Сабақ: қазақ тілі

Сынып: 9

Сабақтың тақырыбы: Бақылау жұмысы

Сабақтың мақсаты:

Білімділік: оқушылардың білім деңгейін қадағалау

Дамытушылық: пән бойынша алған білімдерін жүйелі түрде қолдана білуге дағдыландыру.

Тәрбиелік: оқушылардың пәнге деген қызығушылықтарын ояту

Сабақтың түрі: өздік жұмыс

Сабақтың әдісі: сұрақ-жауап,әңгімелеу

Сабақтың көрнекілігі: тапсырмалар

Сабақтың барысы:

Ұйымдастыру кезеңі

Оқушылармен амандасу, сынып даярлығын тексеру

Жаңа сабақ

І нұсқа

Лексико-грамматикалық тест

1.Жіңішке буынды сөздер қатарын көрсетіңіз.

А) сынып, парта В) дәптер, қалам С) мереке, білім Д) қыркүйек, қоңырау Е) кітап, оқушы

2. Қатаң дауыссыз дыбыстар қатар келген сөзді көрсетіңіз.

А) Қасқа. В) Арқан. С) Қаймақ. Д) Алма. Е) Алғаш.

3. Бітеу буыннан тұратын сөзді табыңыз.

А) Таразы В) Іні С) Шағала Д) Жаңғақ Е) Ұлт

4.Буын үндестігі сақталмаған сөзді көрсетіңіз.

А) Оқушы. В) Орман. С) Ғарышкер. Д) Мектеп. Е) Дәптер.

5. Туынды зат есімді көрсетіңіз.

А) Еңбекті. В) Еңбекші. С) Еңбекпен. Д) Еңбегің. Е)Еңбектен.

6.Тәуелдік жалғауындағы сөзді табыңыз.

А) Апайлар. В) Жолдас. С) Ауылданбыз. Д) Дәптеріңіз. Е) Уақыт.

7. Сапалық сын есімді көрсетіңіз.

А) Ынталы. В) Киелі. С) Тамаша. Д) Білімді. Е) Атақты.

8. Күрделі сын есімді табыңыз.

А) Көк. В) Сары ала. С) Қызық. Д) Жасыл. Е) Сұлу.

9.Күрделі есептік сан есімді көрсетіңіз.

А) Отыз бесінші. В) Екі кітап. С) Жүз алты. Д) Жиырма. Е) Оннан төрт.

10.Болжалдық сан есімді табыңыз.

А) Бес-бестен. В) Беске таман. С) Бесінші орын. Д) Бес адам. Е) Сағат бесте.

11. Еш сөзі арқылы жасалатын есімдіктің түрін табыңыз.

А) Болымсыздық. В) Жалпылау. С) Сілтеу. Д) Сұрау. Е) Жіктеу.

12. Тұйық етістікті көрсетіңіз.

А) Жуу. В) Ашық. С) Күндерде. Д) Жақсы. Е) Кірген.

13.Көп нүктенің орнына тиісті шылауды қойыңыз. Отан ... от кешкендер.

А) Үшін. В) Бұрын. С) Секілді. Д) Туралы. Е) Ғана.

14.Қаратпа сөзі бар сөйлемді белгілеңіз.

А) Жеңіс, келесің бе? В) Тақтаны сүртті.

С) Гүлді оқушылар отырғызды. Д) Астық жиналды. Е) Алма сурет салды.

15.Толықтауышты табыңыз. Досым қызық кітап сатып алды.

А) Қызық. В) Сатып. С) Досым. Д) Алды. Е) Кітап.

І мәтін

Би өнері.

Қазақтың би өнері ерте заманнан қалыптасып, халқымыздың ән - күйлерімен, дәстүрлі тұрмыс - салтымен бірге қалыптасып келеді. Би өнері - ата - бабадан қалған мәдени мұра. Ол қазақ қоғамының рухани өміріне азық болған.

