Cабақ жоспары. Шеңбер, дөңгелек, олардың элементтері мен бөліктері. Центрлік бұрыш

Ұзақ мерзімді жоспардың тарауы: Шеңбер. Геометриялық салулар

Күні:

Сынып 7

Мектеп: «№20 М.Әуезов атындағы жалпы білім беру орта мектебі»

Мұғалімнің аты-жөні: Қылышова Ақмарал Жұмағұлқызы

Сабақ тақырыбы

Шеңбер, дөңгелек, олардың элементтері мен бөліктері.

Центрлік бұрыш

Осы сабақта қолжеткізілетін оқу мақсаты

7.1.1.31 нүктелердің геометриялық орнының анықтамасын білу;

7.1.1.28 шеңбер мен дөңгелектің және олардың элементтерінің (центр, радиус, диаметр, хорда) анықтамаларын білу;

Сабақ мақсаттары

• нүктелердің геометриялық орнының анықтамасын білу;

• шеңбер мен дөңгелектің және олардың элементтерінің (центр, радиус, диаметр, хорда) анықтамаларын білу;

• центрлік бұрыштың анықтамасы мен қасиеттерін білу және қолдану;

Бағалау критерийлері

нүктелердің геометриялық орнының анықтамасын біледі;

шеңбер мен дөңгелектің және олардың элементтерінің (центр, радиус, диаметр, хорда) анықтамаларын біледі;

центрлік бұрыштың анықтамасы мен қасиеттерін біледі және қолданады

Тілдік мақсаттар

Тілдік мақсат:

Пәнге қатысты лексика мен терминология:
- нүктелердің геометриялық орны;

- шеңбердің центрі, радиусы, диаметрі;

- хорда;

- шеңбердің доғасы, оның бұрыштық шамасы;

- жарты шеңбер;

- қиюшы;

- шеңберге жанама, жанасу нүктесі;

- центрлік бұрыш, центрлік бұрыштың градустық шамасы;

Диологтар мен жазу үшін қолданылытын тіркестер:
- шеңбер доғасының бұрыштық шамасы ... тең;

... шеңбердің центрі;

- центрлік бұрыштың шамасы ... анықталады;

- центрлік бұрыш ... доғасына тіреледі;

- центрлік бұрыш ... доғасына керіледі.

Құндылықтарды баулу

«Жалпыға ортақ еңбек қоғамы» құндылығы бойынша оқушыларды шығармашылыққа, бірігіп,келісіп топтық жұмыс атқаруға, өмір бойы білім алуға баулу

Пәнаралық байланыстар

көркем еңбек

Бастапқы білім

Шеңбер мен дөңгелектің ұғымдарын біледі, шеңбердің элементтерін (шеңбер,дөңгелек,радиус,диаметр) анықтай алады, дөңгелектің элементтерін ажырата алады

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

( 5 минут)

1. 1. Ұйымдастыру кезеңі

Оқушыларды түгендеу, сабаққа әзірлігін тексеру.

«Мен саған сенемін» тренингі арқылы жағымды психологиялық ахуал туғызу.

Әуен ойнап тұрады. Жұп құрып, бір- бірінің көздеріне қарап отырады. «Мен саған сенемін … » өйткені сен жақсы адамсың.

1. «Шеңбер,дөңгелек» тақырыбына 4сұрақ. «Аралас/Қатып қал/Жұптас» әдісін қолдана отырып, өтілген тақырыпты еске түсіріп, жаңа тақырыпты ашуға қадам жасау.

2. Қоршаған ортадан мысал келтіру арқылы, «нүктелердің геометриялық орны» ұғымына тоқтала отырып, жаңа тақырыптың атын ашамын. Мысалы, өзімнен қол созым жерге фишкаларды қойып шығамын.Фишкалар орналасқан нүктелер жиыны (немесе нүктелердің геометриялық орны) қандай фигураны құрайды?

3. Суреттегі нүктелердің орналасуы бойынша топқа бөлемін. Ортаға кеспе қағаздары қойылады.

А. Шеңбердің бойында

В . Дөңгелекте

С. Дөңгелектен тыс

Кеспе қағаздар, маркер

Интерактивті тақта

Сабақтың ортасы

( 15 минут)

(7 минут)

(2 минут)

(5 минут)

(4 минут)

Жаңа сабақты меңгерту және оқушылардың бірін-бірі оқытуы мақсатында «ЖИГСО» әдісін қолданамын. Ол үшін алдын ала топтар үшін тапсырмаларды жеке қағаздарға дайындап әкелемін.

А топқа тапсырма:

1. Шеңбер дегеніміз не? Шеңбердің центрі деп нені айтады? Шеңбердің радиусы,диаметрі деген не?

2. Шеңбер сыз, диаметрін салып, радиусын анықтаңдар

В топқа тапсырма:

1. Хорда деп нені атайды? Қандай хорда диаметр болады? Центрлік бұрыш дегеніміз не?

