Материалдар / Түсінік хат

Түсінік хат

Материал туралы қысқаша түсінік

праноглгнлн

Тұрманбетова Лаура Сайлаубайқызы

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

16 Қырқүйек 2018

5339

3 рет жүктелген

Математика Барлық материалдар Барлық сыныптар

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Түсінік хатМақсаты:– ұлттық және жалпыазаматтық құндылықтар негізінде тұлғаның интеллектуалды дамуының қажетті деңгейін қамтамасыз етуге бағытталған математиканың базистік негізін сапалы игеруді қамтамасыз ету; көрнекі-бейнелі, логикалық және абстрактылы ойлауды қалыптастыру, негізгі орта білім деңгейінде алгебра мен геометрияны игеруге практикалық негіз жасау деп белгіленген.Міндеттері:- тұлғаның зейін, қабылдау, есте сақтау, ойлау, ауызша және жазбаша, сонымен қатар математика тілінде сөйлеу, т.б. функционалдық қасиеттерін дамыту; көрнекі-бейнелі және логикалық ойлауын дамыту;- бастауыш сынып оқушыларының оқу-танымдық қызметін (жоспарлау, жоспар бойынша әртүрлі іс-әрекеттер жасау, оның ішінде ойлау қызметін (талдау, зерттеу, жалпылау, модельдеу және т.б.), өзін-өзі бақылау және өзін-өзі бағалауды жүргізу біліктігін қалыптастыру;- оқытуды білімнің келесі деңгейлерінде жалғастыру үшін оқушыға қажетті математикалық білім мен білікті, есептеу, өлшеу және графиктік дағдыны қалыптастыру; алгебра мен геометрияны игеруге алдын ала мақсатты дайындық жүргізу;- оқуға деген ынтасын, математикаға деген қызығушылығын, танымдық қызығушылығын, өздігінен жұмыс атқару дағдысын қалыптастыру;- стандартты емес және қызықтылық сипаттағы тапсырмалар негізінде жобалау қызметі және өмірлік жағдайлардағы мәселелерді шешу арқылы математикалық және шығармашылық қабілеттерін ашу және дамыту;- баланың тұлғалық қасиеттерін, яғни жауапкершілік, белсенділік, мақсатқа талпынушылық, жауапкершілік тәрізді қасиеттерін тәрбиелеу; Рефлексия және дамуҚазіргі білім беру жүйесінің негізгі мақсаты - бәсекеге қабілетті маман дайындау. Мектеп - үйрететін орта, оның жүрегі -мұғалім. Бүгінгі таңда елімізде білім алуға ерекше мән беріліп, Назарбаев Зияткерлік мектебінің бағдарламасы бойынша мұғалім біліктілігін арттырудың жаңа жүйесі жүзеге асырылып отыр.Осы курстың алғашқы күнінен бастап маған мынадай нақыл сөздер әсер етті: Маған айт – мен ұмытамын,Маған көрсет мен есте сақтаймын,Әрекет етуге мүмкіндік бер, үйренемін, яғни кез-келген адам жағдаятты өз басынан өткергенде ғана осы сөздің мағынасын түсініп, өзінің бойына сіңіреді деп ойлаймын. Осы дана сөз менің бойымнан да орын алды. Осы тұста «Шульманның үш көмекшісі» де көмекке келді деп ойлаймын. Бас, қол, жүрек. Осы аталған қасиеттерді мұғалім бойына қалыптастырған жағдайда ғана оқыту табысты болып табылады. Осы ұстанымдарды негізге ала отырып, оқушыларымды да жаңа бағдарламаға баули бастадым. Әуелі бірінші бетпе-бетте біз өзімізді оқушы ретінде сезіндік. Бұл сезімнің өзі де ерекше екен. Біздің тренеріміз көп нәрсені үйретті. Ол бізге мұғалімнің алдына қоятын мақсат оқушының жан дүниесін жақсы түсінумен қатар, сабақ өткізу барысында неше түрлі әдіс-тәсілдермен қатар, жалпы мұғалім ретінде ұстанымдарымен үлгі болды. Білім нәрімен сусындатты. Жаңа бағдарламаның тұңғиығына шомылдық. Келген сәттегі қорқынышымыз басылып, ерекше қарқынмен мектепке аттандық. Бірінші бетпе-бет аяқталғаннан кейін, екінші тәжірибе кезеңіне барып, көрген-білгенімнің бәрін ісіммен дәлелдемекші болып, қызу қарқынмен тәжірибеге кірісіп, іс жүзінде көрсете бастадым. Келе көрсеттім дегенім артықтау, әрине, себебі мектепке келген бойда бірден бастап кету қиындық туғызды, яғни көшбасшылық қасиет адам бойында бірден қалыптаса қоюы қиындау екен. Дегенмен көз