Бекітемін

«Ақбота» балабақшасының әдіскері

Ұ.М.Акжигитова

Тақырыбы: «Әкем, шешем және мен»

Мақсаты: Балалардың денесін шынықтыруға,денсаулығын нығайтуға,дұрыс өсіп қалыптасуға үйрету,жарысуға,жарыста жеңімпаз болуға және ата-анасының, тәрбиешілерінің арасында байланысты нығайту. үйрету. Спортпен  айналасудағы әртүрлі дене шынықтыру жаттығуларының әдістерін үйрету, оларды қолдану.Жаны таза ұрпақты салауатты өмір салтына тәрбиелеу.

Жүру барысы:

Құрметті ұжымдастар,кішкентай бүлдіршіндер! Ересек тобы «Көгершін» тобында ұйымдастырылған «Әкем, шешем және мен» спорттық сайысқа қош келдіңіздер!

Жарысқа қатысушыларды ортаға шақырамыз.
Ұстанған салауатты өмір салтын,
Жасқанып, ешқашан да мойымайтын,
Болашақ спортшылар келді ортаға
Қол соғып қарсы алайық, қане, халқым!

Сайысты бастамас бұрын, сайысымызға әділ баға беретін әділқазылар алқасымен таныстырайық:

Сайысымыз 4 бөлімнен тұрады.

1. «Допты алып жүгір» сайысы

2. «Аспазшылар» ойыны

3. «Аққала» ойыны

4. «Кім епті» ойыны

Құрметті сайыскерлер, сіздерге сәт — сапар!

I– бөлімінді бастаймыз

Шарты: Допты қолына алып,кеглилер арасында жүріп, межеден айналып қайту.

II – бөлім. «Аспазшылар» сайысы

Шарты: Уақ допты қасықпен қысып алып, межеде тұрған себетке салу.

IІІ – бөлім. «Аққала» ойыны

Шарты: Үрілген кенгуру добына отырып, секіріп межеден айнала қайту.

ІV-бөлім. «Кім епті»

Допты кеглилер арасымен домалатып, межеден айналып кері қайту.

Осымен сайысымыз аяқталды жеңімпаздарды марапаттау үшін сөз кезегін әділқазыларға береміз.

Спорт – көркі өмірдің,
Спорт- досың, серігің.
Жаттықсаң шымыр боларсың,
Шынығып, өсіп, толарсың, — демекші салауатты өмір салтын ұстанып, спортты серік етейік! Сау  болыңыздар!

МКҚК «Ақбота» бөбекжайы

Әкем, шешем және мен

Спорттық сайыс

Өткізген: Дене шынықтыру нұсқаушысы

А.Е.Ермекбаева

2021-2022 оқу жылы