2. Шеңбер сызып, хорда жүргізіңіз

С топқа тапсырма:

1. Дөңгелектің секторы деп нені айтады? Шеңбер доғасы деген не? Жанама дегеніміз не?

2. Түзу мен шеңбердің, екі шеңбердің өзара орналасуларының сызбасын сал

Оқушылар бастапқы топтарда тапсырмалармен жұмыс жасайды, оқушылар Сарапшы топтарында өздерінің тапсырмаларын жан-жақты талдап, талқылағанда білгендерін өзгелерге қалай үйретуге болатынын да ойластырады: сызба, карта, кластер, т.б. жасайды. Талқылау соңында әр оқушы өз бөліктері (тапсырмасы) бойынша сарапшыға айналады.

Талдауға жеткілікті уақыт бөліп, топтардың талқылауларын қадағалаймын, дұрыс шешім қабылдануына бағыт-бағдар беремін . Қажет болса көмек ұсынамын.

Келісім бойынша әр топтан шыққан оқушы топтық жұмысты қорғайды.

Алдын ала берілген бағалау критерийлерін пайдаланып, оқушы өз-өздерін бағалайды.

Топтық тапсырма

Оқулықпен жұмыс

А . 54.6(1)-есеп.Қарбыз екі тең бөлікке бөлінді. Кесілген бөліктегі шеңбердің радиусы 15см. Қарбыздың диаметрі қандай болып еді?

Дескриптор:

Қарбыздың диаметрін таба алады

В . 54.6(2)-есеп.Киіз үйдің диаметрлері 1м,1,2м,1,4м болса,шаңырағының(54.6.ә-сурет)құрайтын радиусын табыңдар

Дескриптор:

Шаңырақтың диаметрін біледі

С .54.8(1)-есеп. Егер киіз үйдің табанының радиустары: а)2,5м;ә)3м;б)3.5мболса,онда оның диаметрін табыңдар

Дескриптор:

Киіз үйдің табаннының диаметрін таба біледі

Тапсырмалар шешімін интерактивті тақтадан көру арқылы топтар бірін-бірі смайликтер арқылы бағалайды.

Сергіту сәті : Музыкамен қозғалыс жасау

Бойды сергек тік ұста,

Емін-еркін тыныста.

Оң қолыңды соз алға,

Қол ұшына қара да,

Үшбұрыш сыз ауада,

Содан кейін төртбұрыш,

Сол қол босқа тұрмасын,

Шеңбер жасап тынбасын

Саралау тапсырмасы

№1. Центрі О нүктесінде және R =4,2 см болатын дөңгелек сызыңдар . Диаметрін тап және сызып көрсетіңдер.

№2. Шеңбердің радиусы 2,5 см. Оның диаметрін табыңдар. Осы шеңбердің диаметрі 6 см болуы мүмкін бе?

№3 Радиустары 30 см және 40 см болатын екі шеңбер жанасады. Осы шеңберлер іштей және сырттай жанасқан жағдайларда центрлерінің арақашықтығын табыңдар.

Дескриптор

• Шеңбердің анықтамасын біледі.

• Дөңгелекті сыза алады.

• Радиусты біледі

• Диаметрін таба алады

• Диаметрін сыза алады

• Іштей жәнет сырттай сызылған шеңберлер туралы біледі.

• Берілген есептерді шығара алады.

Алдын ала берілген дескриторлар арқылы оқушылар өзін –өзі бағалайды.

Қызыл,көк,сары түстер арқылы бағалаймын.

«Ұлғайтылған Венн диаграммасы» арқылы сабақты қорытындылаймын.

Әр топ бойынша 1 оқушы тақтадағы материалдар бойынша тұтас жаңа сабақты толық құрастырып айтып шығады.

Интерактивті тақта

Кеспе қағаздар, маркер

А4 қағаздары, қаламдар

Сабақтың соңы

(2 минут)

Рефлексия

« Аяқталмаған сөйлемдер» әдісі бойынша рефлексия жасайды:

Бүгінгі сабақта мен ............................................. үйрендім.

Бұған дейін мен: ............................................. білуші едім.

Топпен жұмыс жасау кезінде: ...............................түсіндім

Үйге тапсырма : №54.7; №54.8(2)

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау кезінде берілген әдіс –тәсілдер арқылы оқушылар жеке, жұптық, топтық жұмыстар жасау арқылы ынтасы артады, нақты бір оқушыдан күтілетін нәтижелер туындайды, оқушыға дербес қолдау көрсету барысында оқушылардың сөйлесу дағдысы қалыптасады, оқу материалдары мен ресурстары арқылы оқушылардың жеке қабілеттерін ашылады.

1. Әр оқушыны топтық, жұптық жұмыста, сабаққа қатысын қадағалап бағалаймын. «Жарайсын», «өте жақсы», «жақсы», «сен бүгін сабаққа жақсы дайындықпен келіпсің» деген сөздермен бағалап отырамын.

2. Оқушылар өзін-өзі, өзара бірін - бірі бағалайды.<