Тәуелсіздік- тұғырым

Ұзақ мерзімді жоспар бөлімі:

Мектеп:

Педагогтің аты-жөні:

Күні:

Сыныбы:

Қатысушылар саны: Қатыспағандар саны:

Сабақтың тақырыбы:

Тәуелсіздік-тұғырым.

Сабақтың мақсаты:

Еліміздің тәуелсіздігі үшін күрескен және сол мақсаттарға жету барысында өздерінің елі,халқы үшін жастық өмірін қиған аға ұрпақтың ерлік істерімен таныстыру,оқушыларды Отан Ананы құрметтеуге,Тәуелсіздіктің қадірін білуге,ұлтжанды азаматтар етіп тәрбиелеу.

Сабақ кезеңі/Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

5мин

Ұйымдастыру кезеңі.

Оқушылармен амандасу,түгендеу,сабаққа дайындығын бақылау.

Қазақстан Республикасының мемлекеттік Әнұранды орындау

Ынтымақтастықты қалыптастыру,оқушылардың сенімділігін арттыру.Шаттық шеңбер «Жақсы тілек - жан жылуы»

Ақылды,мейірімді,пысық.

Кішіпейіл,кеңпейіл,ақкөңіл.

Дана,дара,адал,қамқор,инабатты.

Мықты,батыл.шыншыл,батыр.

Үздік,білімді,көшбасшы,лидер.

Топқа бөлу:Castlots сайты арқылы онлайн генератор арқылы топқа бөлу

1-топ «Желтоқсан»

2-топ «Мәңгілік ел»

3-топ «Қыран»

Амандасу

Назарды сабаққа қойып,жақсы сөздер ,жақсы тілектер айтып,топтарға бөлінеді.

Интерактивті тақтада шыққан есімдері бойынша топтарға барады..

Мұғалім ұйымдастыру кезеңінде белсенділік танытқан оқушыларды «Мадақтау сөз» әдісіарқылы бағалайды: «Жарайсың! Жақсы! Өте жақсы! Талпын!»

Тақта

Слайд

Оқу құралдары

Сабақтың ортасы

25мин

Негізгі бөлім.

«Додокаэдрда» жасалған сұрақтар айдары:

1)Қазақстан Республикасы қашан тәуелсіздік алды?(1991 жылы 16-желтоқсан)

2)Қазақ хандығының негізін қалаушылар? (Жәнібек пен Керей)

3)Қазақ хандығының соңғы ханын атаңыз? (Кенесары Қасымұлы)

4) «Жеті жарғы»заңдар жинағының авторын атаңыз? (Тәуке хан)

5)2019 жылы Қазақстанның Тәуелсіздік күніне орай әлемнің қай қаласындағы биік ғимарат Қазақстан туының түсімен боялды?(Дубай)

6)Қазақстан қашан Біріккен Ұлттар Ұйымына мүше болып қабылданды? (1992 жылы 2-наурызда)

7)Қазақстан Республикасының Мемлекеттiк туының авторы – суретшi? (Шәкен Ниязбеков)

8) Қазақстан Республикасының Мемлекеттiк Рәміздер күні қай жылы ,қай күн деп бекітілді?(1992 жылы 4-маусым)

9)Қазақстан аумағы жағынан әлем бойынша нешінші орында?(9-орында)

10)2016 жылдың 1- наурызынан бастап Қазақстанда жаңа мереке пайда болды,ол қалай деп аталады?(Алғыс айту күні.)

11)Егемен Қазақстанның тәуелсіздігін алғаш таныған елді атаңыз? (Түркия)

12)Қазақстан халқы Ассамблеясы қай жылы құрылды? (1995 жылғы 1 наурызда) 