қорқақ, қол батыр демекші, қорқынышты жеңіп, білекті сыбана кірісіп кеттім. Тәжірибе кезеңінің бірінші аптасында әріптестеріммен, мектеп басшылығымен ақылдастым. Менің мектебімде де осы жаңа бағдарлама бойынша оқып келген көшбасшы мұғалімдер саны жетерлік. Олар бұдан бұрын да бізді қызықтырып, коучингке шақырып, жаңаша әдіс-тәсілдерді көрсетіп, тәжірибе алмасып отыратын. Осы бағдарламаның қыр-сыры туралы бірге талқылағаннан кейін, біздің жаңашыл оқуымызға қызығушылық танытқан мұғалімдер көп болды, әсіресе жас мамандар, әр түрлі сұрақтар қойып, ерекше қызығушылық танытты. Осылай курсты оқу барысында менің іс-тәжірибемде көптеген өзгерістер пайда болды. Орта мерзімді жоспардан бастап, қысқа мерзімді жоспарым да түбегейлі өзгеріске ұшырады. Тіпті өмірге деген көзқарасым да өзгерді десем артық айтпаған болар едім, себебі кез-келген жағдайды сыни тұрғыдан ойлап оқиғаның жай-жапсарын басқаша көзқараста ойлап, бағдарлай бастадым. Дайын білім беруге негізделген «дәстүрлі» стиль арқылы алынған білім оқушылардың жинақтаған өзге білімдерімен тиімді, терең сіңісе алмайды, сондықтан механикалық есте сақтау, үстірт білім алу жағдайлары орын алады. Дәстүрлі оқытудан алған механикалық білім есте сақталған мәліметтерді емтихан кезінде ұтымды пайдалануға болады, бірақ мән-мағынасы терең меңгерілмей, жай ғана жатталғандықтан, тақырыпты оқыту немесе емтихан аяқталған соң керексіз болып, сол сәтте ұмытылады және оқушы оны өмірде тиімді пайдалана алмайды.Мұғалім жұмысындағы ең мәнді дүние – кейбір оқушылардың сабақты қабылдау ерекшеліктерін, оқушылардың түсінігін жетілдіру немес жақсарту мақсатында олармен жұмыс жүргізу қажеттігін ұғынуы, сондай-ақ кейбір тақырыпты оқушылардың өзіне ыңғайлы арнайы тәсілдермен меңгеретіндігін жете түсінуі.Бұрынғы дәстүрлі сабақта мен сатылай кешенді талдау, ойын элементтерін, блоктап оқыту, топқа бөлу, жұптасып жұмыс жасау, сыни тұрғыдан ойлау технологиясының кейбір элементтерін атын білмесем де қолданатын едім. Сабақты өзім түсіндіріп, оқушыларды өзім бағалайтынмын. Және де сабақты өзім қорытындылайтынмын, бекітетінмін. Қазір сабағым мүлде өзгерді. Тек қана сабағым да емес, алдымда отырған оқушыларым да өзгерді. Алдымен оқушыларды топқа бөлдім. Негізі топқа бөлуді бұрын көп ұната бермейтінмін, жаңартылған бағдарламаны оқып бертін келе жұптасып отыру, шағын топ құрудың маңызы зор екенін түсіне бастадым. Оқушы өзі ғана алған білімін біліп қана қоймай, басқаға үйретуді ұнатады екен. Сабақта қолданылатын әртүрлі әдіс-тәсілдер оқушының пәнге деген қызығушылығын арттырды, өзара сұрақ қоюға дағдыланды, бір-бірін тыңдау, яғни сыйластық, ынтымақтастық орнады. Сабақты бекіту сұрақтарын да өздері қоя алатындай деңгейге жетті. Бұл жерде кітаппен жұмыс үлкен роль атқарды. Сабақтан кейінгі кері байланыс барысында оқушылар өздерінің ойларымен бөлісті. Оқушылармен пікір алмасып, олармен құрбыңдай тең сөйлесу маған бұрын да қызықты болатын. «Оқушы үні» әдісін қолданғанымда анықтағаным оқушылар өздерімен санасып, пікірлерін есепке алғанымызда қатты қуанатындықтарын айтты, сонымен бірге оқуды жақсарту үшін барын салып құлшына кірісетіндіктерін хабарлады. Бұл қарым-қатынас оқушының өзін-өзі реттеуіне көп әсерін тигізетінін көрсетті. Осылай оқушының үнін тыңдау күнделікті дағдыға айналды. Үнемі осындай әрекет үстінде бола жүре келесі сабағыма дайындалу оңайырақ бола түсті. Өзім сабақ беретін 5 «А» сыныбында тәжірибелік сабақтарымды бастадым. Осы сыныптың оқушыларының жас ерекшеліктеріне сай, жеті модульдің элементтерін енгізе отырып, орта мерзімді жоспарымды жүзеге асыруға кірістім. Орта мерзімді жоспарымды жүзеге асыру барысында мына тақырыптарды қамтыдым:

