Ауылым -алтын бесік, ақ босағам

«Ауылым-алтын бесік, ақ босағам»

Төрт-түлігін түлетіп, егістігін жайқалтып, шаруасын өрге сүйреп отырған ауыл-бүтін бір елдің асыраушысы, қайнаған еңбектің және ұлттық руханияттың қайнар көзі іспетті.

Тілектес Есполов

Ағымдағы жылдың маусым айының 18-ші жұлдызында ҚР-ның Тәуелсіздігінің 30 жылдық мерекесіне орай, «Ең үздік мәдениет үйі-2021» облыстық байқауының аясында Самарка ауылының мәдениет үйінде «Ауылым-алтын бесігім» атты мерекелік іс-шара ұйымдастырылды. Мәдени іс- шараның басты мақсаты: Қалың жұртшылықтың, соның ішінде бұғанағы қатпаған жас буын өкілдерінің бойына туған жерге, елге деген патриоттық сезім ұялату, тұрғындар арасындағы бірлік пен ынтымақтастық қатынастарды нығайту.

Мерекелік шараның шымылдығын ауыл әкімі -Таубаева Замзагуль Ураловна ауыл тұрғындарына деген өзінің ақ жарма тілегі, жылы лебізін білдірумен ашып берді. Шараға облыстық мәдениет үйі басқармасынан коммиссия мүшелері төрелік етті.Мәдениет үйі өнерпаздары әннен шашу шашып, ортаны бимен қыздыра көрермендерге керемет көңіл-күй сыйлады. Жұртшылыққа жаңа серпін берген концерттік бағдарлама мұнымен шектелмеді, ауыл тұрғындары арасынан « Ең үздік аула» номинациясы бойынша жеңімпаздар анықталып, арнайы сыйлықтармен марапатталды. Бұл мерекелік концертте Самарка ауылының құрметті азаматтары мен азаматшалары, соның ішінде көпбалалы аналар да назардан тыс қалмады. «Отанды сүю отбасынан бастау алады» дегендей туған жерді ұлықтау, сүю ең алдымен «Ана» есмін ұлықтаудан басталады. Міне сол мақсатта мерекелік шара барысында алтын құрсақты аналарға құрмет көрсетіліп, гүл шоқтары табысталды. Қатысушылар мен коммиссия мүшелері «Самарка ауылының ас үйі» атты мерекелік үстелінен дәм татып, « Шебер қолдар» қолөнер көрмесімен танысып, естелік суреттерге түсті. Концерттік бағдарламаның нүктесін Самарка мәдениет үйі директорының орынбасары – Тилеубек Диня әуезді әсем әнімен аяқтады.