Астана қаласы

№34 «Ақ бидай» балабақшасы

Тәрбиеші: Ізбасар Мәдина

Құрманғалиқызы

Білім беру саласы: Қатынас

Бөлімі: Сауат ашу

Тақырыбы: «Ү»дыбысымен таныстыру

Мақсаты:Смарт мақсат: Өткен дыбыстарды тану мен дыбыстау. Балаларға «Ү» дыбысын таныстыру,оның сөздегі орнын,таңбаланып жазылуын таныстыру.Сөздерді буынға бөлу,дыбыстық талдау жасау. «Ү» дыбысы бар сөзден сөйлемдер құрау.

Күтілетін нәтиже:»Ү»дыбысын біледі,таңбалайды,атайды. Сөздерді буынға бөледі,сөйлемдегі сөздердің санын анықтайды.Үш-төрт сөзден сөйлем құрайды.

Билингвальді компонент: үй-дом,үйрек-утка,күн-солнце

Ресурстар: Тақырыпқа сай суреттер,үлестірмелі материалдар.

ҰОҚ барысы:

I-кезең: Ұйымдастырушылық-қозғаушылық:Шаттық шеңбері.

Тәрбиеші:

Ал балалар, сендерді шаттық шеңберіне шақырамын.

Мейірімді жүрекпен,

Ақ пейілді тілекпен.

Амандасып алайық,

Бір жадырап қалайық.

Қане досым қолды соз,

Жылуыма жылу қос!

II-кезең:Ұйымдастыру-ізденіс

Тыныс алу-артикуляциялық жаттығу «Үйшік» Аяқты алшақ қойып,қолды жоғары көтеріп үшбұрыш жасап,терең дем алып,қолды түсіреміз.

Ойын : «Сыйқырлы доп»

Допты балаларға бере отырып сұрақ қою.

Сауат ашу бізге нені үйретеді?

2.Дыбысты не істейміз?

3.Әріптің дыбыстан айырмашылығы?

4.Қазақ әліпбиінде неше әріп бар?

5.Тілдік дыбыс нешеге бөлінеді?

6.Сөздер неден құралады?

7.Сөйлем неден құралады?

Тәрбиеші: Балалар,мына себеттегі көктем гүлдерін таңдай отырып,орнымызға отырайық.Балаларды үш топқа бөлемін.

4К-моделі арқылы оқу іс-әрекетін жүргізу.

Жұмбақ: Күнде бар,айда жоқ.

Күйде бар,әнде жоқ. (Ү-дыбысы)

ІК-Коммуникациялық ойлау:Тәрбиеші өлең шумақтарын оқиды

Үстел берсең кіргенде,

Үлкен кісі есіктен.

Үлгілі екен демей ме,

Үйренген ғой бесіктен.

Балалар,өлең шумақтарында бірінші қандай дыбысты естідік.

«Ү дыбысы-жіңішке дауысты дыбыс. Дыбыстың баспа,жазбаша таңбаларын көрсету. «Ү» дыбысы сөздің басында,ортасында кездеседі.

ІІК-Топтық тапсырма:

1-топ: Суреттен сөйлем құрау;

2-топ: Сөзге дыбыстық талдау жасау;

3-топ: «Ү» дыбысы бар заттарды тауып,атау.

ІІІК-Сыни ойлау тапсырмасы: «Жоғалған буынды тап»

Үт-?; Тү-?; Үй-?; Бүр-? Кү-?

Сергіту сәті. «Көңілді дыбыс таңбасы»

Әуенмен жаттығулар жасайды,музыка тоқтағанда жерден дыбыс таңбаларын алып,дауысты дыбыс қызыл,дауыссыз дыбыс көк үйшікке орналасады.Дыбыстарды талдайды.

Жаңылтпаш: (тасбақа,ұшақ суреттерін көрсетіп,ақырын,тез айтқызу)

Үйір-үйір үйректі,

Үйге кім үйретті?

Үйір-үйір үйректі,

Үйге өзім үйреттім.

Билингвальді компонент: үй-дом,үйрек-утка,күн-солнце

ІVК-Креативті ойлау тапсырмасы:

Ойын: «Сөз ойла,тез ойла» Жалаушаны бере отырып, «Ү»дыбысы бар сөздерді атайды.Аталған екі сөзге дыбыстық талдау жасайды.

III-кезең: рефлексиялық-түзетушілік.

Қорытынды:

-Балалар,біз бүгін қандай дыбыспен таныстық?

-Ү дыбысын қандай текшелермен белгілейміз?

-Кімге не қиын болды?

-Балалар,бүгінгі оқу іс-әрекетінде,біз бағдаршам арқылы өз-өзімізді бағалаймыз. Қызыл түс-толық түсіндім,сары түс-жартылай түсіндім, жасыл түс-түсінбедім.

-Балалар, «Ү»дыбысы сендерге сыйлық алып келіпті,сендер мектепке баруға дайын болғандарың үшін,мектеп сөмкесі мен оқу құралдарын сыйлайды.

№34 «Ақ бидай» балабақшасы МҚКҚ

Ашық ұйымдастырылған оқу қызметі

Тақырыбы: «Ү» дыбысымен танысу

№6 «Балдырған» мектепалды даярлық тобы

Тәрбиеші: Ізбасар М.Қ

Нұр-Сұтан-2022ж

Жұмбақ

Түн де бар,айда жоқ.

Күйде бар,әнде жоқ.

Тәрбиеші өлең шумақтарын оқиды

Үстел берсең кіргенде,

Үлкен кісі есіктен.

Үлгілі екен демей ме,

Үйренген ғой бесіктен.

ІІК-Топтық тапсырма:

ІІІК-Сыни ойлау тапсырмасы: «Жоғалған буынды тап»

Сергіту сәті. «Көңілді дыбыс таңбасы»

Жаңылтпаш: (тасбақа,ұшақ суреттерін көрсетіп,ақырын,тез айтқызу)

Билингвальді компонент: үй-дом,үйрек-утка,күн-солнце

ІVК-Креативті ойлау тапсырмасы: «Сөз ойла,тез ойла» Жалаушамен

Түлкі,күшік –дыбыстық талдау.

Қортынды. Мадақтау