«Ұжымдық .Достық. Әріптестік»

«Ұжымдық .Достық. Әріптестік»

Жаттығудың мақсаты: Педагогтардың ұжымдық сыйластық, бір –біріне сенім арту, бірлесіп жұмыс жасауға баулу, көңіл –күйлерін көтеру.

Жұмыс түрі: Топтық жұмыс

Қажетті құралдар: Түрлі – түсті қағаздар, бояулар, қиынды гүлдер, сұрақтар жазылған карточкалар.

Жүру барысы: а) Сергіту жаттығуы ә) Топқа бөліну б) Ой жинақтау

в) «Мен және менің айналамдағылар» сурет салу ғ) Күн шуағы (рефлексия)

Жаттығу ережесі:

а) Өз ойын ашық айту

ә) Өзгелердің пікірін құрметтеу

б) Белсенді әрекет ету

в) Шынайлылық

г) Топтасып жұмыс жасау

Барысы: Амандасу рәсімі.

Кіріспе сөз: Адамдардың әлеуметтік қауымдастығының ең жоғарғы формасы ұжым.Ұжым – ол қоғамға пайдалы қызметте ортақ мақсатқа жұмыла еңбек ететін және психологиялық тұрғыда топтасқан адамдар тобы. Ұжымның белгілерін А.С.Макаренко анық та толық айтып берді. Ұжым дегеніміз - жеке адамдардың өз алдарына қойған мақсат қоя ұйымдасқан ұжымдық органдары бар комплексі. Достық – адамдарды бір –біріне туғандай бауыр етіп, жақын ететін, араларын кіршіксіз таза етіп байланыстыратын ізгілікті қарым – қатынас. Достық сезімі адамдардың бойында жаратылғаннан бар. Қандай болмасын адамның өз сырын айта алатын, дертін сөйлей алатын, жарылып шынын жасырмайтын, еш нәрсесін бүкпелемейтін адамдар болады.

1. Топқа бөліну.

Қатысушылар түрлі –түсті гүлдерден өзіне ұнайтын бір түсті таңдайды, сол таңдаған түстері бойынша топ құрып, үстелдерге отырады. Үш топқа мына аттар ұсынылады.

І топ: Ұжымдық ІІ топ: Достық ІІІ топ: Әріптестік

Әр топ мүшелері өз топтарының аталарын қорғап шығу керек. Тапсырма.

«Ой жинақтау» Әр топқа өз атауларына байланысты 3 сұрақтан беріледі. Ойлануға 5минут уақыт.

І топ сұрақтары.

1.Ұжым дегеніміз не?

2.Өз қуанышыңызбен ұжыммен бөлісіңіз (Рөлге ену)

ІІ топ сұрақтары

1. «Достық» ұғымын қалай түсіндіресіздер

2. Достық қиындықта көрінеді (Рөлге ену)

ІІІ топ сұрақтары

1. Әріптестік сөзіне тұжырымдама бер

2. Бір жағдайға байланысты. Жұмыстан сұрандыңыз,әріптесеңізден өзіңіздің орныңызға қалуға өтініш білдірдіңіз (Рөлге ену)

Тапсырманы талқылау. Рөлге ену оңай немесе қиын болды ма?

«Ормандағы жаңбыр» ойыны

ойынға қатысушылар бірінен соң бірі қатарласып тұрады, жүргізуші мәтінді оқиды, ал қатысушылар орындайды. Орманда күн ашық, ағаштар бұталарын күнге қарап бағыттап, жапырақтарын күннің көзіне шуағына көрсету үшін ұмтыла түсуде. Сіздер ағаштарсыздар да, аяқтың ұшымен тұрып, қолдарыңызды биікке созып күнге барынша жақындай түсіңіздер. Қандай тамаша! Осы кезде қатты жел тұрып кетті, ағаштар тербеле бастады, тамырлары болғандықтан түптері мықты, аяқтың бұлшықеттеріне салмақ түсіріңіздер. Қатты жел жаңбырдың иісін шығарып қара бұлттарын алып келді. Ал ағаштарға сіркіреп тамшылаған , жаңбыр тамшылары үдей түсті. Сол кезде ағаштар бірін – бірі аяп кетті де жаңбырдың қатты тамшыларын сілкиді. Ағаштар өздерін сергек сезініп, өмірдің қуанышын байқайды.