Мектепішілік «Тазша бала» сайысы

Күз де келіп, алтын күн нұр себеді,

Табиғат мың құбылып, түрленеді.

Бүгінгі әзіл-қалжың кешімізде

Көрермен мәз боларлық күйге енеді.

Өмірдің тәттілігін білген жақсы,

Тәтті өмірде тәтті жеп жүрген жақсы.

Өмірде асау аттай мінген жақсы,

Бәрін айт та, бірін айт ең бастысы,

Күніне адам құсап күлген жақсы,

Күле берейік! күле берейік!

Армысыздар күлкі кешіне келген қауым!

Бүгін мектебімізде «Тілдер күні» мерекесі қарсаңында оздырылғалы отырған «Тазша бала» сайысына қош келдіңіздер!

Бүгінгі сайысымыз төрт кезеңнен тұрады.

1. Таныстыру. әркім өзіне күлдіргі ат жамылып, өзін таныстырады, яғни сол атағын қорғап шығады.

2. «Сөз сойыл» Белгілі сатириктердің шығармаларын орындау. (О.Әубәкіров, К. Әмірбек, Т.Әлімбек, А.Наймантаев т.б.)

3. «Тазшаға тоғыз өнер де аз» Бұл бөлімде әр қатысушы пародия, пантомима, монолог, этюд т.б ерекше жанрлар бойынша өнер көрсетеді. Ән, би, күй орындауға тыйым салынады.

4. «Мағынасы майысқан мақалдар» Суырған тақырып бойынша 3 минутта мақал-мәтелдерді әзілмен бұрмалап айту.

Ендеше бүгінгі тазшаларымыздың өнерін саралап әділ бағасын беретін әділқазылармен таныс болыңыздар.

1. _____________________________________________________________

2. _____________________________________________________________

3. _____________________________________________________________

Сайыста бап шаба ма, бақ шаба ма?

Күлкі сыйлап жүрейік барша адамға.

Әр түрлі күлдіргі атпен келген бүгін

Кезекті берем енді тазшаларға.

Тазшалар өздерінің таңдаған күлдіргі атын қорғап өздерін таныстырып шығады.

Өмір ғой сыландаған түлкі, белес,

Әншейін күле салған күлкі де емес.

Күресіп бақыт тауып кете аларсың,

Күлкісіз бақ табуың мүмкін емес.

Белгілі сатириктердің шығармаларын оқу

Жігіттер ойын арзан, күлкі қымбат.

Бұл өмір бірде сағым, бірде жұмбақ.

Тазшаға тоғыз өнер аздық етер

Күлейік сахнадан әзіл тыңдап.

Тазшалар өз өнерлерін ортаға салады

Өкініш өртемесін өзектерді,

Әзілдеп нені енді сөз етпеді.

Мағынасы майысқан мақалдарға

Тазшалар әзірмісіз кезек келді.

Таңдап алған тақырып бойынша бір минутта мақал-мәтелдерді әзілмен бұрмалап айту.

Күн күлімдеп күз де келді далаға,

Бір қуаныш бар секілді ауада.

Көңілдерден шуақ шашып, мәз болдық

Бүгін мына барлық тазша балаға.

Тіл туралы

Дос туралы

Ақша туралы

Ата-ана, отбасы туралы

Тәлім тәрбие туралы

Х а б а р л а н д ы р у !

«Тілдер күні» мерекесіне орай 23.09.2017ж мектебімізде «Тазша бала» сайысы оздырылады. Бұл сайысқа

7-11- сынып аралығынан бір-бір үміткер қатысуы тиіс.

«Тазша бала» сайысы төрт кезеңнен тұрады.

1. Таныстыру. Әркім өзіне күлдіргі ат жамылып, өзін таныстырады, яғни сол атағын қорғап шығады.

2. «Сөз сойыл» Белгілі сатириктердің шығармаларын орындау. (О.Әубәкіров, К. Әмірбек, Т.Әлімбек, А.Наймантаев т.б.)

3. «Тазшаға тоғыз өнер де аз» Бұл бөлімде әр қатысушы пародия, пантомима, монолог, этюд т.б ерекше жанрлар бойынша өнер көрсетеді. Ән, би, күй орындауға тыйым салынады.

4. «Мағынасы майысқан мақалдар» Суырған тақырып бойынша 3 минутта мақал-мәтелдерді әзілмен бұрмалап айту.

Қоғамдық-гуманитарлық

пәндер бірлестігі