Тілдер апталығы сценарий

Тілдер апталығының ашылу салтанатына арналған сценарий

Жүргізуші: Армысыздар, құрметті қонақтар мен ұстаздар! «» бірлестігінің «Тіл – достықтың кілті, ынтымақтастықтың бастауы» атты тілдер апталығына қош келдіңіздер!

Жүргізуші: «Бұл дәуірде өз тілін, әдебиетін білмеген, қадірлемеген адам толық мәнді интеллигент емес деуге болады. Себебі, ол қандайлық мамандық білімі болса да, рухани ой тәрбиесінде сыңаржақ азамат болады» деп Мұхтар Әуезов айтқандай, тіл адамзаттың басты құралы ғана емес, мәдени және рухани байлығы. Олай болса, апталықтың ашылуына орай алғашқы сөз кезегі мектеп директоры ________________________________________ беріледі.

Жүргізуші:

Сүйемін туған тілді - анам тілін,

Бесікте жатқанымда-ақ берген білім,

Шыр етіп жерге түскен минутімнен,

Құлағыма сіңірген таныс үнім.

Сол тілмен шешем мені әлдилеген,

Еркелеткен «құлыным», «жаным» деген.

Сол тілменен бірінші білгізілген,

«Ана» деген сүйгендік сөзім менің, - дей келе сахнаға

Шақырамыз.

Жүргізуші: Тіл – адамның адамдық белгісінің зоры, жұмсайтын қаруының бірі. Тілсіз ешқандай қоғамды немесе мемлекетті елестете алмаймыз. Тілдер апталығында оқушылар мен ұстаздардың тілге деген құрметі одан әрі арта бермек деген сенімдеміз.

Жүргізуші:

Қадірлі, бағасы алтын анам тілі,

Сенімен бағаланған балаң түрі.

Төрт бөліп түн ұйқысын жұбатам деп,

Сенімен әлдилеген анам мені

Жүргізуші:

Туған тілім, бабам тілі, өз тілім,

Туған тілім, анам тілі, өз тілім,

Туған тілім, далам тілі, өз тілім,

Туған тілім, анам тілі, өз тілім.

Туған тілде сыры терең жаным бар,

Туған тілім тіл болудан қалса егер,

Жүрегімді суырып-ақ алыңдар.

Жүргізуші:

«Өзге тілдің бәрін біл, өз тіліңді құрметте» демекші тілдер апталығының негізгі мақсаты – жасөспірімдерге әр тілдің атқаратын рөлі мен қызметін тереңнен түсіндіру. Осыған орай апталық бойы өткізетін әр бағдарламаға белсенді қатысуға шақырамыз. Осымен біздің бүгінгі мерекелік шарамыз өз мәресіне жетті. Келесі кездескенше сау-саламатта болыңыздар.