Тіл - руханияттың бастауы

Тіл – руханияттың бастауы

Тіл – ұлттың жаны, халықтың рухани болмысы мен мәдени мұрасын ұрпақтан ұрпаққа жеткізетін асыл қазына. Әр халықтың тарихы, дүниетанымы, салт-дәстүрі мен құндылықтары ең алдымен оның тілінде сақталады. Сондықтан тіл – руханияттың бастауы әрі ұлттық бірегейліктің басты тірегі.

Қазіргі жаһандану дәуірінде мемлекеттік тілдің мәртебесін арттыру, оны күнделікті өмірде кеңінен қолдану – әр азаматтың жауапкершілігі. Тілді білу тек қарым-қатынас құралы ретінде ғана емес, ұлттық мәдениетті, әдебиетті, тарихты танудың да маңызды жолы болып табылады. Ана тілін құрметтеген адам өз халқының рухани құндылықтарын да қадірлейді.

Мемлекеттік тілді оқыту мен үйрету бағытында жүзеге асырылып жатқан жұмыстардың мақсаты – тілдің қоғамдық қызмет аясын кеңейтіп, оны өмірдің барлық саласында еркін қолдануға жағдай жасау. Бұл бағыттағы жұмыстар қоғамның рухани жаңғыруына, ұлттық сананың нығаюына ықпал етеді.

Ахмет Байтұрсынұлы: «Тілі жоғалған жұрттың өзі де жоғалады», – деген еді. Сондықтан тілді сақтау, дамыту және келер ұрпаққа аманат ету – баршамыздың ортақ міндетіміз. Тіліміз өркендеген сайын руханиятымыз да байып, ұлттық құндылықтарымыздың тұғыры биіктей түсері сөзсіз.

Тіл – руханияттың бастауы ғана емес, елдігіміздің де мәңгілік тұғыры.

Алматы облысы «ТІЛ» оқу-әдістемелік

орталығы Талғар аудандық филиалының

меңгерушісі Г. Мамырбаева.