«Үш тілді білім беру арқылы құзіретті тұлғаны қалыптастыру»

Жаңаөзен қалалық білім бөлімінің

«№20орта мектеп» КММ

Қазақ тілі мен әдебиеті пәнінің мұғалімі

Рыстаулетова Халима Еркенона

Наурыз айының аяғында Жаңаөзен қалалық білім бөлімінің «№20 орта мектеп» КММ -де «Үш тілді білім беру арқылы құзіретті тұлғаны қалыптастыру» тақырыбында қалалық семинар болып өтті. Семинар барысында мектебіміздің төрт мұғалімі жоспар бойынша шебер сынып, ашық сабақтарын көрсетті. Жаңартылған бағдарлама аясында ұйымдастырылған семинарды алғаш болып қазақ тілі мен әдебиеті пәнінің мұғалімі, модератор біліктілік санаты бар, жас маман Рыстаулетова Халима «Сабақты тиімді басқарудағы тайм-менеджмент –табысқа жетудің көзі.» тақырыбында мұғалімдерге шеберлік сағатын өткізумен ашып берді. Осы тақырыпта өткізген шебер сыныбы қала мектептері мұғалімдерінің көңілінен шығып, келген жас мамандар өздеріне қажетті әдіс-тәсілдерді үйреніп, Рыстаулетова Халимаға алғыстарын білдірді.

Семинар бағдарламасына сай 4 «Ә» сынып оқушыларымен «Презентациядағы бейне» тақырыбында ашық сабақ өткізген еңбек өтілі 19 жыл, модератор біліктілік санаты бар информатика пәнінің мұғалімі Тайджанова Ляззаттың ашық сабағын мұғалімдер «өте жақсы» өтті деп бағалады. Тәжірибелі ұстаздарымыздың бірі –информатика пәнінің мұғалімі Индибаев Ахмет 5 «Б» сынып оқушыларымен «Сызықтық тармақталған және циклдік командаларды ойын программалау ортасында қолдану» тақырыбында өткізілген ашық сабағы жоғары дәрежеде өтті. «Биотехнологиялық үдерістің жалпы сызбасы және биотехнологияда алынатын өнімдері. Инсулин өндірісі.» тақырыбында биология пәнінің мұғалімі Қоғашева Жанар 9 «Ә» сынып оқушыларымен жаңаша мазмұнда тың ашық сабақ өткізді. Мектебімізде ұйымдастырылған үш тілде білім берудің табысты тәжірибелері мен нәтижелерімен бөліскен семинарға қала мектептерінен келген мұғалімдер «өте жақсы» деп баға берді.