Талапты Жас!

Халосбаева Дилобар Комилқизи

А.Рудаки атындағы №23 ЖЖБМ КММ-нің арнайы педагогы

Кішкентайынан жүру мүмкіндігінен айырылған Рамазан бүгінде кқпке үлгі. Өйткені, өз еркімен жер басып жүре алмасада, көкірегі ояу. Өмірге деген құлшынысының арқасында, өнер сайыстарында жүлделі орындар иеленіп келеді. Рамазанның өнерге деген махаббаты ерекше. Оның айрықша дауысы көптеген адамдардың назарын өзіне аударады.

Юсуф Рамазан Жексенбайұлы 21.08.2011 жылы Түркістан облысы, Жетісай ауданы, «Жана ауыл» әкімшілігіне қарасты «Қарой» ауылында дүниеге келді. Қазіргі таңда « А.Рудаки атындағы №23 жалпы білім беретін мектеп » коммуналдық мемлекеттік мекемесінде 6 «А» сыныбында оқиды.

13.10.2023 жылы Жетісай қаласының Мәдениет сарайында аудандық білім бөлімінің жоспарына сәйкес «Біз біргеміз!» жобасы аясында ерекше білім беруді қажет ететін білім алушылар арасында өнер фестивалі өтті. Фестивальға 73 мектептің білім алушылары қатысты. Рамазан «Өмір неткен тамаша» өлеңімен сахнада өнер көрсетті. Фестиваль соңында барлық білім алушыларға сый-сияпат және үздік өнер көрсеткені үшін мадақтама таратылды. 73 мектептің арасынан үздіктер қатарына ілініп, Рамазан жүлделі екінші орынды иеленді.