Тәрбие сағаты

Трамвай және басқа көлік түрлерінде жүру

Күні

25.11

Сынып жетекші:

Сынып: 2 А

Қатысушылар саны:

Қатыспағандар саны:

Сабақтың мақсаты:

Оқушыларды трамвайда және басқа көлік түрінде жүру ережесімен таныстыру, оқушылардың жол қауіпсіздігін есте сақтауға, дұрыс жүруге сұрақтар қою, жұмбақ, өлең айту арқылы ойларын дамыту, жол ережесін білуге, сақтауға, тәртіптілікке, тазалыққа тәрбиелеу.

Ресімдеу

Слайд,презентация

Музыкалық және бейне көркемдеу

интерактивті тақта, слайд

Үлестірмелі материалдар

мақал – мәтелдер жазылған плакаттар

Тақырыптық көрмелер мен ақпараттық стендтер

Презентация

Дайындыққа арналған әдебиет

Интернет материалдары

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі (7 мин)

- Сәлеметсіңдер ме балалар!

Бүгінгі тәрбие сағатымызды бастамас бұрын жақсы көңіл-күймен сергіп алайық!

Жол заңы дұрыс жүріп, абай болуды талап етеді. Жол тәртібін бұзба, қатер туғызады. Жолдың қалыпты қозғалысы көбіне балалардың жол бойында қалай болса солай жүріп, доп қуалайтыны, шаңғы тебетіні, жүріп бара жатқан машинаға жабысатыны, қалтарыстан жолға шығып келетін салдарынан бұзылады. Жол тәртібін бұзғандықтан кейбіреулері машина дөңгелегіне ілініп қаза тауып, кейбіреулері

жарақат алады, ал кейбіреулері өмірлік мүгедек болып қалады.

Оқушылар мұғаліммен амандасады,түгенделеді, мектеп партасындағы қатарлары бойынша  орындарына отырады.

презентация

Сабақ басы (13 мин)

Бағдаршам –өмірімізді жазымнан сақтандырып отыратын көмекшіміз оның сырын біліп, тілін алу

баршамызға керек. Оны дұрыс білу үшін мен сендерге жол белгілері туралы ертегі айтып берейін.

Ерте, ерте, ертеде, ешкі жүні келтеде сиқырлы түстер деген жанұяда үш ағайынды түс өмір сүріпті. Олар ылғи кім күшті деп бір-бірімен айтысады екен. Қызыл түс айтады: «Мен күштімін, от сияқты қызылмын. Отсыз адам өмір сүре алмайды», - дейді екен. Сары түс айтады: «Мен күштімін – күн сияқты сарымын. Сенен мен күштімін», - депті. Жасыл түс айтады: «Мен күштімін – шырша сияқты жасылмын», - депті. Үшеуі шешімге келмеген соң сол кезде бағдаршам патша болыпты. Содан ақыл сұрап барады. Сонда бағдаршам патша айтыпты: «Үшеулерің де күштісіңдер, ешкім де жаман емес. Менің уәзірлерім боласыңдар. Менімен бірге патшалық етесіңдер» - депті.

Содан бері жүздеген жыл өтті. Бағдаршам машина, адам жолдан өткенде, жүргенде бағдаршам мен уәзіріне бағынады. Енді біз өз уәзірлермен патшалық еткенде қандай жұмыс атқаратынымен танысайық.

Қызыл түс – тоқта.

Сары түс – дайындал.

Жасыл түс – жүр дегенді білдіреді екен.

Оқушылар бағдаршам жайлы ертегігі тыңдайды

презентация

Ортасы (20 мин)

Көше ережелері туралы тыңдау.

1. Көшеде жүру тәртібін орындамау транспорттың жүріп-тұруына кедергі келтіреді, жұмысшылар жұмысқа, оқушылар сабаққа, басқа да баратын жерлеріне дер кезінде жетпеуі мүмкін.

2. Көшеден өту үшін арнайы белгіленген жермен жүрген дұрыс.

Егер бар болса, жер асты жолын пайдаланған жөн.

3. Мектепке келе жатқанда өзіңе қауіпсіз болатын жолды таңдай біл. Өткел тар болса, қарсы кездескен үлкен кісіге жол бер.

