Тәуелсіздік – бұл неткен ғажап ұғым!

Тәуелсіз Қазақстан! Тәуелсіздік! Яғни егеменді, дербес мемлекет. Бүгінгі күні осы тәуелсіздігімізді алғанымызға 29 жыл уақыт өтіпті. Ал осы уақыт тарих үшін қас-қағым-ақ. Қаншама ғасырларды алып құшақтаған тарих қойнау талай үлкен мемлекеттердін тәуелсіздігін көрген. Солай бола тұрса да, біз үшін өзіміздің тәуелсіздігіміз қымбат. Неге десеңіз, мемлекетіміздің сөнген отын жаққаны үшін, ата-бабамыздың рухын көтергені үшін, елімізді әлемге танытқаны үшін, «қазақ» деген атауға жан кіргізгені үшін бізге қымбат. Осы орайда мектебімізде тәуелсіздік күніне «Тәуелсіздік – бұл неткен ғажап ұғым!» іс –шара өткізілді. Іс-шараны ZOOМ платформасы арқылы 5-11 сыныптар арасында тарих пәнінің мұғалімдері Шара Сұлтанқызы мен Айжан Жарқынбекқызы өткізді. Іс-шараның мақсаты жас ұрпақтың бойына ұлтжандылық, Отанына деген сүйіспеншілік сезімдерін арттыру, туған жеріне құрмет ете білуге тәрбиелеу. Тарихи таным мен ұлттық санасын қалыптастыру. Іс-шараның ашылуы құттықтау бейнежазбасы арқылы басталды. Бірлестік мұғалімдері мен мектеп оқушылары қатысқан мерекеліс іс-шара барысында түрлі ойындар ұйымдастырылды. Қашықтықтан оқуға қарамастан ұстаздар мен оқушылар іс-шараға белесене қатысып, сұрақтарға жауап беріп ұтыстар алды. Сонымен қатар ұстаздар мен оқушылар бірлесе тілектер тілеп, игі лебіздерін білдірді.