Тақырыбы:

«Күлімде ,Наурыз,күлімде»

Мақсаты:

Наурыз мерекесінің мән мағынасын балаларға түсіндіру, ақ тілек, бата, наурыз көже, құт- береке ұғымдарын қалыптастыру, жақсылыққа,адамгершілікке тәрбиелеу.

Қажетті құрал – жабдықтар:

аттар, конустар, асықтар, теңгелер, шығыршық.

Қатысушылар: Балалар, Қыдыр Ата, тәрбиешілер

Барысы

Жүргізуші:

Құрметті қауым ! Бүгінгі балабақшамызда өткізілетін Наурыз мерекесі ертеңгілігіне қош келдініздер!

Береке де осында,

Мереке де осында.

Болып жатыр той думан,

Қырандарың қасында.

Асқақтаған ән дайын,

Күмбірлеген күй дайын.

Ал, қанекей, қонақтар , ата аналар,

Төрге шығыныздар!

«Наурыз - думан»- әнінің әуеніиен қонақтар, балалар залға кіріп, жайғасады.

Жүргізуші:

Құрметті әріптістер! Қадірлі қонақтар, ата аналар, балалар! Ұлыстың ұлы күні – Наурыз мерекесі құтты болсын! Наурыз куні қазанына ортаймасын. Жаңа жыл шаттық әкел, той тойласын!

Күннің жаңа нұры бар

Мұның ғажап сыры бар.

Халық сүйген бұл мейрам,

Наурыз келді тағыда,

Жасыл желек тағына.

Құтты болсын мереке,

Жаңа жылға береке.

Наурыз:

Армысыңдар , қонақтар!

Айналайын ,балалар!

Қыдыр ата – аман ба?

Жаңа жайла заманда.

Армысыңдар,халайық

Бармысыздар, халайық

Наурыз жайып жүр жазбай,

Жылды қарсы алайық!

Ал, халайық тұрмайық

Әндетейік, жырлайық.

Ортамызды ашайық.

Ырыс тілек бұл жылға,

Жырдан шашу шашайық.

Кел, балалар,келіндер.

Бізде қызық ойын бар,

Ойынға әбден тойыңдар.

Қыдыр Ата:

Ау, аманба,жараңдар!

Алтын таңға қарандар!

Келе жатыр жылымыз,

Мейрамдаймыз мұны біз.

( Домбырасы арқасында, Қыдыр Ата кіреді)

Балалар, қонақтар бәрі шапалақтап қарсы алады.

Жүргізуші:

Қыдыр ата , біздің балалардың да наурызға ән, би шашулары бар. Соны да тыңдайық

Наурыз тойы, барыс жылы.

Құтты болсын ағайын!

Ұлыстың ұлы – күні.

Шырқап әнге салайық.

Айару:

Жыл басы – Наурыз мереке,

Ақ нұрға әлем боянды.

Наурыз тойы береке

Тіршілік жаңа оянды!

Жылдың басы Наурыз,

Жердің басы Наурыз.

Мерекеге арналсын

Бүгінгі жыр- әніміз.

Даниер:

Елім менен жеріме,

Ырысын шашқан Наурыз.

Күлімдеген көктемге,

Шуағын шашқан наурыз.

Жеті түрлі дән салып,

Дәм татқызған наурыз.

Жақсылық тілеп халыққа,

Молшылық әкелсін наурыз.
Жанбота:

Наурыз тойым,

Наурыз тойым.

Құтты болсың халайық!

Қане, достар, қане, достар,

Шырқап әнге салайық.

Асаль:

Наурыз әлем,наурыз құс,

Сұлу дала, сағым түз.

Самғай ұшқан қарылғаш,

Аққу қаздар мамық төс.

Наурыз дала, наурыз гүл,

Тентек сезім, үнсіз тіл.

Ақ қайыңның аясында айқасқан,

Балуан білек, қыпша бел.

Жүргізуші:

Ендеше, бүгінгі мерекеге орай біздің балалар сайысқа түскелі отыр. Үш командаға бөлініп, сайыс ережелерімен танысайық.

Сайыс 6 кезеңннен тұрады:

1. «Бәйге »жарысы

2. «Асық тарту» жарысы

3. «Теңге алу» жарысы

4. «Мақал мәтелдерді айтудан сынасу» жарысы

5. «Аударыспақ» жарысы

6. «Қазақша билеу» жарысы

Жүргізуші:

Балалар , біз енді ортамызға Наурыз шашу шашып, наурыз көже пісіріп әкелген әжелерімізді шақырайық.

Әжелер:

Оу, айналайын,балалар!

Наурыз көже пісірдім.

Көктем Наурыз жайында,

Бал көжеден татындар.

Жүргізуші:

Рахмет әже, рахмет!

Шашылғандай мұн, кірбің Наурыз тойда,

Нағыз әже ойлайды,нағыз салтты.

Оу, ағайың, келіндер бүгін бізге,

Наурыз көже, құрт, қатық бәрі бізде.

Ұлы күнде халайық

Қалай қарап қалайық.

Ортамызға шақырып, Қыдыр атамыздан

Ақ батасын алайық!

(Қыдыр Ата батасын береді)

Құрметті қонақтар ата-аналар, әріптестер,тағыда сіздерді Наурыз мерекесімен құттықтаймын,Наурыз мерекесіне арналған ертеңгілігімізді аяқталуы таяу қалды.

«Шақырады көктем» әнінің музыка әуені ойналады.