Түркістан театрының ерекшелігін білесіз бе?

Түркістан театрының ерекшелігін білесіз бе?

Бүгін де театрға деген қызушылық жастар арасында басым. Оның ішінде мен де бармын. Соған орай, өзім өнерін құрметтейтін «Түркістан» музыкалық драма театрының актері Шерхан Саматұлымен әңгімелестім.

Өнерге деген қызушылық отбасымнан басталған. Себебі отбасымдағы барлық адам өнерден алыс емес. Өзімді кинодан көргім келгендіктер актер болуды шештім. Десе де актер мамандығына түскеннен кейін театрға деген махаббатым басым болып түсіп, театрда қызмет етудемін. Ұстазымның «Кино-бір рет және мәңгіге,театр-бір рет және күнде» деп айтқан сөзі үнемі жадымда. Яғни киноға қалай түстің солай ары қарай кетесің, ал театрда әр қойылым сайын сен өзіңді шыңдап,алға жетелейсің. Жалпы кино саласында психологиялық және мән-мағынасы бар сапалы комедияда бой көрсеткім келеді. Негізінде театрдағы әр рөлімнің өз орны бар. Мен үшін әрқайсысы ыстық. Алайда көрермен тарапынан «Шинель» қойылымдағы рөлім үшін көптеген жақсы пікірлер аламын. Мен де белгілі бір рөлге келгенде қағида жоқ. Ол үшін өзім де қуаныштымын. Әр режиссер өзіндік көзқараспен және көрсеткен этюдтарымызға байланысты рөл береді. Өнер жолында пір тұтатын адамым жоқ. Әйтсе де театрда сахналас болып жүрген өз ісінің мамандарыннан өз бойыма сіңірген жақсы қасиеттері бар. Сахнада өзім үшін жағымсыз жағдайлар болмаған. Сонда да сахнаның аты-сахна. Сол себепті де әрқашан сахнаға шыққанда одан тыс өмірді ұмытып, сол жерге өмірге кіріп кету қажет. Сахна және өнер «талапсыздарды», «мақсатсыздарды», «мінезсіздерді» өзіне қабылдамайтынына өз көзім жетті. Біздің театрда ұсынатын өзім топ 3 қойылым:

1. «Бөрте»

2. «Мағжан»

3. «Келіндер көтерілісі»

«Түркістан» театрының басқа театрдан ерешіклері әртістері мен қойылымдарымен. Театрға алғаш келген көрерменге біздің театр әдемі эмоция, ерекше сезім сыйлай алады.

Шерхан Саматұлына сәттілік тілепғ өз әңгімемді аяқтадым.

Ноғайбай Жанерке

№32 Абай атындағы ЖОББМ түлегі

Шымкент қаласы