігіне

көңіл бөлдірту.

ә) Дамытушылық: Заттардың пішінін, құрылысын айқындау арқылы сызық

түрлерін қажетті жағдайда пайдалануға әрі штрихтауға

үйрету.

б) Тәрбиелілік: Өнерді қастерлеуге, эстетикалық тәрбие беруге,

ұқыптылыққа, сұлулықты түсіне білуге, табиғатты

қорғауға тәрбиелеу.

Құрал-жабдықтар, көрнекті құралдар: Көркемсуретті альбомдар, қарапайым қарындаш түрлері, өшіргіш, тушь, қылқалам, перо, сондай-ақ бейнелеу өнеріне қосымша оқулықтар, т.б

Сабақтың өту барысы:

1. Ұйымдастыру кезеңі.

2. Үйге берілген тапсырманы тексеру.

3. Жаңа тақырыпты түсіндіру.

4. Тапсырмаларды орындау.

5. Сабақты бекіту.

6. Үйге тапсырма.

Сабақтың барысы:

Мына екі суретке мұқият зер сал. Бұл шығармаларда суретші қандай әсерлегіш құралдарын қолданғанын айтып бер. Бейнелеу өнерінің бұл түрі қалай аталады?

Орыс суретшісі Иван Шишкин натурадан сурет салудың асқан шебері. Ол қарындаш және басқа да графикалық материалдармен жұмыс істеуді жақсы меңгерген. Қарашы, оның суреттері қандай әдемі! Олардағы сызық пен штрихтар әсерлі де алуан түрлі. Қарандыз шөбінің бояуы қанық әрі қалың жапырақтары өте мығым болып көрінеді. Мұндай әсер нақты, ырғақты сызықтар арқылы беріледі.

Мына суреттемедегі жаңғақ ағашының болмысы басқаша. Жіңішке сызықтар мен жеңіл қонымды штрихтар жапырақтардың тартымды суретін береді. Айналамыздағы табиғатты шынайы бейнелеу үшін көп жаттығуымыз қажет. Далада, орман ішінде келе жатқанда аяғыңның астына қарасаң алуан түрлі шөптерді көресің. Ерінбей әрбір шөпті, әр бұтаны қолыңа алып қара. Әрбір сызықтың иіріміне назар аудар. Егер сен аңғарымпаз болсаң, табиғат саған өз сырларын, сұлулығын ашады, басқа да көп нәрсеге үйретеді.

Өсімдікті бейнелерде жапырақтары, гүлі мен сағағының пішініне мұқият қара. Сабағы қандай? Жіңішке де нәзік, әлде жуан әрі мықты ма? Гүлі мен жапырағының түсіне назар сал. Сурет жай қарындашпен салынса да, оның ашық немесе күңгірт екенін анықта. Селдіреген селеу, кәрі емен, мүк басқан жақпар тас та суретшінің назарынан тыс қалмайды. Өзгелер байқай бермейтін әдемілікті іздеп жүріп табады. Таңдандырады, тамсандырады.

Алғашқы нұсқаны салғанда сызықтардың сипатына ғана емес, штрихтарға да мән бер. Оларды ағаштың қабығы, бүрі және жапырағына орайластыра сыз. Жұмсақ, қатты қарындаштарды пайдалан. Түрлі түсті қарындаштармен де бейнелеуге болады. Бояулардың үйлесіміне ерекше көңіл бөл.

Үйге тапсырма беру: Табиғаттағы өсімдіктерден графикалық туынды орында.