«Ұлттық құндылықтарды бойына сіңірген жастар жаһандық бәсекеге қабілетті»

Эссе

«Ұлттық құндылықтарды бойына сіңірген жастар жаһандық бәсекеге қабілетті»

Қазақ – темірдей тәрбиесі бар ата-дәстүрді сақтайтын халық. Тәрбиенің барлығы отбасынан басталады.Ұлттық құндылықтарды бойына сіңірген жастар жаһандық бәсекеге қабілетті болып келері сөзсіз.Ұлттық құндылығымыздың бірі , қазақи тәрбие. Жастайынан қазақи тәрбиеге сусындап өскен бала елінің ертеңі, халқының болашағы. Ата-ананы құрметтеу, туыс-бауырды сыйлау, оларға көмек беру отбасылық құндылықтың негізі. Сонымен қоса салт-дәстүрді қадірлеу де отбасынан бастау алады. Қазақ халқының ұлттық тәрбиесі-әлемде теңдесі жоқ тәрбие. Оған айқын дәлел қазақ арасынан шыққан ақын жазушылар, хан мен батырлар, көптеген елім деген азаматтар бар. Олардың барлығы көркем әдебиеттің, шынайы тарихтың арқасында рухани тәрбие алушылар. Қазіргі таңда тәрбиенің босансып кеткені ашшы болса да шындық. Заман өткен сайын ата-баба дәстүрі қалып келеді. Адамзат ысырапшылдыққа, тасжүректікке жақындап барады. Бүгінгі күні адамдар арасында бәсекелестік, зорлық-зомбылық көбеюде. Сонымен қатар батыс мәдениетінің де кері әсері байқалуда. Осыған қарап, Мөңке бидің айтып кеткен болжамы еске түседі.

Халыққа бір тиын пайдасы жоқ ,

Ай- сайын бас қосқан жиын болады,

Ішіне шынтақ айналмайтын,

Ежірей деген ұлың болады.

Ақыл айтсаң ауырып қалатын,

Бедірей деген қызың болады.

Мөңке би өз дәуірінде қазақтың қазіргі жай-күйін көрегендікпен жазып кеткендей. Бұл сөзім қазір тәрбие жоқ дегенді білдірмейді. Керсінше қоғамымызда бәрімізге үлгі боларлықтай, айрандай ұйып отырған отбасылар да баршылық. Ондай отбасылар баланы жастайынан әдептілікке, ізгілікке үйретеді. Кішкентайынан тәрбие көрген бала кез-келген ортада сыйлы, сыпайы бола біледі. Бала тәрбиесіне ата-анадан бөлек ұстаздары да, достары да, жалпы қоршаған ортасы өз әсерін тигізеді. Отбасылық құндылықты бойына сіңірген жастар, қоғамда өз орнын табумен қатар, жаһандық бәсекеге де қабілетті болып келеді. Сөзімді қорыта келе отбасылық құндылықты сақтау атадан балаға мұра ретінде қалуы тиіс. Дәлірек айтқанда бүгінгі жастарымыз бабалар салып кеткен сара жолмен тәрбие алатын болса, ел үмітін ақтарар, жаһандық бәсекеге қабілетті азамат болары сөзсіз. Елдің ертеңі ұлттық құндылықтарды бойына сіңірген жастардың қолында! (284-cөз)