Үштілділіктің негізін мектепке дейінгі ұйымдарға енгізу-мектеп бағдарламасына нәтижелі дайындық

Үштілділік жөніндегі сөз Елбасымыздың «Тілдердің үштұғырлығы мәдени жобасын кезеңдеп жүзеге асыру керек. Қазақстан бүкіл әлемге халқы үш тілді пайдаланатын мәдениетті ел ретінде танылуға тиіс.Бұлар - қазақ тілі - мемлекеттік тіл, орыс тілі - ұлтаралық қатынас тілі және ағылшын тілі - жаһандық экономикаға ойдағыдай кіру тілі» деген үндеуінен бастау алған болатын. Қазіргі таңда елімізде «Көптілділік» мәселесі көкейкесті мәселелердің бірі екендігі белгілі.Соның ішінде ағылшын тілі – бүгінгі заманымыздың кілті, ақпараттық технологияның кілті деуге болады. Бүгінгі әлемде мыңдаған адамдар ағылшын тілін жұмыста немесе оқуда пайдаланады және ана тілі ретінде меңгереді. Қазіргі заманда ағылшын тілі «21 ғасырдың» халықаралық байланыс, бизнес, қазіргі ғылым мен технологиялар тілі мәртебесіне ие болды. Мемлекет басшысының «Болашаққа бағдар: рухани жаңғыру» атты мақаласында да «Үш тілде білім беру» бағдарламасын – ұлтымызды, яғни барша қазақстандықтарды ХХІ ғасырдың талаптарына даярлаудың қамы деп атап көрсеткен болатын.Көптілділікке көшудің негізгі мақсаты- бірнеше тілді меңгерген,бәсекеге қабілетті,мәдениетті, тілдік тұлғаны қалыптастыру. Осы орайда үштілді білім беруді тек қана жоғары оқу орындары мен мектептерде ғана емес, мектепке дейінгі ұйымдардан бастауды ұсынамын. Бұл ұсыныс кейбір ата-аналар тарапынан дау тудыратыны да анық. Алайда, өз тәжірибемізге сүйеніп, 3 жастағы балалардың ағылшын тілін жаңа технология арқылы оңай меңгеріп отырғанын байқап, ұсынып отырмыз.
Мемлекеттік бағдарламамен оқытатын «Айназ» жекеменшік балабақшасында ағылшын тілін интерактивті стильде,ойын түрінде оқытатын қосымша халықаралық «FasTrackEnglish» бағдарламасы ашылған болатын. Аталған бағдарлама 3жастан бастап қатысып отырған тәрбиеленушілеріміз қызығушылық танытып, оңай әрі, жеңіл меңгеріп отыр. Мысалы: түстерді , адамның дене мүшелерін, пішіндерді, т.б. оңай үйреніп, атай алады. Сонымен қатар, тек мектептер де ғана емес, мектепке дейінгі ұйымдарда да 3 тілді білім беруді педагогтар дайындау қажет деп есептеймін.
Ана тілің арын бұл,
Ұятың боп, тұр бетте
Өзге тілдің бәрін біл,
Өз тіліңді құрметте!- деп Қадыр Мырза Әли ақын айтқандай –өз тіліңді таза білу, өзге тілге де құрмет көрсетуді осы төменгі буыннан бастаған дұрыс деп санаймын.Сол төменгі буындағы мектепке дейінгі ұйым балаларына барынша жаңа технологияларды пайдалана отырып, ана тіліне деген қызығушылықты бойына сіңіре алсақ,болашақтағы жан-жақты жеке тұлғаның қалыптасуына өзіндік әсерін тигізері сөзсіз деп білемін.