Би - музыка өнерімен сабақтас халық өнерінің бір түрі. Қазақтың ежелгі би өнері жайлы ертегі, аңыз, дастандарда айтылады. Би белгілі бір әуендермен, күйлермен сүйемелденеді. «Қаражорға», «Бүркіт биі», «Қамажай», «Киіз басу», «Ортеке», «Аққу» - қазақ билері.

Шара Жиенқұлова - қазақтың дарынды биші қызы. Атақты биші алғаш рет Қазақстанда бишілік мектеп ашып, шәкірттер даярлаған. Шара «Ер Тарғын», «Қыз Жібек» операларындағы би көріністерін бейнелеген.

(94 сөз)

1. Мәтін мазмұны не туралы екенін белгілеңіз

А) ұлттық ойын В) салт-дәстүр С) би өнері Д) сурет өнері Е) тарихи оқиға

2. Би өнері нені білдірмейтінін табыңыз

А) әдет-ғұрып В) рухани азық С) халық өнері Д) ежелгі өнер Е) мәдени мұра

3. Қазақ бидің атауын табыңыз

А) «Яблочко» В) «Гопак» С) «Шома бас» Д) «Кадриль» Е) «Ортеке»

4. Қазақтың ежелгі би өнері туралы қайда айтылмайтынын табыңыз

А) ертегі В) аңыз С) жаңылтпаш Д) дастан Е) өлең

5. Қандай қазақтың дарынды биші туралы мәтінде айтылғанын табыңыз

А) Нұрсұлу Тапалова В) Лейла Әлпиева С) Айсұлу Жакишева Д) Шұғыла Сапарғалиқызы Е) Шара Жиенқұлова

ІІ мәтін

Мейірімді бала.

Қытай жұртында ескi заң бар, бiреудi алдағандығы мойнына түскен кiсiнiң қолын кесе-тұғын. Бiр төре осындай iспен күнәлi болып, әлгi айтылған жазаны беруге тұрғанда, күнәлi төренiң жас қыз баласы әкем үшiн жауап беремiн деп, мәлiм болды. Қызды патшаға алып келiстi.

– Тақсыр, патшам, – дедi қыз, – менiң әкем жазаға лайық болғаны рас, соның үшiн қолынан айрылуы керек болды, мiнекей, тақсыр, әкемнiң қолы, – деп өзiнiң қолын көтердi. – Бұл қол да менiң жазықты болған әкемнің қолы, бiрақ мұнымен бала-шағаларын асырауға шамасы келмейдi. Бұйырыңыз, тақсыр, осы нашар қолын кесiп, жұмысқа жарап, бала-шағаларын асырайтын қолын әкеме қалдыруға.

Патша баланың мұнша әкесіне мейiрiмдiлiгiне рақымы келiп, төренiң күнәсiн кештi дейдi.

(100 сөз)

 1. Қытай жұртында ескi не болғанын табыңыз

А) әдет В) үкім С) салт Д) ғұрып Е) заң

2. Әңгімеде бiреудi алдағандығы мойнына түскен кiсiнiң қолын не істейтінін белгілеңіз

А) кескен В) шапқан С) байлаған Д) алған Е) ұрған

3. Күнәлi төренiң орнына жауапты кім қайтарғанын табыңыз

А) әйелі В) досы С) немересі Д) қызы Е) ұлы

4. Қыз не танытқанын көрсетіңіз

А) адамгершілік В) мейірімділік С) жақсылық Д) әдептілік Е) зұлымдық

5. Патша төренің күнәсіне не істегенін табыңыз

А) күнәсін кешті В) күнәсін кешпеді С) күнәсін көрмеді

Д) күнәсін сезбеді Е) күнәсін байқамады

Бекіту

1.Қиын сұрақтарға түсінік беру

2.Орындау тәртібін қайталау

Қорыту. Бағалау.

Үйге тапсырма Ережелерді қайталау