Тәжірибені тарату – шығармашылық еңбектің көрсеткіші

Бiлiм мазмұнының жаңару жағдайында мектепке дейiнгi, орта, қосымша, техникалық және кәсiптiк, жоғары білім ұйымдары педагогикалық қызметкерлерінің заманауи білім беру технологиялары мен әдiстемелерiн қолдану бойынша тиiмдi практикаларын және озық тәжiрибелерiн таныстыру мен тарату мақсатында жыл сайынғы жоспарланып отырған «Педагогикалык идеялар панорамасы» Республикалык конкурсының облыстық кезеңі аяқталды.

Конкурс «Өрлеу» Бiлiктiлiктi арттыру ұлттық орталығы» Акционерлiк коғамы ұйымдастыруымен Қазақстан Республикасы Президентінің Н. Назарбаевтың 2018 жылғы 10 каңтардағы «Төртiншi өнеркәсіптiк революция жағдайындағы дамудың жаңа мүмкiндiктерi атты Жолдауын iске асыру аясында өткізілуде.

Конкурс нәтижесі озық педагогикалық практикаларға қолжетiмдiлiктi қамтамасыз етуге ықпал етері сөзсіз. Бiрыңғай ақпараттық-бiлiм кеңістігінде заманауи педагогикалық тәжiрибенi жинактау және насихаттау педагогтардың кәсiби және ақпараттық-коммуникациялық құзыреттіліктерінің өсуіне қызмет етедi деп күтілуде.

Осы міндертерді іске асыруда «Өрлеу» «БАҰО» филиалы «Алматы облысы бойынша ПҚБАИ» «Инновациялық технологиялар және ғылыми - жаратылыстану (гуманитарлық) пәндерін оқыту әдістемесі» кафедрасының оқытушылары облыс бойынша пән мұғалімдеріне әдістемелік қолдау көрсете отырып ауқымды жұмыстарды жүргізуде. Аймақтық конкурстардың қатысушыларымен бірге тығыз жұмыстар атқара отырып, озық педагогикалық практикаларға қолжетiмдiлiктi камтамасыз етуде. Мысалы, аталған бағыт бойынша әріптестерінен озық тәжірибе көрсеткен Жамбыл ауданы Қарғалы ауылы №3 орта мектебінің биология пәні мұғалімі Джомартова Сауле Абдразаковна жан-жақты ұйымдастырылған сабақ өткізіп жүлделі бірінші орынды иленді.

Ал, өз тәжірибелерімен бөліскен Талғар ауданы С.Сейфуллин атындағы №2 орта мектептің шығармашыл мұғалімі Нарымбет Жанар Айтжанқызы жүлделі екінші орынға,

Іле ауданы Екпінді ауылы жас ізденімпаз маман Калдыбаева Асия Сапарбаевна жүлделі үшінші орынға ие болды.

Картбаева Д.А., «Инновациялық технологиялар және ғылыми - жаратылыстану (гуманитарлық)

пәндерін оқыту әдістемесі» кафедрасы

аға оқытушысы