Жай бөлшектерді қосу

Жай бөлшектерді азайту

Жай бөлшектерді көбейту

Жай бөлшекті натурал санға көбейту

Жалпы мұғалім сабағында жеті модульді қарастырады, алайда оның негізгі мақсаты өзі қажетті деп есептеген, өзіне ұнаған, өз сабағында тиімді екі-үш модульге ғана бағытталады, себебі барлық аталған жеті модульді бір сабақтың үстінде қолдану баланың да, сабақтың да берекетін алары сөзсіз. Білім берудегі жаңа тәсілдер: диалог, топтық жұмыс, зерттеушілік әңгіме, оқытуды басқару және көшбасшылық, сыни тұрғыдан ойлау, АКТ, талантты және дарынды балаларды оқыту, жас ерекшеліктеріне қарай оқыту, оқыту және оқу үшін бағалау (қалыптастырушы және жиынтық бағалау). Осы модульдерді ескере отырып, сабақтарымның мақсаттарын нақтыладым. Әр түрлі стратегияларды таңдай отырып осы бір сабағымды ашып айтпақшы болып отырмын. Тақырыбы: «Жай бөлшектерді көбейту» деп аталады.Осы сабағымды өткізбес бұрын оқушылардың сын тұрғысынан ойлауды және белсенді даму болып табылатын сабақ құрылымын таңдап алдым. Сын тұрғысынан ойлау дағдыларын қалыптастырумен қатар оқушы өзінің пайымдауын тәжірибелік жағынан пайдалануға дайын болуы тиіс деп ойлаймын. Сын тұрғысынан ойлау – өз ойын бағалау ниетінің болуы және оны істей білу, ол кез-келген субьект үшін қалыпты болып табылатын шыншыл, ашық, дәйекті, талдау жасауға қабілетті, білімқұмар, өзі мен өзгенің пікіріне сеніммен қарайтын және шешім қабылдауда парасатты ниетін дамытуды көздейді екен. Сондықтан осы сабағымда сыни тұрғыдан ойлау жобасының «Джигсо» әдісі арқылы оқушы өзіне, әр оқушы өзіне «бұл туралы не білемін», «осы сабақтан не біліп шығамын», «қандай сұрақтар шешілмей қалды» деп баға берудің маңызды екенін түсінді. Алдымен оқушыларды 4 топқа бөліп, оларға бұрыш түрлеріне қарай «Дұрыс бөлшек», «Бұрыс бөлшек», «Аралас сан», «Аликвоттық бөлшек» атауларын бердім. Алдымен қызығушылықты ояту үшін «Сиқырлы сандық» бухтасы әдісін пайдаланып, топқа бөліп алдым. Психологиялық ахуал туғызу үшін тақтаға аралас сан, бұрыс бөлшек, дұрыс бөлшек жазылған, сол сандар бойынша орнынан тұру, отыру, қолдарын көтерусияқты қимылдар болды. Ойыннан соң оқушыларға өткен сабақтан сұрақтар қою:

Оқушылар сендер өткен сабақтарда жай бөлшектерге қандай амалдарды қолдануды үйрендіндер?(қосу және азайту)

Тағы қандай амалдарды білесіндер?(көбейту, бөлу)

ДЖИГСО әдісі бойынша тақырыптық сұрақтарға жауап алу

Жай бөлшектерді қалай көбейтеді?

Жай бөлшекті натурал санға қалай көбейтеді?