Тәуелсіздік — ең алдымен Қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін Тәуелсіздік күні- ең қастерлі күн!Ата-бабамыз мыңжылдықтарда аңсап өткен Тәуелсіздікке біздің ұрпақ қол жеткізді. Бұл жәй ғана бірнеше әріптерден құралған сөз емес, ол жүректерді тебірентіп, көңілдерден орын тапқан қасиетті, қастерлі ұғым. Ол аспаннан түскен дүние емес. Тәуелсіздік киелі, сондықтан оны сақтай алмасақ, ұрпаққа жеткізе алмасақ бізге сын. Ел тәуелсіздігінің мығым болуы үшін біздің бірлігіміз бекем, татулығымыз берік болуы керек. Тәуелсіздік — ту етер, Тәңір сыйлаған  жаныма жақын, құлағыма жұмсақ естілетін, естігенде жұдырықтай жүрегімді қуаныш кернейтін тәтті ұғым, елімнің басына қонған бақ құсы. «Елім егемендікке қалай қол жеткізді, қандай тарихи кезеңдерді бастан өткізді?» деген сұрақтарға жауапты төл тарихымызбен  танысу арқылы көз жеткізіп келеміз. Кешегі Керей мен Жәнібек, Абылай мен Әбілхайыр сияқты атақты хандарымыз қанын төгіп қорғаған ұлан ғайыр жер біздің асыл қазынамыз. Қаншама зұлматты замандар өтіп, қиын-қыстау кезеңдер өтіп, өркениетіміз толыққан сайын адамзаттың ақылы жаңалықты аңсайтыны белгілі ғой. Алайда, аштық, соғыс, талас-тартыстардан  әбден азайып, әлсіреген ұлтымызды соңында орыстар отар етті. Қой үстіне бозтарғай жұмыртқалаған заманды аңсаған ата-бабаларымыздың арманы адыра қалып, «отыр»  деді отырдық, «соғыс»  деді соғыстық, бұйрығына бағындық. Амал нешік… Отар болдық екен деп қазақтың қанында қайсарлық өшкен жоқ, күш-қуат азайған жоқ. Есімізге түсірсек, сонау майдан даласында да өзінің өжеттігін көрсеткен қазақтың қайсар қыздары Әлия мен Мәншүк, қайратты жігіттері Бауыржан мен Қасымдар естен кетпес кешегі шындық, бүгінгі аңыз! Соғыс бітіп, жеңіс келіп сүйіндік, алайда, сүйініш ұзаққа созылмастан қазақтың басшылығына орыс келетінін естіген ел тыныштала алмады. Кешегі саф алтын рухты «сақтың» ұрпағы ұрандап тағы да алаңға шықты. Асан қайғы бабамыз іздеген жерұйықты армандаған жастардың арманына ешкім тосқауыл қоя алмады, қырылды, тартысты, қан төкті, жан берді, түбінде азаттыққа қол жеткізді. Бабаның арманын бала орындап – Қазақстан Республикасы болып, өз тәуелсіздігімізге қол жеткіздік, тұңғыш елбасымыз Нұрсұлтан Әбішұлы Назарбаевты сайладық.

Біз – бақытты ұрпақпыз… Себебі, ата-бабамыз көрген шапқыншылықты, табаны тілім-тілім болған босқыншылықты, бір түйір дәнге зәру болған аштықты, талай боздақтың жанын,  жақынын алған сұм соғысты мына біздер, жас ұрпақ көргеніміз жоқ. Бейбіт өмірмен қатар, аталарым армандаған, өз қолы жетпесе де келер ұрпағы үшін күрескен, қазып қалсаң асты қазынаға толы кең байтақ жерді, бай тілді, тәрбиеге тұнып тұрған салт-дәстүрді, ең бастысы тәуелсіздіктің тәтті дәмін татып жатқан жарқын ұрпақпыз.

«Атамекен» әні хормен айту.

Әнін жазған:Ескендір Хасанғалиев Сөзін жазған: Қадыр Мырза Әлі

Жасыл жайлау, түкті кілем, көк кілем

Көк кілемде көп аунаймын, көп күлем

Маңдайымнан сипап өткен самалды

Қазағымның алақаны-ау деп білем

Қайда жүрсем Атамекен

Көкейіңде жатады екен

Күннің өзі ұясына

Қимай оны-ай батады екен

Жасыл жайлау, түкті кілем, көк кілем

Көк кілемде көп аунаймын, көп күлем

Күннің нұрын, айдың аппақ сәулесін

Қазағымның махаббаты-ау деп білем

Қайда жүрсем Атамекен

Көкейіңде жатады екен

Күннің өзі ұясына

Қимай оны батады екен

(Күннің өзі ұясына

Қимай оны батады екен)

Жасыл жайлау, түкті кілем, көк кілем

Көк кілемде көп аунаймын, көп күлем

Асқар тауын аспаныммен таласқан

Қазағымның мәртебесі-ау деп білем

Қайда жүрсем Атамекен

Көкейіңде жатады екен

Күннің өзі ұясына

Қимай оны-ай батады екен

Қайда жүрсем Атамекен

Көкейіңде жатады екен

Күннің өзі ұясына

Қимай оны-ай батады екен

белсенділік танытқан оқушыларды «Мадақтау сөз» әдісіарқылы бағалайды: «Жарайсың! Жақсы! Өте жақсы! Талпын!»

