Тәрбие сағаты "Ең білгір"

Тақырыбы: «Ең білгір» зияткерлік ойыны

Мақсаты: Оқушылар арасынан ерекше ойлай білетін, интеллектуалдық және рухани-танымдық жағынан өздігінен жетілуге талпынатын, көшбасшылық қабілеті бар, азаматтық және өмірлік ұстанымы бар, шығармашыл дарынды оқушыларды анықтау.

Көрнекіліктер: Слайд

Мұғалімнің кіріспе сөзі:
Дана халқымыз «білегі мықты бірді жығады, білімі иықты мыңды жығады» деп айтқандай,білімді ұрпақ – ел – тірегі, сіздерсіздер. Елбасымыздың «Қазақстанның болашағы, балалар, сіздердің қолдарыңызда» деген аталық сезімін ақтай біліңіздер.
Үлгі бізге аталардың ерлігі,
Ұлағаты, өнегелі еңбегі.
Тәуелсіздік туын ұстап жоғары
Бүгінгі ұрпақ – болар елдің ертеңі! – деп, бүгінгі «Ең білгір» атты интеллектуалдық ойын сайысымызды бастайық.
Ойынның кезеңдері:
І. Таныстыру
ІІ. «Білімді мыңды жығар»

ІІІ. «Полиглот»

ІV. «Ойлы болсаң, озып көр»

V. «Ол не? Бұл кім?»

І. Таныстыру

«Сәлем  сөздің  анасы» таныстыру бөліміне кезек  береміз.

Ұрпақсыз  мына  өмірде  кім түледі?

Жақсы ұрпақ – еліміздің шын  тірегі.

Ортаға  шығып  таныстырсын  өздерін,

Білімді  ұрпақ  елімнің жас  түлегі, — деп  оқушылар өздерін  таныстырсын.

(Әр қатысушы қысқаша өзін таныстырып кетеді.)

ІІ. «Білімді мыңды жығар»

Бұл кезеңде оқушылар өздері тақырып пен ұяшығын таңдайды. Сұрақтарға дұрыс жауап берсе ғана сол ұяшықтағы ұпайды иелене алады. Сұраққа жауап бере алмаса, «қарсыластар»дегенен кейін ғана сайыскер жауап бере алады. Сайыскерлер сұрақтарды нөмір ретімен таңдайды.

1 ұяшық: «Туған өлке»

10-ұпай: Ақтөбе қаласының құрылған жылы? (1869 жыл, 28 мамыр)

20-ұпай: Әуе қорғаныс күштерінің әскери институтына кімнің есімі берілген? (Талғат Бегельдинов)

30-ұпай: Ақтөбе облысы шығысында қай облыспен шектеседі? (Қостанай)

40-ұпай: Қандыағаш, Жем, Ембі атты үш бірдей шағын қала орналасқан аудан? (Мұғалжар)

2 ұяшық: «Туризм»

10-ұпай: Тосын сый

20-ұпай: «Туризм» сөзі қай тілден енгізілген? (француз-серуендеу)

30-ұпай: Туризм неше түрге бөлінеді? (2 түрге бөлінеді: ішкі және сыртқы )

40-ұпай: Жорық барысындағы жеке құрал-жабдықтар? (рюкзак, жатын қап, киім-кешек)

3 ұяшық: «Әдебиет»

10-ұпай: Ақтөбе

20-ұпай: Нұрпейіс Байғаниннің фотосуреті экранға көрсетіледі, сол жайында мәлімет айтуы қажет.

30-ұпай: Абай поэмалары нешеу? Оларды ата.

40-ұпай: Тахауи Ахтановтың романдарын ата. («Қаһарлы күндер», «Боран»)

4-ұяшық: «Ұлттық құндылықтар» (берілген фотосуретке сипаттама беру)

10-ұпай: Шашбау-қыз-келіншектер шашына тағатын сәндік әшекей- бұйым

20-ұпай: Торсық-су, сусын құятын шағын тері ыдыс.

30-ұпай: Ер тоқым-салт атқа мініп жүруге лайықталған жабдықтардың бір түрі.

40-ұпай: Адалбақан-киім және тағы басқа үй мүліктерін ілуге арналған жабдық.

ІІІ. «Полиглот»

Бұл кезеңде әрбір сайыскер берілген жұмбақтың жауабын үш тілде дұрыс таба білуі керек. Ең жоғары ұпай 10.

1.Тақия толған сөк,

Таң атқанда жоқ.(жұлдыздар, звезды, stars)

2.Тұрады ылғи сөреде, іші толған өнеге. (кітап, книга, а book)

4.Өз елімнің басы болмасам да, сайының ____ болайын.     (тас, камень, stone)

5. Ел жаусыз болмас, жер ____  болмас.   (тау, гора, mountain)

6. Тіл жоқ өзінде,

Сөзі бар ізінде. (қаламсап-ручка-pen)

7. Үстінде екі тауы бар,

Өзі үлкен жануар. (түйе-верблюд-camel)

8. Нешеу ала болса, ауыздағы кетеді,

Төртеу түгел болса, төбедегі келеді. (алтау-шесть-six)

9.Қалың киім ұнатады Шешіндірсең жылатады. (жуа-лук-onion)
10.Жазу жазып жалықпаған, Жаза-жаза арықтаған. (бор-мел-chalk)
11.Уақытты өлшеп, санап, Таппайды бір тағат. Бұл не сонда?… (сағат-часы-clock)

12.Көтеріліп теңізден, Аспанға биік барамын. Өрінен мен түскенде, Өңі кірер даланың. (жаңбыр-дождь- rain)

13.Адам болатын ___ алысқа қарайды. (бала-мальчик-boy)
14.Не істесеңде __ істе, ойламайісқылсаң, қор болмайсың. (ойлап, думать, think)

15._____өлшеп, бір рет кес. (жеті-cемь-seven)

16. Бір нәрсе жоғарыда от жағып тұр, Дабылдап дабылын ол қағып тұр. (найзағай-гроза-storm)

ІV. «Ойлы болсаң,озып көр»

Әр оқушыға 4 жұмбақтан қойылады.Шарты-жұмбақтың шешімін тауып,шешіміне мақал-мәтел құрастыру.

V. «Ол не? Бұл кім?»

(Слайдта Ақтөбе тарихына байланысты суреттер көрсетіледі. Қандай жер екенін не болмаса қай тұлға екенін табу керек,)

1. Есет батыр кесенесі

2. Қобыланды батыр

3. Н.Байғанин

Мұғалімнің қорытынды сөзі:

Білім – толқын, жатқандай асып – тасып,

Біреу — мығым ,біреулер шалыс басып.

Жеңсең де, жеңілсең де қалма жасып.

Оқушылардың ұпайын есептеп, қорытындысын айту.

«Ең білгір» атты интеллектуалдық ойын арқылы өткен тәрбие сағатымыз аяқталды.