Джигсо әдісін қолданған кезде мақсатты жақсы көрсетті, өйткені кез-келген оқушы өзінің алғашқы білгендеріне оралып сұрақтарға жақсы жауап беріп отырды. (Жеке, топ, жұп жұмыс істеді). Оқушылардың өздері бір математикалық тұжырым айту үшін, оларды негіздеп, дәлелдеп отыруына мүмкіндік туғыздым. Микрофон тастау арқылы әуелі бір оқушы, сосын жұбымен, кейін өзара топ болып талқылау барысында мәтіннің шетіне нүкте қойылды. Тақырып толық топ мүшелеріне түсінікті болған соң оқулықпен жұмыс жасауларын сұрадым. Бұл жерде де есептер топ мүшелеріне ыңғайластырылып берілді. Деңгейлік тапсырмалар кезінде де оқушылар тақырыпты толық жақсы меңгергендіктерін көрсете алды. Бұл орайда топ басшысы топ мүшелерін бағалауды жүргізіп отырды. Алғашқы уақытта қиын болғанмен, бертін келе бір-бірін бағалауды, өз-өздерін бағалауды үйрене бастады. Сабақ соңында кері байланыс жасау мақсатында «Табыс ағашын» пайдаландым. Оқушылар сабақтан алған әсерлерін стикерлерге жазып, табыс ағашына жапсырды. Ағымдағы ғасыр адамзат баласының алдына шешімі күрделі әрі іргелі мәселелерді қойып отыр. Әлем жахандану дәуіріне қадам басумен бірге, әлем елдері өздерінің білім беру жүйесін өзгерту үстінде. Олай болса, біз де өзгеруіміз керек. Бағалау үшін әр топқа кері байланыс үрдісі бойынша бағалау парақшасын тараттым. Бұл жерде әр топтан бір мұғалім өздерінің тобының мүшелерін бағалады. Бағалау нақты, әрі адал жүрді деп толық айта аламын. Кері байланыс ретінде «не түйдім», «не түсіндім», «не ұқтым» деген жазуы бар стикерлерге мұғалімдерге өз ойларын жазуды өтіндім. Коучингке қатысушы мұғалімдер рахметін айтып тарасты. Кездескен кедергі тапсырманың көлемділігі болды.Тәлім алушы ретінде өзім жасап отырған мектептің жұмыс тәжірибесін биылғы оқу жылынан бастаған математика пәнінің мұғалімі С. есімді әріптесімді таңдап алдым. Жаны жаңалыққа құмар, жастайынан өз мамандығын сүйетін, аз ғана уақыт болса да, сабақты түрлендіріп өткізу үшін неше түрлі әдіс-тәсілдерді пайдаланатын мұғалім. Сондықтан тәліп ретінде осы мұғаліммен өз жұмысымды тәлім алушы ретінде жалғастыруды жөн көрдім. Осы орайда тәлім алушы екеуміз сұхбаттасып ортақ шешімге келіп бұдан әрі қарай не істейтінімізді жоспарладық. Ең әуелі тәліптің тізбектелген сабақтар топтамасын жаңа қысқа мерзімді жоспар бойынша әзірлеуге көмектестім. Оған жоспарланған сабақтардың мақсатын айқындап алуға және күтілетін нәтиженің қандай, әрі маңызды, әрі нақты болу керек екендігін ескерттім. Оған үнемі қолдау көрсетіп отыруды өзіме мақсат еттім. Ең алдымен тәліпке топқа бөлудің түрлерін үйреттім, топқа бөлу барысында бірыңғай жақсы оқитындар бірге кетпеуін, ұл-қыз болып бөлінбеуін, жұппен, топпен жұмыс жасаудың тиімді екенін түсіндірдім. Ол үшін өзімнің сабағыма қатыстырдым, басқа да жаңа тәсілдермен жұмыс жасап жүрген мұғалімдердің сабағына қатысу туралы ұсыныстар бердім және үнемі өзім сабақтарына қатысып, өз назарымда ұстадым. Өзі дәріс беретін 5 сынып оқушыларына топқа бөлу қиындық туғызбайтынын айтты. Дегенмен тәжірибе соңында тоғызыншы сынып оқушыларының да жаңаша әдіс-тәсілдерге қызығушылық танытып, сабаққа деген белсенділігінің, қызығушылықтарының артқандарын байқадық. Орта және қысқа мерзімді жоспарлауды түсіндіріп, сабақтарын үнемі осылайша жоспарлап үйренуді талап еттім. Сабаққа 7 модульдің кем дегенде екі-үшеуін әр сабақта қолдана