Тәрбиелі жастар - берекелі болашақ

Қазірдің өзінде болашағында не күтіп отырғанын білмейтін, дегенмен де болашағына сенетін жастар қолдарынан келгенше тырысып жүр. Жастарды даттап жатыр деп те, мақтап жатыр деп те ойлап қалмаңыздар. Менің бұл жазбаны жазып жатқанымдағы мақсатым – жастарға қолдау іздеу, жастарды қолдауға шақыру. Себебі, дәл қазіргі уақытта олардың әрқайсысы ата – ана қолдауына, жақын ағайын – жұртының демеуіне зәру. Бәлкім, сізден келген қолдау мәнді жылы сөздер оны сенімді етіп, оның болашағына деген жолдар кең ашылар.