4. Тротуармен келе жатып қақпадан көрінген машинаны байқасаң өткізіп жібер. Көшеде тоқтап тұрған машинаның қасынан абайлап өт, машина есігін ашып қалуы мүмкін.

Жұмбақтар

Көліктің қаншасын жанынан өткізген,

Іргеден басталып, алысқа жеткізген. (Жол)

Шабысқа тәулік бойы төзе алады,

Бір тұлпар, жаңылмайтын жорғасы бар.

Жүк емес жандарға жүз дамың,

Доғасын сымға сүйреп, жолға шығар. (Травмай)

Жоқ өзінде бас та, ауыз да, құлақ та,

Бақырайған үш көзі бар бірақ та. (Бағдаршам)

Екі аяқта, бір ізді,

Үстіне адам мінгізді. (Велосипед)

Ала таяқ ұстаған,

Жол тәртібін нұсқаған.

Өміріңді күзеткен,

Ысқырығы күшті адам. (Жолда жүру инспекторы)

Төрт аяғы дөңгелек,

Адамсыз ол жүрмейді. (Машина)

Сөйлеуді ол білмейді,

Бірақ «тоқта», «жүр» дейді. (Бағдаршам)

Қалада

Сен бір қалаға келдің делік. Ауылға қарағанда мұнда адам да көп, машина да көп. Ал енді сол қала көшелеріндегі лек-лек халық пен ерсілі-қарсылы ағылған машина, автобус, троллейбус, трамвайлар арасынан дұрыс жол тауып өту үшін сен көшеде жүру тәртібінің негізгі ережелерін жатқа білуің керек.

Ол мына ережелер:

1. Екі көшенің қиылысқан әрі «Өтетін жер» деп жазылған түсті, асфальтта сызылған жалпақ ақ жолақтары бар жерде, қарсы алдыңдағы бағдаршамның жасыл шамы жанған кезде ғана көшені кесіп өтуге болады.

2. Жүріп келе жатқан машиналардың алдынан өтіп кетемін деуші болма, ол тоқтағанша, не өтіп кеткенше тоса тұр.

3. Көшеден өтерде әуелі сол жағыңа, көшенің орта тұсына жеткенде оң жағыңа қара. Егер машина келе жатса, өтіп кеткенше сол орныңда, ақ жолақ сызылған тұста күте тұр.

4. Көше қиылыстарында бағдаршамда жасыл шам жанған кезде не болмаса өтіңіздер деген сөз көрінгенде ғана көшені кесіп өтуге болады.

5. Аялдамада тұрғанда автомобиль, автобус, троллейбустың тек ары жағынан айналып өт, сонда сен оның соңынд келе жатқан машинаны дер кезінде көре аласың.

6. Ал трамвайдың тек алдыңғы жағынан ғана өтуге болады. Әйтпесе қарсы келе жатқан трамвайды көре алмай қалуың мүмкін.

Сұрақ-жауап.

1. Өміріңізді қатерден сақтандыратын, көшемізде тұратын көмекшіміз не?

2. Көше қиылыстарынан қалай өтесің?

3. Қанша жасқа дейін велосипедпен жүруге болмайды?

Оқушылар берілген ақпараттарды оқып еске сақтайды

Жұмбақтардың жауабын табады

Оқушылар ережелермен танысып, естерінде сақтайды

Сұрақтарға жауап береді

Презентация

Бейнеролик

Интернет желісі

Нақыл сөздер

Интерактивті тақта

Соңы

Қорытынды

Мен сендерге сенемін, енді сендер көліктің барлық түрлерінде қоғамдық көліктердегі жолаушылардың жүріс-тұрыс ережелерін сақтайсыңдар деп ойлаймын.

Кері байланыс

• Бүгінгі сабақ ұнады ма? Сабақтан алған әсерлерімізді стикерлерге жазып, білім ағашына апарып ілеміз.

Кері байланыс

«3 Қ»

Қызық

Қиын

Құнды

Оқушылар сабақтан алған әсерлерімен «3 Қ» стратегиясы арқылы бөліседі

Сабақтан алған әсерлерімен бөліседі

презентация