алатындай жоспарладық. Соның нәтижесінде тәліп өз сабақтарында аталған модульдерді еркін қолдана алатындай деңгейге жетті. Әдіс-тәсілдердің ішінде микрофон әдісін, жеті қалпақ әдісін, джиксо әдісін, банкадағы сөздер қоры әдісін, іс-қимылмен топқа бөлу әдісін, сергіту әдісі ретінде де көптеген тәсілдерді өз сабағында еркін қолдана алды. Микрофон әдісі өз ойын еркін жеткізе алмайтын және сабаққа құлықсыз отыратын оқушыға таптырмас тәсіл екен деп құптады. Сабақтарын өткізіп болған соң тәліппен жеке кәсіби әңгіме жүргіздім. Алғашқы сабақтарында әрине қиыншылықтар кездесті, бірақ соған мойымай, одан әрі шыңдалып, осындай жаңашыл үрдіске төселе беруіне кеңес бердім. Мен өз тәлібімнің бойынан көптеген өзгерістерді байқадым, бірінші кәсіби өсуі болды, себебі бұл мұғалім өзгеріске құмар, екіншіден кез-келген мұғалім оқушылар тарапынан сүйіспеншілікке ие болғысы келеді. Сабақ соңында мұғалім столының жанында, тақта жанында шүпірлеп жүрген оқушыларды көргенде жүргізілген сабақтың сәтті, қызықты өткенін түсінуге болады. Тәлім алушымды үйретемін деп жүріп өзім де үнемі ізденіс үстінде болдым, себебі ол менен күнде әртүрлі тәсілдерді көрсем, үйренсем деген оймен келеді. Тәлім алушым пән мұғалімдер олимпиадасына қатысып, алғашқы кезең қандай да бір тақырыпқа қысқа мерзімді жоспар жасау барысында да, келесі кезеңде өткізетін сабағында да жоспар жасаудан ешқандай қиыншылық көрмегенін айтып, рахметін айтқан кезде төбем көкке бір елі жетпегендей әсерде болдым. Қуанышты жай осы сайыста үшінші орынды иеленді. Тәлімгер ретінде кішкене болса да менің де қосқан үлесім бар деп мақтанышпен айта аламын. Дегенмен де тәлім алушыммен сұхбаттасу барысында «Мен әлі де болса өзімнің бұрынғы дәстүрлі сабақтарымнан арыла алмай жүрмін. Себебі өзім түсіндірмесем жаңа тақырыпты бала толық аша алмай, сәтсіз аяқталып, білім сапасы төмендеп кете ме деп қорқатынын, өйткені оқушының бәрі бірдей емес, олардың арасында жауапкершілігі аз оқушылар да бар, қабылдау қабілеті жоғары және төмен оқушылар бар, сондықтан да бұл жұмысты бірден емес, біртіндеп енгізетін боламын» деп жауап қатты. Жас болса да жаңалыққа жаны жаңалыққа құмар жас маманның бұл сөзіне көшбасшы мұғалім ретінде мен еш өкпе-реніш танытпадым, себебі ол әлі жас, қаласа да, қаламаса да қазіргі жаңа білім ағымы оны еріксіз жетелеп кететініне кәміл сенемін. Сондықтан оның бұл жауабына түсіністікпен қарадым. Сәтсіз болған тұсы: тәліп жас маман ретінде мектеп бұйрығымен әртүрлі шараларға кетіп қалып, жоспарланған сабақтар уақытымен болмай, жоспарды жүзеге асыру қиын болды, дегенмен жоспарланған сабақтар өз мақсатына жетті деп толық айта аламын. Тәлібіме қайтпас қанат, таусылмайтын білім тілеймін.Оқытудың жаңаша әдіс-тәсілдері бағдарламаның жеті модулін іс-тәжәрибемде қолдану арқылы оның артықшылықтарына көз жеткіздім, олар ыңғайлы, әрі тиімді. Мектебімде құрылған «Жаңашыл мұғалім» қоғамдастық жоспарына қосымша сабақта диалогтік оқытудың тиімділігін арттыруда, осы мәселені шешу үшін және оны тиімді пайдалану үшін жоспар ұсындым. Бұл қоғамдастықтың негізгі мақсаты: диалогтік оқытуды іс-тәжірибеге енгізе отырып сапалы білім жүйесін дамытуға арналған оқу әлемін ұйымдастыру және тәжірибе бөлісу мен алмасуға бағытталған орта құру. Осы әдіс-тәсілдің және басқа да жеті модульді оқып, үйрену нәтижесінде әріптестерім кәсіби қоғамдастық