Зияткерлік сайыс

Майлыбекова Зауре Шымыркуловна

«Балдәурен» республикалық оқу-сауықтыру орталығының география пәнінің мұғалімі

Балалық шақтың бекеті -«Балдәурен»

Бақытын- мен, бақытым деп біл мені,

Мені білсең, бақытыңды білгенін.

Ал мен үшін ең бақытты күндерім

Балам саған бақыт іздеп жүргенім.

Әр адамға өзінің балалық шағы өте ыстық. Балалық шақ дегеніміз — үлкен мұхиттай тұнық өмірдің шағын ғана бір бөлігі. Бірақ,осы шағын бөлік қанша тамаша сәттерге толы.  

Баланың бақытты шағының бастысы ол - мектеп кезі . Мектеп баланың екінші үйі секілді. Мұнда ол өзінің достарын табады, ортасы қалыптасады. Көп нәрсені таниды.Осындай балалық шақтың бақытына айналған тамаша жер,ол - «Балдәурен » РОСО. Ол оқушылардың өміріндегі бақытты бекет іспеттес.

Мұнда жиырма күнге келген оқушылар Қазақстанның Алматы, Ақтөбе , Тараз Түркістан , Қызылорда және Батыс Қазақстан облыстарынан жиналады. Алғашқыда бірін- бірі танымайтын оқушылар жиырма күнде бауырлардай татуласып кетеді . Оған себеп орталық қызметкерлері және осында жиырма күн бойы өткізілетін іс- шаралар . Іс- шаралар спорттық, мәдени және зияткерлік ойындар болып бөлінеді. Спорттық ойындардың балаға берері өте мол. Волейбол, баскетбол, көңілді старт және «Олимпия» спорт мерекесін өткізу арқылы балалардың сергіп, денелерін шынықтырса , мәдени іс- шаралар сахна мәдениетіне бейімдеп, еркін өнер көрсетуге баулиды.Зияткерлік ойындар баланы жан- жақты ойлануға, ізденуге еркін сөйлеуге тәрбиелейді. Сондай іс-шараларымыз «Брейн- ринг», «Балдәурен көшбасшысы» , «Өнегелі оқушы», « Салт –дәстүрім – асыл қазынам» «Киелі Түркістан» атты зияткерлік ойындар. Осындай тәлім тәрбие беретін іс –шаралар арқылы тәрбиеге кенеліп өсетін , ержете келе жан жағына қарап бой түзейтін, дұрыс азамат болып өсуіне көмектеседі деп ойлаймын. Балдәурен балалардың өмірінде Балалық шақтарының бір бекетіне айналғанына мен сенімдімін.