Ұстаз, ата – ана, оқушы үштігі ынтымақтастығының білім сапасын арттырудағы рөлі.

Мектепішілік ата – аналар жиналысы

Мектеп педагог-психологы: Оразаева Н.К.

Коучинг тақырыбы: Ұстаз, ата – ана, оқушы үштігі ынтымақтастығының білім сапасын арттырудағы рөлі.

Мақсаты: Білім беру мекемесі мен ата-аналар арасындағы ынтымақтастық әрекет арқылы тұлғаның дамуына жағдай тудыратын біртұтас білім кеңістігін құру арқылы білім сапасын арттырудың маңыздылығын ұғындыру.

Психологиялық ахуал. Ата – аналар шеңберге тұрғызылып, қолдарына жүрек таратылады. Бір – біріне тілек айтып, жүректі мыжиды. Мыжылған жүректі жазып көрейік ол өз қалпына келмейді. Ендеше біз де бір – біріміздің жүрегімізге қаяу түсірмейік.

Ой – толғаныс. (Слайд) 1. Адамның адамшылдығы – ақыл, ғылым, жақсы ата, жақсы ана, жақсы құрбы, жақсы ұстаздан болады. Абай

2. Тәрбиенің ең тамаша мектебі – отбасы.

3. Бала әкеден ақыл, анадан мейір алады.

4. Балапан қыран болу үшін, оны самғатып ұшыратын ата немесе әке де қыран болу керек.

5. Баланы 5 жасқа дейін патшадай күт, 10 жасқа дейін құлыңдай жұмса, 15 жастан асқан соң досыңдай сырлас.

Бейнежазба тамашалау: «Бала тілегі». Бейнежазба бойынша ой бөлісу.

Мектеп директорының сөзі: Білім беру мазмұнын жаңарту – заман талабы.

Топпен жұмыс: Отбасылардың суретін құрастыру арқылы топқа бөлінеді.

Ата-аналарға тапсырма: Білім беру мен білім алуда өзгерістер қажет пе, қандай өзгерістер қажет деп ойлайсыздар ? Білім сапасы неге төмен болады, нені өзгертсек білім деңгейін жоғарылатуға болады ?

І топ: Ұстаздардың көзқарасымен.

ІІ топ: Ата – аналардың көзқарасымен

ІІІ топ: Оқушылардың көзқарасымен

Сергіту сәті. «Таяқ жүгірту» ойыны. Таяқты шеңбер бойымен жүгірту. Таяқты ұстаған ата – ана тәрбие, мектеп, білім туралы бір мақал айтады.

Мысалы: Білімдінің күні жарық, білімсіздің күні кәріп.

Қорытынды: Тренинг «Ақ орындық пен қара орындық» деп аталады. Ақ орындыққа отырған ата – ана мектептің жағымды жақтарын, қара орындыққа отырған ата – ана мектептің жағымсыз жақтарын айтады.

Кері байланыс:

1. Сауалнама алу.

2. «Конверттегі сұрақ» әдісі арқылы әр ата – ана стикерге бір тілек және бір сұрақ жазып конвертке салады.