ұғымын түсінді, оқушының мотивациясын арттыру үшін диалогтік оқытуды іс-тәжірибеге қолдана отырып, оқыту үшін жаңа тың идеяларды ұсынды. Тарих, әдебиет, биология пәндерінде диалогтық әдіс тиімді деген ойлар да айтылды. Ең бірінші қоғамдастықтың бірлестік отырысын ұйымдастырдым. Онда мұғалімдерді «Педагогикалық қоғамдастықтағы көшбасшылығы» бағдарламасының идеясымен таныстырып өттім. Осы түсіндіруден ұғынған мұғалімдердің бірқатары жеті модульді, яғни сыни тұргысынан ойлау, дарынды және талантты баланы анықтау, жас ерекшеліктеріне қарай оқыту, оқыту мен оқуды бағалау, т.б педагогикалық қуатты құралдарды пайдалану арқылы өзінің оқыту мен оқу тәжірибесіне жаңа әдіс-тәсілдерді енгізіп, әріптестерінің кәсіби дамуына ықпал ету мақсатында коучинг өткізді, әріптестерінің бірін тәлім алушы ретінде алып, мұғалімдердің озық тәжірибесімен бөлісті, әрине арасында менімен де ақылдасып өздерінің жоспарларын, пайдаланбақшы болып отырған жаңаша әдіс-тәсілдерінің дұрыс және бұрыстығын пікірлесіп, талқылап отырды. Алдыңғы айтылғандарды негізге ала отырып, қажеттіліктерін анықтау мақсатында әдістемелік бірлестік мұғалімдерінен сауалнама алып, әрқайсысымен сұхбаттастым. Сабақтарда диалогтық оқытудың тиімділігі және оны сабақ барысында дамытуға, жұмыс жасауға ұсыныс жасадым. Себебі, математика және өзге сабақтарда да оқушылардың сөйлеуі, пікір алмасып өз ойларын еркін айтуы, мәтін есептерді түсінуі, бір-біріне түсіндіруі, «тіл – сөйлеу құралы демекші», тіл арқылы қарым-қатынас жасай алуы маңызды болып табылады. Пікірлесу, сұхбаттасу барысында әңгімелесу дағдыларын жетілдіру арқылы инклюзивтілікке қол жеткізуге болады. Оқушылар өздерінің құрдастарымен, сарапшылармен диалог жүргізу барысында тәжірибе жинақтап және ой әрекетінің жоғары деңгейіне көтерілуге талпына отырып, баламалы мүмкіндіктер туралы сын тұрғысынан ойлап, зерттеу жүргізуге қабілетті бола түседі. Оқушымен пікірлесу барысында дарынды және талантты оқушыны да тани алуға болады, жас ерекшеліктеріне қарай әр түрлі деңгейдегі сараланған тапсырмаларды да беруге болады. Табыс критерииі: Сабақта ашық, өткір, ашық және жабық сұрақтар қоя алады, мұғалімдер сабақтарында диалог арқылы өздерінің көздеген мақсаттарына жете алады. Қоғам тұлғаны қаншалықты жетілдірсе де, жетілген тұлға қоғамды соншалықты дәрежеде дамытады. Сондықтан қоғам дамуына білім беру ең маңызды мәселе болып табылады. «келер ұрпақ алдында зор жауапкершілік жүгін арқалап келеміз», деген Елбасы Нұрсұлтан Әбішұлы Назараев бүгінде мұғалімдер алдында үлкен жауапкершілік міндет жүктеді. Нағыз мұғалім, міне, осы. Өйткені, әрбір мемлекеттің өсіп өркендеуінің, бәсекеге қабілетті болуының ең басты ошағы – ұстаз берген білімде. Мектеп қабырғасында берген білім тайға таңба басқандай демекші, бұндай білім оқушыларға басқа еш жерде берілмейді. Сондықтан ұстаз қауымы әр сабағын үлкен жауапкершілікпен, көрнекіліктермен, бала есінде қалатындай құнды материалдармен дәлел ретінде көрсетсе білім қашан да нәтижелі болары даусыз. Жаңашылдыққа ұмтылу бұл өте жақсы құбылыс, егер бұл нәтижеге қол жеткізетін іс болса, онда тіпті керемет емес пе? Есебімді елбасының мына сөзімен қорытындылағым келеді: «Біз бойымыздағы озығымыздан үйреніп, тозығымыздан жирене білсек қана өркениетті мемлекет, еңселі ел боламыз».

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!