қарапайым математикалық ұғымдарды қалыптастыру.

Тақырыбы: Цирк.

Мақсаты: - бөлме ішіндегі заттардың орналасуын түсіндіру арқылы кеңістікті бағдарлауды жалғастыру; - ұқыптылыққа тәрбиелеу; - танымдық қызығушылықтарын арттыру.

Билингвальды компонент: маймыл – обезьяна, сайқымазақ – клоун, орындық – стул, арыстан – лев.

Қажетті құралдар: аренаның суреті, маймылдардың суреті, сайқымазақ суреті, арыстанның суреті, жаттықтырушының суреті.

Сабақтың барысы:

Тәрбиеші: Балалар ойын ойнағылырың келе ме?

Балалар: Ия.

Тәрбиеші: Ендеше тақтаға назар аударайық. Геометриялық пішіндерді тауып, орнына орналастыруымыз керек. Балалар қанекей тақтаға кім келеді? Анель мынау қандай пішін, түсі қандай?

Анель: Дөңгелек, түсі көк.

Тәрбиеші: Дұрыс жарайсың. Балалар қараңдаршы менің қолымдагы неге ұқсайды? Кім біледі?

Балалар: Дөңгелек.

Тәрбиеші: Дұрыс айтасыңдар балалар. Менің қолымдағы диск. Балалар бұл дискні кім тастап кетті екен? Сендер білмейсіңдер ме?

Балалар: Жоқ.

Тәрбиеші: Ендеше бұл дискінін ішінде не бар екенін білу үшін қосып, тыңдап көрейік. Ол үшін бәріміз экранға назар аударайық.

Сайқымазақ: Сәлеметсіңдер ме балалар! Мен циркте ойнайтын сайқымазақпын! Жақында цирк болады. Соған дайындалып жатқанда циркте қолданатын заттар сынып қалды. Соны жасап көмектесесіңдер ма? Егер көмектессеңіздер сендерге арналған тосын сыйым бар.

Тәрбиеші: Балалар сайқымазаққа көмектесеміз ба?

Балалар: Ия.

Тәрбиеші: Ендеше мен тақтаға цирктін суретін ілемін. Балалар тақтаға назар аударайық.

Үлгі суретпен жұмыс.

• Балалар ненің суретін көріп тұрмыз?

• Балалар қандай аңдарды көріп тұрмыз?

• Балалар циркке барып көрдік пе?

• Суретте тағы нені көріп тұрмыз?

Балалардың жауаптарын толықтырады.

1-тапсырма:

«Арена» ойыны

Тақтаға цирктін суретін ілініп тұрады. Балалар цирктін ішіндегі аңдарды, сайқымазақты, жаттықтырушыны санап шығуы керек.

Сурет бойынша сұрақтар қойады:

• Аренада қанша сайқымазақ бар?

• Аңдарды жаттықтырушының саны қанша?

Тәрбиеші: Жарайсыңдар балалар, өте жақсы. Келесі тапсырмамызға көшейік.

2-тапсырма:

«Аңдарды орнына орналастыру» дидактикалық ойыны.

Тақтаға аңдар орналасқан цирктін суреті ілініп тұрады. Келесі тақтада бос аренаның суреті ілініп тұрады. Балалар кезекпен келіп, аңдарды үлгі сурет бойынша орнына орналастырып қойып шығады.

Тәрбиеші: Дұрыс балалар. Келесі тапсырмаға көшейік. Балалар қанекей бәріміз орнымыздан тұрып бір серігіп алайық. Ол үшін бәріміз экранға назар аударайық.

3-тапсырма:

Сергіту сәті.

«Көңілді аңдар».

Тәрбиеші: Жарайсыңдар балалар, орнымызға жайғасайық.

4-тапсырма:

Ұжымдық жұмыс.

Топқа аңдар өтетін кедергілер жасау. Үлгі суретпен жұмыс жасайды.

Керекті құралдар: ағаштар, жіп, дөңгелектер, арқан.

Тәрбиеші: Жарайсыңдар балалр. Өте жақсы, біздің жасаған кедергілеріміз сайқымазаққа унайды деген үміттемін. Енді біз оған өзіміздің жұмыстарымызды беріп жіберуіміз керек. Енді мен сендерге сайқымазақтың беріп жіберген тосын сыйын көрсетейін, ол циркке шақыру билеті. Мен соларды таратып беремін.

Сұрақтар:

• Балалар біз бүгін кімге көмектестік?

• Сайқымызықтың берген тапсырмалары сендерге ұнады ма?

• Қандай кедергілерді жасадық?

• Циркке барғыларың келе ма?

Күтілетін нәтиже:

Нені білу керек: заттардың орналасуын түсіну арқылы кеңістікті бағдарлап, «оң, сол, үстінде, астында» сөздерінің мағыналарын түсінуді.

Нені игеру керек: орналасу реттілігін сақтап заттарды бір қатарға, солдан оңға қарай орналастыруды.

Нені меңгереді: бөлме ішіндегі заттардың орналасуын түсіну арқылы кеңістікті бағдарлауды.

«Болашақ бөбекжайы» МКҚК

Білім беру саласы: Таным

Ұйымдастырылған оқу іс-әрекеті: Қарапайым математикалық ұғымдарды қалыптастыру

Сабақтың тақырыбы: «Цирк

Өткізген: Тасболатова Мөлдір

қаңтар айы, 2017 жыл.