Тәуелсіздік таңы

Сәкенді ойлап

Есіме түсер сұм заман.

Тар жолда тайғақ

Кешуден әбден шаршаған.

Ағаларымды ойлап

Балаларға да ой салам,

Егемен елі

Еңселі болсын аңсаған!

Мағжанды ойлап

Өртенер кеуде от-жалын.

Сағыныш атты

Кемемен жүзген әрдайым.

Сағынып жеткен

Сондағы еркін елдікті.

Сарқытып алмайық

Балалар, деймін әрдайым!

Ілиясты ойлап

Құлагер аттай алқынған.

Шылбыры түсіп

Ауыздығымен алысқан.

Туған жер үшін

Бәйге алған әркез шабыстан.

Тәуелсіздіктің

Таңы атқан екен алыстан!

Таң атты бүгін

Сарғайып нұрлы күн шықты.

Бұлақтан әсем

Сарқырап мөлдір су шықты.

Гүлденген дала

Нұрланған қала ғаламат.

Тәуелсіздік таңы

Мәңгілік болсын, Адамзат!

Қызарып күн батса да кешке,

Бостандық бірге батпасын.

Сындарлы сәтте бір Алла қолдап,

Шырқалар әнім шыңдалсын!

Қармақшы аудандық білім бөлімінің № 121 орта мектебінің

қазақ тілі мен әдебиеті пәні мұғалімі Еленова Ақмарал Киікбайқызы