Сұрақтар топтамасы.

Қорытынды бөлім

10-минут

«Нысана»ойыны арқылы оқушылар тапсырмаларды орындайды.

1) Қазақстан Республикасының тұңғыш президенті? (Н.Ә.Назарбаев)

2)Қазақстан Республикасының Мемлекеттік Әнұранның сөзін жазған авторлары? (Сөзін жазғандар: Жұмекен Нәжімеденов,Нұрсұлтан Назарбаев)

3) Қазақстан Республикасының Мемлекеттік Әнұранның әнін жазған автор? (Әнін жазған:Шәмші Қалдаяқов)

4)Соғыс кезінде қазақ тарихындағы алғашқы ұшқыш батыр қыз?(Хиуаз Қайырқызы Доспанова)

5)Қазақстан Республикасының Мемлекеттік Елтаңбасының авторлары? (Жандарбек Мәлібеков пен Шот –Аман Уәлиханов)

6) Желтоқсан көтерілісі қай жылы болды? (1986 жылы)

7)Желтоқан көтерілісінің құрбандарын атаңыз? (Ербол Сыпатаев,Сабира Мұхаметжанова,Ләззат Асанова,Қайрат Рысқұлбеков......)

8)Қазақтың тұңғыш ғарышкері?(Тоқтар Әубәкіров)

9)Қазақтың алғашқы ұстазы? (Ыбырай Алтынсарин)

10)Қазақстан Республикасының Конституциясы қай жылы ,қай күні қабылданды?(1995 жылы 30-тамызда)

белсенділік танытқан оқушыларды «Мадақтау сөз» әдісіарқылы бағалайды: «Жарайсың! Жақсы! Өте жақсы! Талпын!»

Тақта

Слайд

Оқулық

Дәптер

Оқу құралдары

Шыныбеков окулыгы

Сабақтың соңы

5 минут

Рефлексия

Бағалау

Алда келе жатқан Тәуелсіздік күнімен құттықтай отырып, назарларыңызға Тәуелсіздік, еркіндік туралы ойшылдар айтқан орамды ойларды ұсынамыз. 

• Біздің жұрт бостандық, теңдік, құрдастық, саясат ісін ұғынбаса, тарих жолында тезек теріп қалады. (Әлихан Бөкейханов)

• Тәуелсіздіктің тар жол, тайғақ кешуінен, беттен қағар желінің есуінен тайсалмауға тиіспіз. (Нұрсұлтан Назарбаев)

Назарларыңызға тілге жүйрік, сөзге шешен хас батыр Бауыржан Момышұлының қанатты сөздерін ұсынам:

1. Өз ұлтын сыйламау, оны мақтаныш етпеу – сатқындықтың белгісі.

2. Ел дегенде еміреніп, жұрт дегенде жүгініп қызмет еткін!

3. Отан үшін отқа түс – күймейсің.

4. Опасызда Отан жоқ.

5. Елсіз ер болмайды, жұртсыз жігіт болмайды.

6. Өтіріктің балын жалап тірі жүргенше, шындықтың уын ішіп өлген артық!

7. Ерлік – табиғат сыйы емес, саналы әскери тәрбиенің жемісі, Отан алдындағы қасиетті парызыңды орындау үшін адамзаттың ең асыл сезімімен жігерленіп, өзіңді саналы түрде қауіп-қатерге бас тігуге мәжбүр етудің нәтижесі.

«Мұғалімге хат»әдісі бойынша оқушылар бүгінгі сабақ бойынша өздерінің ойларын жазып ашық айтады.

Бағалау. Оқушылар бір-бірін ауызша критерий бойынша бағалайды.

- Кейбір оқушыларға мұғалім тарапынан кері байланыс беріледі.

Тақта

Слайд

Оқулық

Дәптер

Оқу құралдары